RSS-подписка facebook facebook Вконтакте Вконтакте
» » Әсәләрҙе ил хәстәрләй

05.10.2010 Әсәләрҙе ил хәстәрләй

Әсәләрҙе ил хәстәрләйКүптән түгел Рәсәй Хөкүмәте илдең төп финанс документын – киләһе йылға бюджетты ҡараны. Сметала дәүләт ҡаҙнаһы аҡсаһының ҡайҙа йүнәлтеләсәге асыҡланған. Уға ярашлы, Хөкүмәт киләһе йыл пенсияға 4,7 трлн һум тотонмаҡсы. Һөҙөмтәлә ҡартлыҡ буйынса пособие 1 февралдән 8 процентҡа артасаҡ. Ә инде уртаса хеҙмәт пенсияһы 8 800 һумдан ашыу буласаҡ. Бюджет өлкәһе хеҙмәткәрҙәренә, студенттарға, хәрбиҙәргә лә өҫтәмәләр ҡаралған.
Дәүләт әсәләрҙе лә онотмай, йәш әсәләр ҙә әлегенән күберәк ала башлаясаҡ. Йәғни бала тапҡандан һуң бер тапҡыр түләнгән пособие 1 ғинуарҙан 11 мең 700 һум тәшкил итәсәк. Әле иһә уның күләме – 10 мең 989 һум.
«Әсәлек капиталы»ның күләме менән ҡыҙыҡһыныусыларға шуны еткерәбеҙ: Хөкүмәт вәғәҙә иткәнсә, ул йыл һайын индексациялана. Киләһе йылдан дәүләт ярҙамының күләме 365 мең 700 һум булыр, тип көтөлә. Быйыл иһә ул 343 779 һумға етәсәк.
Шуны оноторға ярамай, киләһе йыл бюджеты ла дефицитлы буласаҡ. Ни тиһәң дә, көрсөккә бәйле, ҡаҙна килеменең һиҙелерлек кәмеүе үҙенекен итә. Мәҫәлән, быға тиклем көрсөккә ҡаршы сараларға һәм пенсияны күтәреүгә байтаҡ аҡса тотонорға тура килде. Хөкүмәт ҡаҙналағы был бушлыҡты ни бары 2014 йылда ғына ябырға өмөтләнә. Аналитиктар фекеренсә, бюджет килемен арттырыу нефть долларҙары иҫәбенә түгел, ә иҡтисад үҫешенә бәйле башҡарыласаҡ. Шунлыҡтан 1,6 трлн һумды модернизациялауға һалмаҡсылар. Мәҫәлән, юл төҙөлөшөнә һәм ремонтлауға 387 млрд һум иҫәпләнһә, алдағы ике йылда һаулыҡ һаҡлау өлкәһенә – 460 млрд, ауыл хужалығына 153 млрд һум йүнәлтеү ҡаралған.
Р. НУРИСЛАМОВА.







Комментарий өҫтәргә


Информация

Комментировать статьи на сайте возможно только в течении 14 дней со дня публикации.


Вернуться назад


Оҡшаш яңылыҡтар



Ҡый хаҡы арзан булырға тейеш

Кисә Хәйбулла районының Һамар ауылы биләмәһендә икеләтә байрам булды

“Инцидент” аша мөрәжәғәттәргә яуап тиҙ табыла

Киләһе йылда йорт бесәйҙәре һәм эттәре тамғаланасаҡ

Онкодиспансер яңы ҡоролмаға эйә булды

Ошо көндәрҙә Сибайҙа экологик хәл ҡырҡа киҫкенләште

Гөлнур Ҡыуатова өсөн тауыш бирәйек!

“Торатау” геопаркына рәхим итегеҙ!

Владимир Путин Сибай ҡалаһында йәшәүсе 15 йәшлек үҫмерҙең хыялын тормошҡа ашырасаҡ

Өфө ҡалаһы башлығы Башҡортостандың беренсе президенты Мортаза Рәхимов менән осрашты

Аэропорт кемдең исемен йөрөтөр?

Һәр кем үҙ бурысына яуаплы ҡараһын!