RSS-подписка Вконтакте Вконтакте
» » Улым уйнаймы тиһәм... Үҙем икән!

21.02.2014 Улым уйнаймы тиһәм... Үҙем икән!

Улым уйнаймы тиһәм... Үҙем икән!Бөгөн ял: бер ҡайҙа барырға ла, ҡабаланырға ла кәрәкмәй. Көнө лә шундай йылы, әйтерһең дә, ғинуар айы түгел, март. Теләр-теләмәҫ, иренеп кенә күктән ҡар бөртөктәре төшә. Уйҙарға батып, ҡабаланмай ғына кәртә-ҡура тирәһендә болғанам. Уйҙарымды улымдың тауышы бүлде:
– Атай!
– Әү, улым? артымда Заһит тора.
– Һинең ваҡытың бармы?
– Юҡ, улым, – һиҙеп торам, ҡарҙа соҡонорға саҡырырға уйлай.
– Ярай, улайһа, һырғалаҡ эшләргә Айтуған ағайҙы саҡырайым, – тине лә улым, күрше йәшәгән Айтуған ағаһына китте.
– Атай! – мине һиҫкәндереп, улым тағы уйҙарымды бүлде.
– Нимә, улым? – тим.
– Ярҙам ит инде, Айтуған ағай өйҙә юҡ! – улымдың кәйефе төшкән.
«Ярай, – тип уйлайым, – бер ярты сәғәт ярҙамлашмаһам, булмаҫ, шунһыҙ ҡотолоп булмаҫ был йәбешкәктән».
Яурындарға көрәктәрҙе һалып, икәүләп картуф баҡсаһының арғы осона киттек. Унда һәр ҡыш һайын ел-буран метр-метр ярымлыҡ көрт өйөп һала. Теләр-теләмәҫ кенә башлаған эш яйлап, һиҙҙермәй генә үҙенә ялмап алды. Ваҡыт төшөнсәһе беҙҙең өсөн юҡҡа сыҡты, ҡарҙы өйәбеҙ ҙә өйәбеҙ. Тегеләй-былай ғына түгел – ә улымдың өйҙә үк әҙерләгән һыҙма планы буйынса. Биллаһи, тип әйтәм, бындай мауыҡтырғыс ҡар эшен инде 35 – 40 йыл башҡарғаным булмағандыр. Улымдан да бигерәк, ләззәтте үҙем күберәк кисергәнмендер. Был нимә килеп сыға һуң әле? Иллене уҙған ир өсөн был кисерештәр баштағы «шөрөптәрҙең теүәл булмауын» күрһәтә түгелме? Уйлана торғас, шундай фекер барлыҡҡа килде: балаға уйынсыҡ йә уйын һайлағанда күберәген үҙебеҙгә оҡшағанын һайлайбыҙ. Был осраҡта уйынды мин һайламаһам да, улымдың сценарийы менән тулыһынса ризалашып, бар булмышым менән бирелеп уйнаным.
Шулай итеп, шундай һығымта яһағы килә: баланы уйнатыу һылтауы менән, улар менән бер аҙ булһа ла үҙебеҙ ҙә уйнап ҡалабыҙ икән! Олоғайһаҡ та, күпмелер дәрәжәлә үҙебеҙ ҙә бала булып ҡалабыҙ. 6 йәшлек балам миңә бер көн эсендә бер түгел, ике һабаҡ бирҙе. Әйҙәгеҙ, үҙебеҙ генә ҙур, аҡыллы булып ҡыланмайыҡ, ә балаларҙың хәбәренә лә ҡолаҡ һалайыҡ, улар ҙур иғтибарға лайыҡ.

Әхәт ИШБУЛАТОВ.
Баймаҡ районы,
Темәс ауылы.










Оҡшаш яңылыҡтар



Дымдан һаҡлау өсөн

08.12.2017 - Яңылыҡтар архивы Дымдан һаҡлау өсөн


Ҡалған ризыҡты нимә эшләтергә?

30.10.2017 - Яңылыҡтар архивы Ҡалған ризыҡты нимә эшләтергә?


Сәскәләр ҙә өшөй инде…

15.10.2017 - Яңылыҡтар архивы Сәскәләр ҙә өшөй инде…


Үҙең эшләгән арзаныраҡ та, файҙалыраҡ та

Улар – ауылымдың ғорурлығы

22.05.2015 - Яңылыҡтар архивы Улар – ауылымдың ғорурлығы


"Йәшлек" йондоҙнамәһе

09.01.2015 - Яңылыҡтар архивы "Йәшлек" йондоҙнамәһе


Йылҡы йылын оҙатып

27.12.2014 - Яңылыҡтар архивы Йылҡы йылын оҙатып


Декабрь айы

21.11.2014 - Яңылыҡтар архивы Декабрь айы


Үҙ шөғөлөн тапҡандар бәхетле

14.11.2014 - Яңылыҡтар архивы Үҙ шөғөлөн тапҡандар бәхетле


Еребеҙ даны, халҡыбыҙ ғорурлығы

14.11.2014 - Яңылыҡтар архивы Еребеҙ даны, халҡыбыҙ ғорурлығы


Ҡолас йәйә “Ҡуңыр буға”

14.11.2014 - Яңылыҡтар архивы Ҡолас йәйә “Ҡуңыр буға”


Хеҙмәте менән хөрмәт яулаған

07.11.2014 - Яңылыҡтар архивы Хеҙмәте менән хөрмәт яулаған


Сермәндә үҙенсәлекле завод бар

07.11.2014 - Яңылыҡтар архивы Сермәндә үҙенсәлекле завод бар


Бөгөнгө тормоштан ҡәнәғәтһегеҙме?

07.11.2014 - Яңылыҡтар архивы Бөгөнгө тормоштан ҡәнәғәтһегеҙме?


Халыҡҡа хеҙмәт итә

07.11.2014 - Яңылыҡтар архивы Халыҡҡа хеҙмәт итә


“Йәшлек”тәр боҙло һыуҙан ҡурҡманы

02.09.2014 - Яңылыҡтар таҫмаһы » Яңылыҡтар архивы “Йәшлек”тәр боҙло һыуҙан ҡурҡманы


Ә һин башыңа чип ҡуйҙыңмы?

30.05.2014 - Яңылыҡтар архивы Ә һин башыңа чип ҡуйҙыңмы?


ЙӘЙ БИК ҠОРО БУЛАСАҠ,  ТИҘӘР…

30.05.2014 - Яңылыҡтар архивы ЙӘЙ БИК ҠОРО БУЛАСАҠ, ТИҘӘР…


Халыҡ кәсептәре – байманлыҡ сере

30.05.2014 - Яңылыҡтар архивы Халыҡ кәсептәре – байманлыҡ сере


Июнь

30.05.2014 - Яңылыҡтар архивы Июнь


Алтын үҙебеҙгә лә ҡамасауламаҫ ине…

23.05.2014 - Яңылыҡтар архивы Алтын үҙебеҙгә лә ҡамасауламаҫ ине…


Эшләгән – тешләгән

02.05.2014 - Яңылыҡтар архивы Эшләгән – тешләгән


Май байрамдарында нисек ял итәһегеҙ?

02.05.2014 - Яңылыҡтар архивы Май байрамдарында нисек ял итәһегеҙ?


“Ныҡлы ғаилә нигеҙе – бер-береңде аңлауҙа”