НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » Телеңде йоторлоҡ

Телеңде йоторлоҡ


Лимон кеүәҫе
Телеңде йоторлоҡЭмаль кәстрүлгә шәкәр, телем­ләп ҡырҡылған лимон, йөҙөм һалыр­ға һәм ҡайнар һыу ҡойоп, таҫтамал ҡаплап ҡуйырға. Һыу һыуынып, йылымыс булғас, әсетке, сода һалып, 12 сәғәт әсетергә. Һуңынан шешәләргә ҡойоп, һәр береһенә 2 – 3 йөҙөм төшөрөп, ныҡ итеп ябып ҡуйырға кәрәк. Кеүәҫ 2 – 3 көндән әҙер була.
15 литр һыуға 800 г шәкәр, 2 лимон, 200 г йөҙөм, 25 г әсетке, ярты балғалаҡ сода кәрәк.


Ябай кеүәҫ
4 литр һыуға 30 г әсетке, 0,5 стакан шәкәр, 350 – 400 г арыш икмәге кәрәк.
Икмәкте ҡыҙыу духовкала ал­тын­һыу төҫкә ингәнсе тоторға. Кипкән сохарыйҙы кәстрүлгә һалып, өҫтөнә шәкәр иретелгән ҡайнар һыу ҡойорға. Ул бер аҙ һыуынғас, өҫтөнә әсетке һалыр­ға. Өҫтөн асыҡ ҡалдырып, ике көнгә ултыртып ҡуйырға. Һуңынан кеүәҫте банкаларға ҡойоп, шәкәр һалып, 5 – 6 йөҙөм төшөрөп, һыуытҡыста бер тәүлек тотор­ға.

Тоҙло ҡыяр

Бер ҙурлыҡтағы ҡыяр­ҙарҙы һайлап алып, остарын ҡырҡырға һәм бер тәүлеккә һалҡын һыуға һалып ҡуйырға. Был ҡыярҙарҙың әсеһе сыҡһын өсөн эшләнә. Тәүлек үткәс, уларҙы таҙа сепрәк менән ҡоротоп, банкаларға тәҫләп һалырға, араларына әнис, петрушка, һарымһаҡ, ҡара ҡарағат япрағы ҡыҫтырырға.
Банкаларға ҡойоу өсөн 1 литр һыуға 50 г тоҙ, ярты стакан ҡара ҡарағат һуты ҡушып, иретмә әҙерләнә. Тоҙло һыу ҡайнау хәленә еткерелә, уға һут уттан алынғас ҡына ҡушыла. Банка­ларҙы стерилләргә кәрәк.

Әскелтем помидор

Помидорҙы был рецепт буйынса әллә ни оҙаҡ һаҡлап булмай. Әммә ҡабымлыҡты ашап ҡараусылар уны бик оҡшата.
6 помидор, һарымһаҡ, тоҙ, төйөлгән ҡара борос, әнис.
Помидорҙарҙың өҫтөн конус рәүешендә ҡырҡырға ла, ваҡ­лан­ған һарымһаҡ, ҡара борос, тоҙ, әнис орлоҡтары тултырырға. Поми­дорҙар ярты тәүлек самаһы һалҡынса урында торғандан һуң әҙер ҙә була.

Сығыу ваҡыты 12-07-2013, 10:53 | Ҡаранылар: 838
|
  • Уңғанбикәләрҙең өҫтәле лә һыйға мул
  • Төрлө салаттарҙы эшләп ҡарағыҙ!
  • Ҡыярҙан әҙерләнгән ашамлыҡтар!
  • Ризығыбыҙға – тәм, өҫтәлебеҙгә йәм өҫтәһен
  • Тәмлекәстәр
  • Информация

    Комментировать статьи на сайте возможно только в течении 4 дней со дня публикации.


  • Егерме йыллыҡ хыял
  • Үәт, ҡыҙыҡ! (22.09.2017)
  • “Минең дә улым булыр ине...”
  • Беҙҙең өсөн уңайлы Указды дөрөҫ файҙаланайыҡ
  • Йондоҙнамә (25 сентябрь – 1 октябрь)
  • Еҙем-Ҡарандарға оят!
  • "Йәшлек" гәзите яңылыҡтарын "Телеграм" аша алығыҙ!
  • Ҡөрьән ашы тәртиптәре
  • Ҡырау төшөүе ихтимал
  • “Умырзая”, “Рамаҙан”, “Дәүер”, “Әкиәт” – барыһы ла Учалыныҡы!



  • Радио Юлдаш FM