НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » Алтын үҙебеҙгә лә ҡамасауламаҫ ине…

Алтын үҙебеҙгә лә ҡамасауламаҫ ине…


Бер көн редакцияның дежур телефонына Баймаҡ райо­нының Күсей ауыл хакимиәтенә ҡараған Басай ауылы халҡы исеменән Илсиә Сәйетова шылтыратты. Борсолабыҙ, тине әңгәмәсебеҙ.
Баҡһаң, уларҙың ауылы янын, бесәнлектәр, көтөүлектәр­ҙе рөхсәтһеҙ алтын эҙләүселәр баҫа икән. Үҙебеҙҙең башҡорттар булһа, бер хәл, машиналарының төбәк коды – 56, тимәк, ырымбурҙар, йөҙҙәре ҡаҙаҡҡа тартым булыуын күргән урындағы халыҡ. Эйе, Баймаҡ электән алтынға бай яҡ инде ул. “Был “ҡара археологтар” тураһында урындағы хакимиәткә лә, район етәкселегенә лә әйттек, участковый ҙа белә. Тик тотолһалар ҙа, штраф күләме бәләкәй – бер килограмм алтынға 3000 – 5000 һум ғына, шул сумманы түләйҙәр ҙә, тағы эҙләүҙәрен дауам итәләр”, – ти шылтыратыусы.
Алтын эҙләүселәр, махсус приборҙары менән килеп, бесәнлектәрҙе тапай, ауыл халҡы малдары өсөн дә хәүефләнеп тора.
Был тәңгәлдә редакция нисек ярҙам итә ала һуң? Басайҙар үҙ биләмәһен яҡларға бурыслы ла бит. Килгәндәрен һағалап тороп, күмәкләп “ҡаршы алырға” сығығыҙ, тип әйтһәк, әллә нимәләрҙә ғәйепләүҙәре бар, Аллам һаҡлаһын. Шулай ҙа был күренешкә күҙ йомоп ҡалырға ярамай. Кеше үҙ еренең хужаһы була белергә тейеш. Ысын хужаһыҙ ерҙәрҙә тәртипһеҙлек хөкөм һөрә.
Закондарға килгәндә, беҙҙә шәхси рәүештә алтын эҙләү күптән тыйылған. Ойошмалар ҙа лицензияһыҙ эшләй алмай. Рәсәй Енәйәт кодексының 191-се статья­һында ҡаралғанса, ҡиммәтле металдарҙың ҙур күләмдә законһыҙ әйләнеше буйынса тотолғандарға арыу ғына штраф һәм яза бар, әлбиттә. Һүҙ өс, биш һәм ете йылғаса иректән мәхрүм итеү, 100 – 500 мең һумға тиклем штраф һалыу тураһында ла бара.

А. АҠБУЛАТОВА.

Дежур телефон: 8-965-923-20-00

Сығыу ваҡыты 23-05-2014, 08:11 | Ҡаранылар: 797
|
  • Ергә ысын хужалар кәрәк
  • Экстремизмға өндәгән өсөн – 300 000 һум
  • Күптән кәрәк ине!
  • Артыҡ 1500 һумың булһа, әйҙә, тарт
  • Төндә һатһаң – миллион һум штраф
  • Информация

    Комментировать статьи на сайте возможно только в течении 4 дней со дня публикации.


  • Егерме йыллыҡ хыял
  • Үәт, ҡыҙыҡ! (22.09.2017)
  • “Минең дә улым булыр ине...”
  • Беҙҙең өсөн уңайлы Указды дөрөҫ файҙаланайыҡ
  • Йондоҙнамә (25 сентябрь – 1 октябрь)
  • Еҙем-Ҡарандарға оят!
  • "Йәшлек" гәзите яңылыҡтарын "Телеграм" аша алығыҙ!
  • Ҡөрьән ашы тәртиптәре
  • Маринадланған кәбеҫтә
  • “Умырзая”, “Рамаҙан”, “Дәүер”, “Әкиәт” – барыһы ла Учалыныҡы!



  • Радио Юлдаш FM