RSS-подписка facebook facebook Вконтакте Вконтакте
» » Һорау - яуап? Балалар түңәрәктәре һәм сертификаттар

23.05.2019 Һорау - яуап? Балалар түңәрәктәре һәм сертификаттар

Башҡортостанда балалар ҡаҙ­на иҫәбенә төрлө түңәрәктә шөғөлләнә ала, бының өсөн электрон сертификаттар булдырыла, тип ишеткәйнем. Ошо хаҡта аңлатма бирһәгеҙсе.
Рәйлә.
Стәрлетамаҡ ҡалаһы.


– РФ “Мәғариф” өҫтөнлөклө проектына ярашлы, республикала “Һәр баланың уңышы” тип аталған төбәк проекты эшләй башлаясаҡ. Ул баланың өҫтәмә белем алыуына, төрлө яҡлап үҫешкән шәхес булып тәр­биә­ләнеүенә шарттар тыуҙыра. Ошо маҡсаттан республикала яңы уҡыу йылынан башлап өҫтәмә белем биреүгә электрон сертификаттар ғәмәлгә индереләсәк.

Ата-әсәләр онлайн-режимда махсус программаға теркәлеп, балаһына иҫәптә күпмелер һум аҡсаһы булған электрон документ төҙөй аласаҡ. Был сертификатты өҫтәмә дәрестәргә, шахмат, бассейн һәм башҡа түңәрәктәргә түләү өсөн ҡул­ла­нырға мөмкин. Өҫтәмә белем биреүгә йүнәлтелгән аҡсаны бюджет һәм коммерция түңә­рәктәре өсөн дә тотонорға була.

– Ата-әсәләргә электрон сис­темала баланың ҡайһы түңә­рәккә йөрөгәнлеген күр­һәтергә генә кәрәк буласаҡ. Унда төбәк ҡаҙнаһынан өҫтәмә дәрестәр өсөн түләүҙәр күсереләсәк. Әгәр ҙә бала түңәрәкте ташлаһа, түләүҙәр шунда уҡ туҡтатыла. Ә ҡалған аҡсаны башҡа түңәрәктәр өсөн тотонорға мөмкин буласаҡ, – тине БР мәғариф министры вазифаһын башҡарыусы Айбулат Хажин.

Әйткәндәй, был проектта лицензияһы булған мәғариф ойошмалары ғына ҡатнаша ала. Ата-әсәләр сертификаттағы аҡ­саны бер нисек тә ҡулына ала алмаясаҡ. Түләүҙәр төбәк бюджетынан туп-тура мәғариф ойошмаһы иҫәбенә күсәсәк.



Автор: Л. Хәлитова
Фото: vk.com




Комментарий өҫтәргә


Информация

Комментировать статьи на сайте возможно только в течении 14 дней со дня публикации.


Вернуться назад


Оҡшаш яңылыҡтар



Ата-әсәләргә кәңәштәр

08.06.2019 - Мәғариф Ата-әсәләргә кәңәштәр


Яңы мәктәп  яңы өмөттәр уята

Бала һаранлығы өсөн ун ҡағиҙә

Сәмле, тәүәккәл, һәләтлеләр!

Ете бөртөк ун беренселәр

21.05.2019 - Мәғариф Ете бөртөк ун беренселәр


“Тамыр”лы бала саҡ – рухлы бала саҡ

«Тел уҡытыусыһы таш диуар кеүек булһын»

Мөһим эштәр алда әле

17.04.2019 - Мәғариф Мөһим эштәр алда әле


Һаҡ булығыҙ: йәнһүрәт!

30.03.2019 - Мәғариф Һаҡ булығыҙ: йәнһүрәт!


Ниндәй йәнһүрәтте ҡарарға мөмкин?

Белемегеҙ илгә файҙа килтерһен!

Бала рәхимһеҙлегенә юл ҡуйма!