RSS-подписка Вконтакте Вконтакте
» » Ваҡыт ҡәҙерен беләйек!

19.05.2017 Ваҡыт ҡәҙерен беләйек!

Ғүмер... Ҡайҙа был тиклем ашығаһың? Сәғәт телдәре бер туҡтамай алға елә лә елә. Ваҡыттың уҙғанын һиҙмәй ҙә ҡалабыҙ. Кешеләр һәр ваҡыт тормошҡа ашырҙай ҙа, ашмаҫтай ҙа матур хыялдар менән йәшәй. Берәүҙәр яҡшы уҡыу, йәшәү хаҡында хыялланһа, икенселәр белем алып, эш табып, матур тормош ҡороуҙы маҡсат итә. Күп осраҡта ваҡыт үтеү менән бергә хыял-маҡсаттар ҙа үҙгәрә, бала саҡта мөһим кеүек тойолған нәмәләр яйлап онотола, әһәмиәтен юғалта.

Был донъяла ваҡытында үҙ-үҙен таба алмай, урманда аҙашҡан шикелле бер урында әйләнеүселәр, кешелектән сығып, эскелек һаҙлығына батыусылар, наркомания ҡоллоғона эләгеүселәр, фәхишәлек юлына баҫыусылар, ауырыуға һабышыусылар күп. Кешеләрҙең кемеһелер үҙ ваҡытын дөрөҫ бүлгән, һоҡланырлыҡ тормош юлы үткән, ә бәғзе берәүҙе үҙ туғандарынан башҡа иҫләүсе лә юҡ. Ундайҙар үҙҙәренең ҡиммәтле ваҡыттарын бушҡа әрәм итә. Улар нисек бар шулай йәшәй, теләһә нисек тормош алып бара, үҙ мөмкинлектәрен файҙаланмай.
Кеше теләһә, күпте эшләй ала. Әгәр беҙҙең ваҡыт дөрөҫ бүленеп, эшебеҙ дөрөҫ ойошторолған булһа, күп нәмәгә өлгәшер инек. Ваҡыттың ҡәҙерен белмәгән кеше, ни тиклем һәләтле булһа ла, тормошта юғалып ҡаласаҡ.
Һәр кем ғүмер буйы нимәлер көтөп, шуға ынтылып йәшәй. Иртәгә киләсәк көн бөтөнләй икенсе, еңелерәк үтер­ҙәй күренә, тик беҙ онотолоп китәбеҙ. Бына бөгөн булған ваҡиғалар башҡаса бер ҡасан да ҡабатланмаясаҡ. Кем­дәрҙер менән танышып, һөйләшеп торһаҡ, аҙаҡ уны ғүмерҙә лә күрмәйәсәкбеҙ. Үткән ваҡытҡа йомғаҡ яһап та, унан фәһем алырға тырышмай, тағы ла нимәлер көтәбеҙ.
Ваҡытын дөрөҫ үткәргән кеше өлгөһөнән беҙ һәр минут, һәр сәғәт эсендә нимәлер эшләп була икәнен күрәбеҙ. Минеңсә, ваҡыт етмәүҙең төп сәбәбе – эште дөрөҫ ойоштормауҙа. Үҙебеҙҙең һәм башҡаларҙың ваҡытына һаҡсыл ҡарашта булайыҡ. Уны ҡәҙерләргә мәктәптә уҡығанда уҡ өйрәнергә кәрәк. Сөнки уҡыу йылдарыбыҙ бик тиҙ үтә, ә беҙ киләсәк тормошҡа әҙерләнәбеҙ.
Хәҙерге заманда ваҡыт ҡәҙере бигерәк тә мөһим, хатта аҡсанан да артығыраҡ. Ваҡытыбыҙҙың ҡәҙерен белеп, дөрөҫ файҙаланып, илебеҙгә файҙа килтерерҙәй кешеләр булып, тормош юлын үкенмәҫлек итеп үтһәк ине. Ошо мәлдән ваҡыттың беҙ белмәгән өр-яңы ғүмер минуттары көтә.
Күҙ асып йомған арала
Үтә лә китә ваҡыт.
Нимә генә эшләһәң дә,
Булмай уны туҡтатып.
Һәр көнөңдө файҙалы
Үткәрергә һин тырыш.
Изге эштәр күберәк ҡыл,
Бүтәндәргә лә булыш.
Һәр нәмәнең ҡәҙерен
Ваҡытында белегеҙ!
Үткәнгә ҡайтып булмай,
Аҙаҡ үкенерһегеҙ!

Гөлиә АЙЫТБАЕВА,
Әбделмәмбәт мәктәбенең 11-се класс уҡыусыһы.
Бөрйән районы.










Оҡшаш яңылыҡтар



Ялған паспорт менән – кредит

Китәләр...

23.10.2019 - Йәмғиәт Китәләр...


Юлдарҙа "Бурыслы" операцияһы башланды

Фотоларҙа – тарих

16.09.2019 - Йәмғиәт Фотоларҙа – тарих


Суд приставтарына һорауҙарығыҙ булһа…

"Ҡыҙыу линия" эшен дауам итә

08.09.2019 - Яңылыҡтар таҫмаһы » Йәмғиәт "Ҡыҙыу линия" эшен дауам итә


Һайлауҙа алған беләҙектәрегеҙҙең файҙаһын күрегеҙ

08.09.2019 - Яңылыҡтар таҫмаһы » Йәмғиәт Һайлауҙа алған беләҙектәрегеҙҙең файҙаһын күрегеҙ


Кишер һабағы менән помидор маринадлау

"Йәшлек" гәзите БР Башлығы грантына лайыҡ булды!

Генерал Шайморатовҡа һәйкәл ниндәй булырға тейеш?

«Һыу хатаны ғәфү итмәй!»

25.07.2019 - Йәмғиәт «Һыу хатаны ғәфү итмәй!»


Аҙыҡ-түлекте ташлау –  яҙыҡ эш

Ҡартлыҡты артҡа сигендереп

Радий Хәбиров юл ҡағиҙәләрен өс тапҡыр боҙоусыларҙы руль артына ебәрмәҫкә тәҡдим итте

«Росгосцирк» Өфө циркын тергеҙеүгә 1 млрд һум һалырға планлаштыра

Өйҙөң йәме – бала менән

08.07.2019 - Йәмғиәт Өйҙөң йәме – бала менән


Бабич ҡалҡты һәйкәл булып!

V Бөтә донъя башҡорттары  ҡоролтайының программаһы 28 – 29 июнь, 2019 йыл

Башҡортлоҡ

28.06.2019 - Йәмғиәт Башҡортлоҡ


Яҙһа - яҙа ла ҡуя!

14.06.2019 - Йәмғиәт Яҙһа - яҙа ла ҡуя!


Лайыҡлылар билдәләнде һәм бүләкләнде!

Ижадсының бай мираҫына урын табылырмы?

Юлда яңғыҙың түгел!

28.05.2019 - Йәмғиәт Юлда яңғыҙың түгел!


Янғынға ҡаршы көрәштә  ялҡын ҡабынды йөрәктә