RSS-подписка Вконтакте Вконтакте
» » » Тиңһеҙ батырлыҡтары онотолмай

19.11.2011 Тиңһеҙ батырлыҡтары онотолмай

Бөйөк Ватан һуғышының ауыр йылдарында илебеҙҙең азатлығын һаҡлауҙа һәм фашистик Германияны еңеүҙә Башҡортос­тан халҡының өлөшө лә баһалап бөткөһөҙ. Башҡортостандан 700 мең кеше яуға оҙатылған. Фронт һыҙығында үҙҙәренең ҡаһарманлыҡтары менән айырылып торған, Волга­нан Эльбаға тиклем данлы юл үткән легендар 112-cе (16-сы гвардия) Башҡорт атлы дивизияһының исеме лә тарихта алтын хәрефтәр менән яҙылған.
17 ноябрҙә был дивизияның ойошторолоуына 70 йыл тулды һәм, иҫтәлекле датаға арнап, кавдивизия яугирҙарының батырлыҡтарын пропагандалау һәм мәңгеләштереү маҡсатынан күп юбилей сараһы үткәрелде. Байрам уңайынан башҡорт атлылары командиры, генерал-майор Миң­леғәле Шаймо­ратов­тың тыу­ған төйәге – ҡырмыҫҡалы райо­нының Шайморат ауылы мәртәбәле ҡунаҡтарҙы ҡабул итте. Рес­публика Хәрби дан музейының филиалы булған 112-се Башҡорт кавалерия дивизияһы музейында тарихсылар, музей хеҙмәткәрҙәре, ветерандар ойошмалары вәкилдәре, студенттар, Украина, ҡаҙағстан, Белоруссия кеүек илдәрҙән килгән ҡунаҡтар ҡатнашлығында үткән халыҡ-ара фәнни-ғәмәли конференция Бөйөк Ватан һуғышында ойошторолған көслө хәрби соединениеның ҡаһарманлығы менән тарих биттәрендә айырым урын алып тороуын тағы бер мәртәбә иҫбатланы.
ҡунаҡтар М. Шайморатов исемендәге 104-cе мәктәптең музейында булып, уҡыусыларҙың башҡорт кавалерияһына ҡағылышлы иҫтәлектәрҙе ҡәҙерләп һаҡлауының, әле лә, музейҙы яңы документтар менән байытыу маҡсатында эҙәрмәндәр төркөмө булдырып, архивтарҙа эҙләнеүҙәренең шаһиты булды. Үкенескә күрә, төрлө милләт вәкилдәренән тупланған Башҡорт кавалерия дивизияһы яугирҙары сафы йылдан-йыл һирәгәйә, республикала улар хәҙер 24 кенә кеше ҡалған. Юбилейға Ғәбделхай Зарипов менән Ғәли Кинйәкәев кенә килә алғайны. Өфө гарнизонының Офицерҙар йортонда республика хөкүмәте етәкселәре, һуғыш һәм тыл ветерандары, мәктәп уҡыу­сылары ҡатнашлығында үткән тантаналы йыйылышта БР Хөкүмәте Премьер-министры урынбаҫары Ф. Ямалетдинов, БР хәрби комиссары А. Балтинский легендар дивизияның тарихына байҡау яһап, ветерандарҙы социаль яҡлау, балаларға патриотик тәрбиә биреү маҡсатында башҡарылған эштәр тураһында һөйләне. Сара сәнғәт оҫталары әҙерләгән байрам концерты менән тамамланды.

З. ХӘСӘНОВА.

(112-се Башҡорт атлы дивизияһы ойошторолоуға 70 йыл тулыуға арналған мәҡәләне 10-сы биттә уҡығыҙ).










Оҡшаш яңылыҡтар



Йәннәт диңгеҙендә йөҙәһеңме, ӘСӘЙ?

Ер ҡуйыны сер һәм хәтер һаҡлай…

Атай менән үткәргән һуңғы көн

Оло Тәләктәге фажиғәгә – 30 йыл

Фәрештә ҡанаты ҡағылған затлы йән

Таң атҡан мәл

04.04.2019 - Хәтер Таң атҡан мәл


Онотмаҫ уны иле

27.03.2019 - Хәтер Онотмаҫ уны иле


Баязит байҙың яҙмышы

23.03.2019 - Хәтер Баязит байҙың яҙмышы


«Уны оноторға хаҡыбыҙ юҡ!»

Хәтер – мәңгелек

17.02.2019 - Хәтер Хәтер – мәңгелек


Ҡот осҡос 872 көн

27.01.2019 - Хәтер Ҡот осҡос 872 көн


Тетрәндергес яҙмыштар

Һүнгән йондоҙ яҡтыһы

28.06.2018 - Хәтер Һүнгән йондоҙ яҡтыһы


“Күңелле ваҡиғалар иҫкә төштө”

Беҙ һәр ваҡыт әҙер инек

Алтын тауышлы “зәңгәр экран” батшаһы

Аҡһаҡалдан  алтын һүҙ ҡала

Уңалырмы күңел яралары?

Күңеле лә, үҙе лә,  йырҙары ла матур ине

Көткән көтөп ала алмаҫ, Ҡалған ҡыуып етә алмаҫ...

Бар ғүмере  яҡшы киноға торошло

Йылдар үткән һайын абруйы арта ғына

Халҡым, тип йәшәүсе ғалим

“Донъялар имен торһон...”

06.04.2016 - Хәтер » Яңылыҡтар таҫмаһы “Донъялар имен торһон...”