RSS-подписка Вконтакте Вконтакте
» » Ә беҙҙең ауылда...

27.03.2015 Ә беҙҙең ауылда...

Нәркизә ШӘЙӘХМӘТОВА,
Учалы районының Ураҙ ауылы китапханасыһы:

– Ураҙ ауыл китапханаһы лицей менән берлектә Шәүлиә Зөлҡәрнәеваның “Алма бабай һабаҡтары” исемле китапсығының исем туйын үткәрҙе. Кисәлә яҙыусыны ижадташтары – Учалы яҙыусылар ойошмаһынан Әҡлимә Сафина, Исмәғил Ғимранов, Рәсих Лоҡманов, Фәриҙә Ситдиҡова, Дилара Мәхмүтдинова, Зөбәржәт Йыһаншина тәбрикләне. Йәш хәбәрселәр түңәрәгендә шөғөлләнеүселәр әҙибәнең шиғырҙарын яттан һөйләне. Китаптың сәхнәләштерелгән өҙөгө барыһына ла оҡшаны.
“Алма бабай һабаҡтары”нда Шәүлиә апайҙың атаһы Ниғмәт Зөлҡәрнәев тураһында һүҙ бара. Ул – танылған уҡытыусы, 1932 йылда Ураҙ ауылында тәүге тулы булмаған мәктәпте астырған. Кисәлә лицей директоры Азамат Сәфәрғәлин мәктәп музейында Ниғмәт ағайға арналған бүлек буласағы хаҡында белдер­ҙе.
Сараны ойошторған лицей коллективына һәм ҡатын-ҡыҙҙар советына рәхмәт.

Мәликә КҮСКИЛДИНА,
Хәйбулла районының Әбеш ауылы:

– 19 мартта Әбеш мәҙәниәт йортонда “Ижадымда – тыуған ер һулышы” тип аталған кисә үтте. Унда яҡташыбыҙ, БР-ҙың атҡаҙанған матбуғат хеҙмәткәре, Ш. Бабич исемендәге дәүләт йәштәр премияһы лауреаты, журналист, яҙыусы Фәрзәнә Аҡбулатова ҡатнашты.
Ағинәйҙәр әҙибәне юбилейы менән ҡотлап, рәхмәт әйтте, тыуған яҡҡа йышыраҡ ҡайтыуын теләне. Ауылдаштары – үрнәктәр концерт менән сығыш яһаны. Мәктәп уҡыусыларының “Атай икмәге” хикәйәһен сәхнәләштереүе кисәгә йәм өҫтәне. Үрнәктең һәүәҫкәр шағирәһе Рәүилә Ишемғолова тамашасыларға үҙенең шиғырҙарын уҡып ишеттерҙе. Бик йылы үткән кисә аҙағында күмәкләшеп фотоға төштөк. Фәрзәнә Аҡбулатоваға артабан да ижади уңыштар теләйбеҙ.

Мәхмүзә СӘҒӘҘӘТОВА,
Баймаҡ районының Таулыҡай ауыл биләмәһе башлығы:

– Яңыраҡ Буранбай ауылында бик үҙенсәлекле сара – Ҡатыҡ байрамы үткәрелде. Уны клуб мөдире Сәлимә Усманова ойошторҙо. Ауыл ҡатын-ҡыҙҙары үҙҙәренең һөт ризыҡтарын килтерҙе. Нимә генә юҡ ине бында! Йөҙөмлө, шәкәрле, әсе, сөсө ҡатыҡ, сейәле май, талҡан, ҡорот-эремсек – быларҙың барыһынан да ауыҙ итеп ҡарарға, хатта һатып алырға ла мөмкин булды. Ауыл таланттарының һыйыр ағын данлап таҡмаҡтар ҙа әйтеп тороуы үҙе бер биҙәккә әүерелде. Ҡатыҡ байрамы, ғөмүмән, мал аҫрап, һөттән бик күп ризыҡ эшләп, тырышып йәшәргә мөмкин булыуын күрһәтте.

Был аҙнала беҙгә Учалы, Хәйбулла, Баймаҡ райондарынан шылтыратып, ауыл яңылыҡтары менән таныштыр ҙылар. Ә һеҙҙә ниндәй хәбәрҙәр бар? Шылты­ра­тығыҙ, “Йәшлек”тең дежур телефоны – 8-965-923-20-00.
Шулай уҡ яңылыҡтарығыҙҙы гәзитебеҙҙең электрон адресына (yе02@yandex.ru) йәки “Бәйләнештә” сайтындағы гәзит битенә көтәбеҙ.










Оҡшаш яңылыҡтар



Ялған паспорт менән – кредит

Китәләр...

23.10.2019 - Йәмғиәт Китәләр...


Юлдарҙа "Бурыслы" операцияһы башланды

Фотоларҙа – тарих

16.09.2019 - Йәмғиәт Фотоларҙа – тарих


Суд приставтарына һорауҙарығыҙ булһа…

"Ҡыҙыу линия" эшен дауам итә

08.09.2019 - Яңылыҡтар таҫмаһы » Йәмғиәт "Ҡыҙыу линия" эшен дауам итә


Һайлауҙа алған беләҙектәрегеҙҙең файҙаһын күрегеҙ

08.09.2019 - Яңылыҡтар таҫмаһы » Йәмғиәт Һайлауҙа алған беләҙектәрегеҙҙең файҙаһын күрегеҙ


Кишер һабағы менән помидор маринадлау

"Йәшлек" гәзите БР Башлығы грантына лайыҡ булды!

Генерал Шайморатовҡа һәйкәл ниндәй булырға тейеш?

«Һыу хатаны ғәфү итмәй!»

25.07.2019 - Йәмғиәт «Һыу хатаны ғәфү итмәй!»


Аҙыҡ-түлекте ташлау –  яҙыҡ эш

Ҡартлыҡты артҡа сигендереп

Радий Хәбиров юл ҡағиҙәләрен өс тапҡыр боҙоусыларҙы руль артына ебәрмәҫкә тәҡдим итте

«Росгосцирк» Өфө циркын тергеҙеүгә 1 млрд һум һалырға планлаштыра

Өйҙөң йәме – бала менән

08.07.2019 - Йәмғиәт Өйҙөң йәме – бала менән


Бабич ҡалҡты һәйкәл булып!

V Бөтә донъя башҡорттары  ҡоролтайының программаһы 28 – 29 июнь, 2019 йыл

Башҡортлоҡ

28.06.2019 - Йәмғиәт Башҡортлоҡ


Яҙһа - яҙа ла ҡуя!

14.06.2019 - Йәмғиәт Яҙһа - яҙа ла ҡуя!


Лайыҡлылар билдәләнде һәм бүләкләнде!

Ижадсының бай мираҫына урын табылырмы?

Юлда яңғыҙың түгел!

28.05.2019 - Йәмғиәт Юлда яңғыҙың түгел!


Янғынға ҡаршы көрәштә  ялҡын ҡабынды йөрәктә