«Йәшлек» гәзите » Мәғариф » “Мәғариф тураһында” закон проекты ҡабул ителде



31.05.2013 “Мәғариф тураһында” закон проекты ҡабул ителде

Дәүләт Йыйылышы – Ҡоролтайҙа “Башҡортостан Республикаһында мәғариф тураһында”ғы закон проекты тәүге уҡыуҙа ҡабул ителде.
Яңыртылған документта 14 статья бар һәм ул республикала белем биреү өлкәһендәге айырым хәлдәрҙе көйләү хаҡында. Быйыл беренсе сентябрҙән ғәмәлгә инәсәк яңы “Мәғариф тураһында” Федераль законда федераль һәм төбәк вәкәләттәре билдәләнгән. Ошоға бәйле, беҙҙең депутаттар республика вәкәләттәренә тейешле нормаларҙы ҡарарға тейеш. Шул нормалар иҫәбенә урында туған телдә уҡытыу мөмкинлеге лә инә. Яңы закон Башҡортостанда, рус теле менән бер рәттән, дәүләт теле булған башҡорт телен уҡытыу­ға ҡағылышлы аңлашылмаусанлыҡты ла бөтөрөр, тигән өмөттә күптәр.

Әйткәндәй

Рәсәй Хөкүмәте Премьер-министры Дмитрий Медведев мәктәпкәсә йәштәге балаларға белем биреү мәсьәләләренә арналған селектор кәңәшмәһе уҙғарғайны. Унда Башҡортостан Президенты Рөстәм Хәмитов та ҡатнашты.
Ил Хөкүмәте башлығы белдереүенсә, быйыл төбәктәр балалар баҡсаларын үҫтереүгә 50 миллиард һум субсидия аласаҡ. “Төбәк етәкселәре шуға иғтибар итһен: аҡса тап мәктәпкәсә йәштәге балалар учреждениеларына тотонолор­ға тейеш, ә башҡа маҡсаттарға түгел. Беҙ был сумманы оҙаҡ эҙләнек, шуға ла, табыуын-тапҡас, маҡсатлы тотонорға тейешбеҙ”, – тип һыҙыҡ өҫтөнә алды Дмитрий Медведев.







Сайтҡa күcергәБаҫып cығарырға