RSS-подписка Вконтакте Вконтакте
» » Республиканың көслө, ҡеүәтле белем биреү үҙәге

29.11.2013 Республиканың көслө, ҡеүәтле белем биреү үҙәге

Республиканың көслө, ҡеүәтле белем биреү үҙәгеОшо көндәрҙә Башҡортостан Республикаһының Мәғарифты үҫ­те­реү институты үҙенең 80 йыллыҡ юбилейын билдәләне. Эшлекле шарттарҙа үтте ул. “Федераль дәүләт белем биреү стандарттары: эш тәжрибәһе, уҡытыу тәжрибәһендә ҡулланыу методикаһы” тип аталған ҙур күргәҙмә ойошторолдо. Унда институттың тәжрибә майҙансыҡтары булған белем биреү учреждениелары үҙҙәренең уҡыу-уҡытыу методикаһы, алдынғы уҡытыу алымдары менән таныштырҙы. Улар араһында Өфө ҡалаһының Фатима Мостафина исемендәге 20-се ҡала башҡорт гимназияһы ла бар ине. Билдәле булыуынса, гимназияның башланғыс мәктәбе республиканың милли мәктәптәре араһында иң алдынғыларҙан иҫәпләнә. 1992 йылдан Эльконин-Давыдов системаһы буйынса инновацион белем биреү буйынса ғилми-эксперименталь эш алып барыла. Ошо эштең һөҙөмтәһе булып белем усағының уҡытыусылары авторлығында “Башҡорт теле”, “Әҙәби уҡыу” дәреслектәре барлыҡҡа килә. Мәктәптең баш­лан­ғыс синыфтар методик берекмәһе Мәғарифты үҫтереү институтының милли мәғарифты уҡыу-методик яҡтан тәьмин итеү үҙәге менән тығыҙ хеҙмәттәшлектә эшләй. Йылдар буйы тупланған тәжрибә 2008 йылда гимназияла институттың башланғыс белем биреү кафедраһының тәжрибә майҙансығын асырға мөмкинлек бирә.
– Федераль дәүләт белем биреү стандарттары ғәмәлгә ашырыла башлағас, улар буйынса дәреслектәр төҙөү ихтыяжы тыуҙы һәм беҙҙең уҡытыусылар, федераль стандарттарға ярашлы, дәреслектәр әҙерләү менән шөғөлләнә башланы. Ғөмүмән, гимназия федераль дәүләт белем биреү стандарттарын тормошҡа ашырыу буйынса төп база мәктәптәрҙең береһе булып тора. Күптән түгел беҙҙә тап ошо мәсьәләгә арналған селектор кәңәшмәһе үтте, – ти гимназияның башланғыс синыфтар уҡытыусыһы Гөлнара Салауат ҡыҙы, үҙҙәренең тәжрибә майҙансығының эшмәкәрлеге менән таныштырып.
Юбилейға арналған сараларҙың икенсе өлөшөндә институттың ғилми советының асыҡ ултырышы үтте. Унда республиканың мәғариф министры Әлфис Ғаязов, БР Дәүләт Йыйылышы‒– Ҡоролтай депутаттары Эльвира Айытҡолова, Сәлиә Мырҙабаева, Рөстәм Ишмөхә­мәтов, Татарстан Республика­һы­нан, Пермь өлкәһенән, республикабыҙҙың төрлө ҡала-райондарынан абруйлы ҡунаҡтар, ғалимдар, профессорҙар, уҡытыусылар ҡатнашты. Башҡортостандың Мәғарифты үҫтереү институты ректоры Рәмил Мәжитов, ултырышты асып, институттың тарихына байҡау яһап үтте һәм һүҙҙе мәғариф министры Әлфис Ғаязовҡа бирҙе.
– 80 йәш – ул бер үк ваҡытта олпат та, шул уҡ ваҡытта уҡыу йорто өсөн иң ең һыҙғанып, ижади эшләй торған осор ҙа. Һеҙ хаҡлы рәүештә институт тарихының сағыу биттәре, уның иң башында торған һәм бөгөн заман талаптарына ярашлы профессионализмын күтәреүгә өлөш индереүсе кешеләрҙең исемдәре менән ғорурлана алаһығыҙ. Институт өсөн киләсәккә үҫеш нөктәһе булып заманса смарт-технологияларҙы ҡулланыу, новаторлыҡ проекттарын тормошҡа ашырыу, киң ғәмәли һәм инновацион эшмәкәрлек тора. Был бурыс һеҙҙең көсөгөҙҙән килә, – тине министр, институтты 80 йыллыҡ юбилейы менән тәбрикләп.
Артабан һөйләшеү институттың бөгөнгө эшмәкәрлеге, яңы йүнәлештәр, тәжрибә майҙансыҡтары, мәғариф системаһы алдында торған заман талаптары, бурыстар хаҡында барҙы.

С. ЛОТФУЛЛИНА.
Ю. КӘРИМОВ фотоһы.










Оҡшаш яңылыҡтар



Ҡыл-ҡумыҙ алиһәһе

05.10.2019 - Мәғариф Ҡыл-ҡумыҙ алиһәһе


Шатлыҡҡа ла,  борсолоуҙарға ла тулы уның йөрәге

Ата-әсәләрҙең төп хаталары

Бер бала ла юғалмаһын!

26.09.2019 - Мәғариф Бер бала ла юғалмаһын!


«Уҡыусының ихтирамы – иң ҙур баһа»

Һарытауҙың рухлы ҡыҙы

17.09.2019 - Мәғариф Һарытауҙың рухлы ҡыҙы


Рух һәм ҡөҙрәт биреүсе

12.09.2019 - Мәғариф Рух һәм ҡөҙрәт биреүсе


Бар яҡтан да килгән ул

26.08.2019 - Мәғариф Бар яҡтан да килгән ул


Эш һөйгәнде ил һөйгән

12.08.2019 - Мәғариф Эш һөйгәнде ил һөйгән


“Баламды йәберләмәгеҙ!”

“Һатып ал, һатып ал!”

28.06.2019 - Мәғариф “Һатып ал, һатып ал!”


Ата-әсәләргә кәңәштәр

08.06.2019 - Мәғариф Ата-әсәләргә кәңәштәр


Яңы мәктәп  яңы өмөттәр уята

Бала һаранлығы өсөн ун ҡағиҙә

Сәмле, тәүәккәл, һәләтлеләр!

Һорау - яуап? Балалар түңәрәктәре һәм сертификаттар

Ете бөртөк ун беренселәр

21.05.2019 - Мәғариф Ете бөртөк ун беренселәр


“Тамыр”лы бала саҡ – рухлы бала саҡ

«Тел уҡытыусыһы таш диуар кеүек булһын»

Мөһим эштәр алда әле

17.04.2019 - Мәғариф Мөһим эштәр алда әле


Һаҡ булығыҙ: йәнһүрәт!

30.03.2019 - Мәғариф Һаҡ булығыҙ: йәнһүрәт!


Ниндәй йәнһүрәтте ҡарарға мөмкин?

Белемегеҙ илгә файҙа килтерһен!

Бала рәхимһеҙлегенә юл ҡуйма!