RSS-подписка facebook facebook Вконтакте Вконтакте
» » Эй беҙ инек, беҙ инек

12.07.2013 Эй беҙ инек, беҙ инек

(Ҡобайыр)
Белорет педучилищеһын 1958 йылда тамамлаған һабаҡташтарға арнала
Эй беҙ инек, беҙ инек,
Бала ҡоронда инек,
Уҡытыусы булабыҙ тип,
Темәскә килгән инек,
Ете төрлө һынау биреп,
Уҡырға ингән инек,
Алтынтауға менгән кеүек,
Бәхетле булған инек.

Эй беҙ инек, беҙ инек,
Беҙ илле туғыҙ инек,
Егерме өс егет менән
Утыҙ алты ҡыҙ инек,
Бер ҡаҙанда ҡайнаһаҡ та,
Төрлө яҡтарҙан инек,
Төрлө яҡтарҙан булһаҡ та,
Бер туған кеүек инек.

Эй беҙ инек, беҙ инек,
Беҙ ҡара тырыш инек,
Русса телмәр булмаһа ла,
Беҙ ятлап һөйләр инек,
Аслы-туҡлы йөрөһәк тә,
Бар эшкә өлгөр инек,
Ниндәй эшкә ҡушһалар ҙа,
«Беҙ!» тиеп торор инек.

Эй беҙ инек, беҙ инек,
Туғандар кеүек инек,
Бер-беребеҙҙең хәсрәтен
Бергә кисерер инек.
Егерме өс егет менән
Утыҙ алты ҡыҙ инек,
Теүәл генә уҡып сыҡтыҡ,
Бер ғаилә кеүек инек.

Эй беҙ инек, беҙ инек,
Хеҙмәттә тилбер инек,
Эште емереп эшләнек −
«Ил ҡушыуы» тиер инек.
Ҡай берәүҙәр, вуз бөтһә лә,
Һаман уҡып бөтмәне,
Китап яҙҙы, бәғзеләре
Дәүләт эшен йөкмәне.

Эй беҙ инек, беҙ инек,
Беҙ илле туғыҙ инек,
Егерме өс егет менән
Утыҙ алты ҡыҙ инек.
Сафтар һирәгәйә барҙы,
Егерме алты ҡалғанбыҙ.
Ун ете ир, ун алты ҡыҙҙы
Ҡара ергә һалғанбыҙ.

Эй беҙ икән, беҙ икән,
Йәшәүҙәр гүзәл икән,
Хоҙай ҡалғандарыбыҙға
Ғүмерҙәр бирһен икән,
Йәшәйһе йылдарыбыҙға
Бәрәкәт ҡунһын икән.
Эй беҙ икән, беҙ икән,
Эй беҙ икән, беҙ икән.

С. СӨЛӘЙМӘНОВА.







Комментарий өҫтәргә


Информация

Комментировать статьи на сайте возможно только в течении 14 дней со дня публикации.


Вернуться назад


Оҡшаш яңылыҡтар



Сәмле, тәүәккәл, һәләтлеләр!

Һорау - яуап? Балалар түңәрәктәре һәм сертификаттар

Ете бөртөк ун беренселәр

21.05.2019 - Мәғариф Ете бөртөк ун беренселәр


“Тамыр”лы бала саҡ – рухлы бала саҡ

«Тел уҡытыусыһы таш диуар кеүек булһын»

Мөһим эштәр алда әле

17.04.2019 - Мәғариф Мөһим эштәр алда әле


Һаҡ булығыҙ: йәнһүрәт!

30.03.2019 - Мәғариф Һаҡ булығыҙ: йәнһүрәт!


Ниндәй йәнһүрәтте ҡарарға мөмкин?

Белемегеҙ илгә файҙа килтерһен!

Бала рәхимһеҙлегенә юл ҡуйма!

Ғәйепте ситтән түгел,  үҙебеҙҙән эҙләйек

Иғтибарлы булайыҡ!

24.02.2019 - Мәғариф Иғтибарлы булайыҡ!