RSS-подписка Вконтакте Вконтакте
» » Сафҡа баҫырға әҙерһеңме?

25.04.2014 Сафҡа баҫырға әҙерһеңме?

Сафҡа баҫырға әҙерһеңме?Элек әрмегә бармаған егеттәрҙе ҡыҙҙар әҙәмгә һанамаһа, хәҙер сәбәпһеҙгә әрменән ҡасып ҡалып, «аҡ билет» алыу яҡшы эшкә урынлаша алмау менән янай. Эш биреүселәр ҙә хәрби комиссариат менән проб­лема булмаһын өсөн хәрби бурысын үтәмәгәндәрҙе эшкә алыу яғында түгел. Дәүләт учреждениеларында, көс структураларында эшләргә теләге булған егеттәргә әрмегә барыу мотлаҡ.
Бер йыл хәрби хеҙмәт һиҙелмәйсә үтеп китә, барғаның яҡшыраҡ, ти армияның абруйын баһалаған кисәге һалдаттар.
Быйылғы яҙғы хәрби хеҙмәткә саҡырылышта республиканан 5,8 мең егет әрме сафына баҫасаҡ.
Көҙгө хәрби хеҙмәткә саҡырылыш менән сағыштырғанда, был 13 процентҡа әҙерәк.

Мәғлүмәттәр электрон вариантҡа күсә

Быйылдан башлап егеттәрҙең үҙҙәренә айырым электрон карталар асыла. Унда буласаҡ һалдаттың фотоһы менән биометрик мәғлүмәттәре: буйы, ауырлығы, аяҡ үлсәме, күҙҙәренең төҫө, ҡан төркөмө, тештәренең төҙөлөшө, хатта башының ниндәй формала булыуы тураһындағы мәғлүмәттәр индереләсәк. Һаулығы, егеттең һөнәре, хәрби хеҙмәткә әҙерлеге, әрмегә китер алдынан ниндәй әйберҙәр бирелеүе хаҡында ла мәғлүмәт туплана. Барлығы документта 58 юл тултырыла. Хәрби етәкселәр үҙәкләштерелгән идара итеү пунктынан полктың, ротаның кемдәрҙән тупланыуын белеп торасаҡ. Шәхси электрон карта, күп сығым талап итһә лә, заман талабына ярашлы документ.

Әрме хеҙмәте – ир-егеттең бурысы

Әрмегә бармаған егеттәргә дәүләт һәм муниципаль органдарға эшкә урынлашыу тик хыял ғына булып ҡаласаҡ. Быйылдан хөкүмәт хәрби хеҙмәтте танырға теләмәүселәрҙең хоҡуҡтарын сикләй башланы. Элек 27 йәш тулыу менән әрмегә бармаһаң да хәрби билет алып булһа, хәҙер «хәрби бурыс һәм хәрби хеҙмәт тураһында»ғы положениеға үҙгәрештәр индерелгәс, был документты алыу өсөн егет ҡайтанан медицина тикшереүе комиссияһы аша үтеп, хәрби комиссариат вәкилдәре уның Ҡораллы Көстәрҙә хеҙмәт итмәүенең сәбәптәрен асыҡларға тейеш. Әлбиттә, хәрби хеҙмәттән ҡасып йөрөүселәр элек тә булды, буласаҡ та. Үҙегеҙҙең таныштарығыҙ араһынан да шундайҙарҙы иҫләгеҙ әле, кемеһелер аспирантураға инеп, 27 йәше тулғас, уны ташлаған, икенселәре, призыв комиссияларының саҡырыуын инҡар итеп, адрестарын алмаштырып, йәшенеп йөрөгән. Хәҙер хәрбиҙәр ундайҙарҙы асыҡлауға ныҡлап тотонмаҡсы. Интернет селтәрендәге йәмғиәт сайттарында ла бар уларҙың исемдәре, БР Хәрби комиссариаты ла һәр район буйынса әрме хеҙмәте «ҡасҡындар»ының исемлеген булдырған. Әгәр ҙә комиссариат башҡа ведомстволар менән бындайҙар тураһында үҙҙәренең мәғлүмәттәре менән уртаҡлашһа, төрлө органдарҙан справкалар йыя, документтар тултыра башлаһағыҙ, ҡатмарлыҡтар тыуыуын да оноторға ярамай.

Повестка көтмә, килтермәҫтәр…

Быйылғы хәрби хеҙмәткә саҡырылыштың үҙенсәлеге шунда: повестка тапшырыуҙың тәртибе үҙгәрҙе – буласаҡ һалдат уны хәрби комиссариаттан үҙе барып алырға тейеш. Бының өсөн уларға ике аҙна ваҡыт бүленә. Законды үтәмәгәндәрҙе ике йылға иркенән мәхрүм итеүҙәре бар.

Талаптар еңелләштерелә

Ҡораллы Көстәргә сирле һалдат кәрәкмәһә лә, быйылдан башлап буласаҡ хәрбиҙәрҙең сәләмәтлек торошона ҡарата талаптар бер аҙ еңелләштерелгән. Оҙайлы медицина тикшереүе кәрәккәндә, уны ике хәрби хеҙмәткә саҡырыу кампанияһына тиклем һуҙырға мөмкин. Һуңғыһында ғына яраҡлылыҡ категорияһы бирелә. Ауырыуҙар буйынса хәрби бурыстан сикләүҙәр биреү расписаниеһында ла быйыл 1 ғи­нуарҙан үҙгәрештәр индерелде. Хәҙер II дәрәжә артроз, II дәрәжә яҫы табанлылыҡ, хәрәкәт итеү функцияһында үҙгәрештәр булмағанда бәләкәй һөйәктәрҙең киҫкен синтезы, күҙ селтәренең периферик дистрофияһы диагнозы менән әрмегә аласаҡтар.
Әгәр ҙә хәрби-табип комиссияһының эше, уларҙың һығымтаһы менән риза булмаһағыҙ, хоҡуҡ һағында тороусыларға ҡыйыу мөрәжәғәт итегеҙ. БР Хәрбиҙәрҙе һәм уларҙың ғаиләләрен яҡлау комитеты, Республика хәрби хеҙмәткә саҡырыу пунктында йәмәғәт ҡабул итеү бүлмәһе лә эшләй. РФ Йәмәғәт палатаһы ағзалары яҙғы хәрби хеҙмәткә саҡырыу ваҡытында 8800-700-8-800 телефоны буйынса (Рәсәй буйынса шылтыратыу бушлай) һеҙҙең һорауҙарығыҙға яуап бирергә әҙер.










Оҡшаш яңылыҡтар



Дымдан һаҡлау өсөн

08.12.2017 - Яңылыҡтар архивы Дымдан һаҡлау өсөн


Ҡалған ризыҡты нимә эшләтергә?

30.10.2017 - Яңылыҡтар архивы Ҡалған ризыҡты нимә эшләтергә?


Сәскәләр ҙә өшөй инде…

15.10.2017 - Яңылыҡтар архивы Сәскәләр ҙә өшөй инде…


Үҙең эшләгән арзаныраҡ та, файҙалыраҡ та

Улар – ауылымдың ғорурлығы

22.05.2015 - Яңылыҡтар архивы Улар – ауылымдың ғорурлығы


"Йәшлек" йондоҙнамәһе

09.01.2015 - Яңылыҡтар архивы "Йәшлек" йондоҙнамәһе


Йылҡы йылын оҙатып

27.12.2014 - Яңылыҡтар архивы Йылҡы йылын оҙатып


Декабрь айы

21.11.2014 - Яңылыҡтар архивы Декабрь айы


Үҙ шөғөлөн тапҡандар бәхетле

14.11.2014 - Яңылыҡтар архивы Үҙ шөғөлөн тапҡандар бәхетле


Еребеҙ даны, халҡыбыҙ ғорурлығы

14.11.2014 - Яңылыҡтар архивы Еребеҙ даны, халҡыбыҙ ғорурлығы


Ҡолас йәйә “Ҡуңыр буға”

14.11.2014 - Яңылыҡтар архивы Ҡолас йәйә “Ҡуңыр буға”


Хеҙмәте менән хөрмәт яулаған

07.11.2014 - Яңылыҡтар архивы Хеҙмәте менән хөрмәт яулаған


Сермәндә үҙенсәлекле завод бар

07.11.2014 - Яңылыҡтар архивы Сермәндә үҙенсәлекле завод бар


Бөгөнгө тормоштан ҡәнәғәтһегеҙме?

07.11.2014 - Яңылыҡтар архивы Бөгөнгө тормоштан ҡәнәғәтһегеҙме?


Халыҡҡа хеҙмәт итә

07.11.2014 - Яңылыҡтар архивы Халыҡҡа хеҙмәт итә


“Йәшлек”тәр боҙло һыуҙан ҡурҡманы

02.09.2014 - Яңылыҡтар таҫмаһы » Яңылыҡтар архивы “Йәшлек”тәр боҙло һыуҙан ҡурҡманы


Ә һин башыңа чип ҡуйҙыңмы?

30.05.2014 - Яңылыҡтар архивы Ә һин башыңа чип ҡуйҙыңмы?


ЙӘЙ БИК ҠОРО БУЛАСАҠ,  ТИҘӘР…

30.05.2014 - Яңылыҡтар архивы ЙӘЙ БИК ҠОРО БУЛАСАҠ, ТИҘӘР…


Халыҡ кәсептәре – байманлыҡ сере

30.05.2014 - Яңылыҡтар архивы Халыҡ кәсептәре – байманлыҡ сере


Июнь

30.05.2014 - Яңылыҡтар архивы Июнь


Алтын үҙебеҙгә лә ҡамасауламаҫ ине…

23.05.2014 - Яңылыҡтар архивы Алтын үҙебеҙгә лә ҡамасауламаҫ ине…


Эшләгән – тешләгән

02.05.2014 - Яңылыҡтар архивы Эшләгән – тешләгән


Май байрамдарында нисек ял итәһегеҙ?

02.05.2014 - Яңылыҡтар архивы Май байрамдарында нисек ял итәһегеҙ?


“Ныҡлы ғаилә нигеҙе – бер-береңде аңлауҙа”