RSS-подписка Вконтакте Вконтакте
» » Туған тел – мираҫ, ейәндәргә тулы килеш тапшырайыҡ

05.09.2013 Туған тел – мираҫ, ейәндәргә тулы килеш тапшырайыҡ

Туған тел – мираҫ, ейәндәргә тулы килеш тапшырайыҡДонъя барлыҡҡа килгәндән алып бик күп ҡәүем тарих ҡуласаһында саң бөртөгөнә әйләнеп юҡҡа сыҡҡан, бәғзеләренең тик атамалары тороп ҡал­ған, ә башҡорт меңәр йылдар буйы, халҡым, телем, ерем, тип йәшәгән. Шуға әле лә һәр башҡорттоң йөрәк төбөндә тарихи хәтер, ҡан хәтере һаҡ­лан­ған. Төрлө сәбәптәр арҡа­һында туған телен белеүҙән мәхрүм булғандар ҙа ниндәй­ҙер хәл иткес ҡарар ҡабул иткәндә күңелендәге башҡортлоҡтоң таяныс булыуын тоя. Тик республикабыҙҙа туған телебеҙгә иғтибар артҡан һайын уның ҡулланыу даирәһе тарая барыуы хәүефләндерә.
Бөтә республика буйынса асыл­ған башҡорт гимназияларын ғына алайыҡ. Ғәмәлдә уларҙа ла башҡорт телмәре тик башҡорт теле һәм әҙәбиәте дәрестәрендә генә яңғырай. Әлбиттә, математика, физика, информатика кеүек фәндәрҙе рус телендә генә түгел, хатта инглиз телендә уҡытыу яҡшыраҡ булыр ине. Ни тиһәң дә, хәҙер инглиз телен белгән йәш кешегә киң мөмкинлектәр асыла. Ә бына тарих, география, биология кеүек гуманитар фәндәрҙе мотлаҡ башҡорт телендә уҡытырға кәрәк, тип иҫәпләйем.
Әгәр был хаҡта хәстәрлек күрелмәһә, башҡорт теле бер ун-егерме йылдан сәхнә теле генә булып ҡаласаҡ һәм шуға бәйле тамашасылар ҙа, бәлки, бармаҡ менән генә һанарлыҡ булыр. Ә «йәш» шағир һәм прозаиктарҙың әҫәрҙәрен хатта балалары менән ейәндәре лә уҡымаясаҡ. Әйткәндәй, әле үк уларҙың байтағының балалары атайҙарының, олатайҙарының китап­тарын уҡыуҙан мәхрүм.
Мин үҙем 8-се класты Ишембай ҡалаһының 4-се рус мәктәбендәге параллель башҡорт синыфында тамамланым. Беҙ беренсе кластан бөтә фәндәрҙе лә башҡорт телендә уҡыныҡ. Фиҙакәр педагогтарыбыҙ һәм атай-әсәйҙәребеҙ күңелдәребеҙгә тыуған ер һәм туған тел төшөнсәләренең изге булыуын һеңдерә алды. Шуға ла беҙ ҡала мөхитендә тап үҙебеҙҙең урыныбыҙ барлығын белеп үҫтек һәм, ауылдарҙан килеп, ҡалала төпләнергә тырышҡан тиңдәштәребеҙҙән айырмалы рәүештә, башҡорт булыуыбыҙҙан, башҡортса һөйләшеүебеҙҙән бер ваҡытта ла оялманыҡ. Ниндәй ишекте асыр­ға теләнек, шуны асып индек, ниндәй һөнәр алырға теләһәк, шуға эйә булдыҡ.
Иҫке Ишембай ауылында төпләнеп йәшәгән Ишембаевтар, Хәли­ловтар, Аҡбирҙиндар, Моғат­таровтар, Хәсәновтар, Вилданов­тар, Әйүповтар һәм башҡалар, башҡорт мәктәбендә уҡып, артабан юғары белем алып, Ишембай ҡарттың лайыҡлы вариҫтары булыу­ҙарын раҫланы.
Әлеге ваҡытта республикабыҙҙың күп кенә мәктәбендә отҡор, зирәк балаларҙы башҡорт класынан рус кластарына күсереп ултыртыу ғәҙәти күренешкә әйләнгән. Бындай аҙымдың кире яҡтары бихисап. Мин бары икәүһенә туҡталып үтмәксемен.
Беренсенән, педагогика менән саҡ ҡына таныш булған кеше лә бер коллективтан икенсе коллективҡа күсергәндә балаға ниндәй психологик яра яһалыуын белә. Ғәҙәттә, формалашҡан балалар коллективы, йәғни класс яңы килгән баланы бик ауырлыҡ менән үҙенә ҡабул итеп ала. Хатта бергә уҡыһалар ҙа, миңә баланың класс коллективының тулы хоҡуҡлы вәкиле була алмауын күрергә тура килде (университеттан һуң ете йыл мәктәптә уҡытыусы булып эшләнем). Бала яңы мөхиткә ҡулайлашырға тырыша. Кәмендә бер-ике сиреге шуға китә, ә өсөнсө сиректә инде уның программанан артта ҡалыуы асыҡтан-асыҡ күренә.
Баланың фажиғәһе бына ҡасан башлана! Ул үҙен һәләтһеҙ, булдыҡһыҙ итеп тоя, әкренләп үҙ-үҙенә йомола һәм класындағы белем һәм тәрбиә йәһәтенән түбәнерәк булған балаларға тартыла, уларҙы дуҫ күрә.
Икенсенән, яҡшы уҡыған, тырыш уҡыусыларҙы рус класына күсереп ултыртыу арҡаһында башҡорт кластары, башҡорт теле кәмһетелә һәм баланың күңеленә башҡорт булыуҙан кәмһенеү тойғоһо һалына.
Атай-олатайҙарыбыҙ, ҡан-йәш түгеп, беҙгә, шағир Риф Мифтахов әйтмешләй, туған телебеҙҙе бөйөк мираҫ итеп ҡалдырған, һәм беҙ уны түкмәй-сәсмәй киләсәк быуынға тапшырырға бурыслыбыҙ. Ама­натҡа хыянат итергә ярамағанды ҡасан аңларбыҙ икән?

Хаят ЙОСОПОВА.
Ишембай ҡалаһы.










Оҡшаш яңылыҡтар



Дымдан һаҡлау өсөн

08.12.2017 - Яңылыҡтар архивы Дымдан һаҡлау өсөн


Ҡалған ризыҡты нимә эшләтергә?

30.10.2017 - Яңылыҡтар архивы Ҡалған ризыҡты нимә эшләтергә?


Сәскәләр ҙә өшөй инде…

15.10.2017 - Яңылыҡтар архивы Сәскәләр ҙә өшөй инде…


Үҙең эшләгән арзаныраҡ та, файҙалыраҡ та

Улар – ауылымдың ғорурлығы

22.05.2015 - Яңылыҡтар архивы Улар – ауылымдың ғорурлығы


"Йәшлек" йондоҙнамәһе

09.01.2015 - Яңылыҡтар архивы "Йәшлек" йондоҙнамәһе


Йылҡы йылын оҙатып

27.12.2014 - Яңылыҡтар архивы Йылҡы йылын оҙатып


Декабрь айы

21.11.2014 - Яңылыҡтар архивы Декабрь айы


Үҙ шөғөлөн тапҡандар бәхетле

14.11.2014 - Яңылыҡтар архивы Үҙ шөғөлөн тапҡандар бәхетле


Еребеҙ даны, халҡыбыҙ ғорурлығы

14.11.2014 - Яңылыҡтар архивы Еребеҙ даны, халҡыбыҙ ғорурлығы


Ҡолас йәйә “Ҡуңыр буға”

14.11.2014 - Яңылыҡтар архивы Ҡолас йәйә “Ҡуңыр буға”


Хеҙмәте менән хөрмәт яулаған

07.11.2014 - Яңылыҡтар архивы Хеҙмәте менән хөрмәт яулаған


Сермәндә үҙенсәлекле завод бар

07.11.2014 - Яңылыҡтар архивы Сермәндә үҙенсәлекле завод бар


Бөгөнгө тормоштан ҡәнәғәтһегеҙме?

07.11.2014 - Яңылыҡтар архивы Бөгөнгө тормоштан ҡәнәғәтһегеҙме?


Халыҡҡа хеҙмәт итә

07.11.2014 - Яңылыҡтар архивы Халыҡҡа хеҙмәт итә


“Йәшлек”тәр боҙло һыуҙан ҡурҡманы

02.09.2014 - Яңылыҡтар таҫмаһы » Яңылыҡтар архивы “Йәшлек”тәр боҙло һыуҙан ҡурҡманы


Ә һин башыңа чип ҡуйҙыңмы?

30.05.2014 - Яңылыҡтар архивы Ә һин башыңа чип ҡуйҙыңмы?


ЙӘЙ БИК ҠОРО БУЛАСАҠ,  ТИҘӘР…

30.05.2014 - Яңылыҡтар архивы ЙӘЙ БИК ҠОРО БУЛАСАҠ, ТИҘӘР…


Халыҡ кәсептәре – байманлыҡ сере

30.05.2014 - Яңылыҡтар архивы Халыҡ кәсептәре – байманлыҡ сере


Июнь

30.05.2014 - Яңылыҡтар архивы Июнь


Алтын үҙебеҙгә лә ҡамасауламаҫ ине…

23.05.2014 - Яңылыҡтар архивы Алтын үҙебеҙгә лә ҡамасауламаҫ ине…


Эшләгән – тешләгән

02.05.2014 - Яңылыҡтар архивы Эшләгән – тешләгән


Май байрамдарында нисек ял итәһегеҙ?

02.05.2014 - Яңылыҡтар архивы Май байрамдарында нисек ял итәһегеҙ?


“Ныҡлы ғаилә нигеҙе – бер-береңде аңлауҙа”