НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » » Тарих яҙҙы – халҡын ҙурланы

Тарих яҙҙы – халҡын ҙурланы


А. Инан исемендәге китапханала Башҡортостандың күренекле яҙыусыһы, яҡташыбыҙ, Салауат Юлаев исемендәге дәүләт премияһы лауреаты Ғәли Ибра­һи­мовтың хәтер кисәһе үтте. 16 ғинуарҙа уға 95 йәш тулған булыр ине.
Сарала драматург, рәссам Х. Ир­ғәлин, Ғ. Ибраһимов исемендәге премия лауреаттары, Башҡортос­тандың халыҡ артисы Р. Ғәлин, шағирә З. Муллағәлиева, шулай уҡ Ж. Кейекбаев исемендәге 3-сө гимназия һәм 2-се лицей-интернат уҡыусылары ҡатнашты. Кисәгә китапхана хеҙмәткәрҙәре яҙыусының тормошо һәм китаптары хаҡында мультимедиа презентация, “Тарих яҙҙы – халҡын ҙурланы”, “Ғ Ибраһимов исемендәге премия лауреаттары” тип исемләнгән китап күргәҙмәһе ойошторғайны.
Ғәли Ибраһимов беҙҙең ҡалала тыуып, бала сағы, үҫмер йылдары шунда үтә. Башҡорт әҙәбиәтендә ҙур күләмле “Кинйә” тарихи романын яҙып, ул әҙәбиәтебеҙҙе тағы ла бер баҫҡысҡа күтәрә, байыта. Шуға ла мәктәп уҡыусылары һәм ҡала халҡы уны белеп, ғорурланырға хаҡлы. Килгән ҡунаҡтар яҙыусы хаҡындағы матур хәтирәләре менән уртаҡлашты. Х. Ирғәлин “Кинйә” романының йөкмәткеһе менән таныштырып, рус яҙыусыһы В. Шишковтың “Емельян Пугачев” исемле китабы менән тиңләп, сағыштырмаса анализ яһаны. Ә З. Муллағәлиева яҙыусы тураһындағы яҡты иҫтәлектәрен яңыртты. Уның ғәжәп тыйнаҡ, баҫалҡы, ифрат ипле булыуын уҡыусылар күңеленә асып һалды. Башҡор­тостандың халыҡ артисы Р. Ғәлин – “Кинйә” романы буйынса төшөрөлгән “Кинйә абыҙ” телефильмында төп ролде, башҡорт халҡының билдәле улы образын бөтөн күңелен һалып башҡарған артист. Шуға ла тыңлаусылар уға, уйнаған роле менән ҡыҙыҡһынып, төрлө һорау­ҙар бирҙе. Мәктәп уҡыу­сылары ла яҙыу­сының хәтер кисәһенә матур музыкаль бүләк алып килгән. 2-се лицей-интернат уҡыусыһы Алина Вахитова “Ҡурай” йырын башҡарһа (етәксеһе Р. Хәбибуллина), 3-сө гимназия уҡыу­сылары Лиана Кәримова һәм Динара Өмөтҡужина (уҡытыусылары Р. Сафарова, М. Курбатова) “Бөрйән ҡыҙҙары” бейеүен башҡарып, барыһын да хайран итте.
Рәссам Х. Ирғәлиндың китапхананы биҙәп торған эше – Ғәли Ибраһимовтың портреты, әйтер­һең дә, йәнләнеп, рухы шатланып киткәндәй тойолдо.

Н. ИҪӘНҒУЖИНА,
китапхана мөдире.
Стәрлетамаҡ ҡалаһы.

Сығыу ваҡыты 31-01-2014, 04:32 | Ҡаранылар: 1232
|
  • Байрамдар, иҫтәлекле даталар
  • Июнь
  • Рухы һәм ижады халыҡ күңелендә йәшәй
  • Байрамдар, иҫтәлекле көндәр, юбилейҙар
  • Ғәли Хәмзин исемендәге конкурс үткәреләсәк
  • Информация

    Комментировать статьи на сайте возможно только в течении 4 дней со дня публикации.


  • “Уның үлемен теләп йәшәнем...”
  • Еҙнәм инең (хикәйә)
  • “Кеше үлемендә минең дә ғәйебем бар...”
  • Мин һәр саҡ табип хатаһы ебәреүҙән ҡурҡа инем...
  • Үәт, ҡыҙыҡ! (17.11.2017)
  • Татлы һөйөүҙән кем туйған?
  • ҺАБАҠ (хикәйә)
  • Үәт, ҡыҙыҡ! (24.11.2017)
  • Мәүлит байрамы мөбәрәк булһын!
  • Бүләктәр – өлөшлөләргә!



  • Радио Юлдаш FM