RSS-подписка Вконтакте Вконтакте
» » » Онотолмаҫ хәтер кисәһе

05.03.2013 Онотолмаҫ хәтер кисәһе

1937 − 1938 йылдарҙа илебеҙҙә миллионлаған ке­ше хаҡһыҙ эҙәрлекләү­ҙәргә дусар ителә, ғәйепһеҙгә ҡорбан була.
Баҡалы районының Иҫке ҡорос урта дөйөм белем биреү мәктәбендә өс йыл рәттән сәйәси золом ҡорбандары булған яҙыусылар тураһында эҙләнеү эше башҡарабыҙ.
2011 йылда Сабит Әбүсуфъян улы Суфиянов, 2012 йылда Ғабдулла Сәхипгәрәй улы Амантаев тураһында эҙләнеү эше башҡарҙыҡ һәм хәтер кисәһе ойошторҙоҡ. Был сараға беҙ оҙаҡ һәм ентекле әҙерләндек. Бик күп китап, журнал, гәзит менән таныштыҡ. Уның тураһында байтаҡ сығанаҡ яҙған яҙыусыларға ҙур рәхмәт.
Ғабдулла Амантайҙың тормош юлы һәм ижады буйынса уҡыусылар папкалар төҙөнө, поэмаларын, шиғырҙарын, фәнни хеҙмәттәрен уҡыны, ятлап алды.
Ғабдулла Амантайҙың нәҫелен дауам итеүсе, Өфөлә йәшәүсе ейәне, БР-ҙың халыҡ артисы, Ф. Ғәскәров исемендәге дәүләт академия халыҡ бейеүҙәре ансамбле солисы, беҙҙең ауыл кейәүе, Рафаэль Альберт улы Амантаев был кисәнең түрендә булды.
Ул үҙенең олатаһы ту­раһында ғорурланып һөйләне. Ғабдулла Аман­таев­тың ҡыҙы Ролена апайҙан, атаһы Альберттан ишеткән иҫтәлектәр менән бүлеште.
Әлеге көндә “Амантай” исемле үҙәк асҡан Рафаэль Амантаев унда сүкеп, биҙәп, семәрләп алҡалар, беләҙектәр, ҡайыштар, ситектәр яһай. Ошо эштәрен беҙгә күрһәтергә килтергән. Мәк­тәп музейына Ғаб­дулла Аман­тайҙың рамкаға ҡу­йыл­­ған һүрәтен бүләк итте. “Көн һәм быуат” исемле китабын иҫтәлеккә ҡалдыр­ҙы.
ҡәҙерле ваҡытын ҡыҙ­ғанмайынса, Иҫке ҡоросҡа килеп, уҡыусылар, уҡытыу­сылар алдында сығыш яһағаны өсөн Рафаэль ағай­ға ҙур рәхмәт әйткем килә. Уға һаулыҡ, ижади уңыштар, ғаилә именлеге теләйем.

Нурия СӘЛӘХОВА,
Иҫке ҡорос мәктәбе
уҡытыусыһы.
Баҡалы районы.










Оҡшаш яңылыҡтар



Йәннәт диңгеҙендә йөҙәһеңме, ӘСӘЙ?

Ер ҡуйыны сер һәм хәтер һаҡлай…

Атай менән үткәргән һуңғы көн

Оло Тәләктәге фажиғәгә – 30 йыл

Фәрештә ҡанаты ҡағылған затлы йән

Таң атҡан мәл

04.04.2019 - Хәтер Таң атҡан мәл


Онотмаҫ уны иле

27.03.2019 - Хәтер Онотмаҫ уны иле


Баязит байҙың яҙмышы

23.03.2019 - Хәтер Баязит байҙың яҙмышы


«Уны оноторға хаҡыбыҙ юҡ!»

Хәтер – мәңгелек

17.02.2019 - Хәтер Хәтер – мәңгелек


Ҡот осҡос 872 көн

27.01.2019 - Хәтер Ҡот осҡос 872 көн


Тетрәндергес яҙмыштар

Һүнгән йондоҙ яҡтыһы

28.06.2018 - Хәтер Һүнгән йондоҙ яҡтыһы


“Күңелле ваҡиғалар иҫкә төштө”

Беҙ һәр ваҡыт әҙер инек

Алтын тауышлы “зәңгәр экран” батшаһы

Аҡһаҡалдан  алтын һүҙ ҡала

Уңалырмы күңел яралары?

Күңеле лә, үҙе лә,  йырҙары ла матур ине

Көткән көтөп ала алмаҫ, Ҡалған ҡыуып етә алмаҫ...

Бар ғүмере  яҡшы киноға торошло

Йылдар үткән һайын абруйы арта ғына

Халҡым, тип йәшәүсе ғалим

“Донъялар имен торһон...”

06.04.2016 - Хәтер » Яңылыҡтар таҫмаһы “Донъялар имен торһон...”