НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » Беҙҙе ҡайҙа көтәләр?

Беҙҙе ҡайҙа көтәләр?


Илдең йәмәғәт фекерен өйрәнеүсе белгестәре Рәсәй халҡының йәй көнө ҡайҙа ял итергә йыйыныуын тикшергән. Тикшереүҙәр күрһәтеүенсә, рәсәйҙәрҙең 33 проценты ялын сит илгә сығып үткәрергә теләй икән. Халыҡтың ҡап яртыһы тиерлек отпускыһында диңгеҙ йәки океан ярында ял итеүҙе хуп күрә. 2012 йылдың йәйендә респонденттарҙың 47 проценты өйҙә генә ятҡан, 25 проценты дача-баҡсаларына йөрөгән. Сит илгә сығыусылар − 8 процент.
Отпускылар мәле башланып тора. Йылдың 11 айында эшләп, законлы ялыбыҙҙы матур итеп уҙғарыу теләге бар. Ләкин, дәрт бар ҙа, дарман нисегерәк икән һуң? Йәйгә пландарын белешеү маҡсатында бер нисә гәзит уҡыусыбыҙға мөрәжәғәт иттек.

Альбина МОЗАФАРОВА, туристик агентлыҡта ете йыл эшләй:
− Республика халҡының сит илгә сығып ял итергә бөтә мөмкинлектәре лә бар – путевкаларҙы арзанға ла, ҡиммәткә лә алырға була. Эшләй башлаған ғына ваҡыттағы менән әлеге хәлде сағыштырырлыҡ та түгел. Туристарыбыҙ ҙа, путевкаларыбыҙ ҙа ҡырҡа яҡшы яҡҡа үҙгәрҙе, тип әйтергә кәрәк.
Беҙҙең туристик агентлыҡҡа килгән клиенттарға ҡарап фекер йөрөтһәң, республика халҡының ял итергә иң яратҡан иле – Төркиә, унан һуң Мысыр икәне күренә. Былтыр Греция менән Кипрға барыр­ға теләүселәр ныҡ артты. Был илдәрҙә ял итеүҙең хаҡы ла Төркиәнекенән әллә ни айырылмай.
Минең шәхси фекерем – Башҡортостанда мосолмандар күп йәшәй, бәлки, шуғалыр ҙа беҙҙекеләр мосолман илдәренә ҡабат-ҡабат бара.
Эш аҡсала ғына, тип уйламайым. Ял итеү пляжда һуҙылып ятыу ғына түгел бит, башҡа мәҙәниәт, көнкүреш менән танышыу ҙа. Шулай уҡ һуңғы ваҡытта Берләшкән Ғәрәп Әмирлектәренә һәм Вьетнамға барыусылар арта. Августа – туйҙар мәлендә Парижға барырға теләүселәр күбәйә. Хаҡтарға килгәндә, улар көн һайын үҙгәреп тора. Былтыр, мәҫәлән, июль – август айҙарында халыҡ араһында популярлыҡ менән файҙаланған бер илгә лә “янып барған” путевкалар булманы тиерлек, самолеттар алдан уҡ тулып, буш урындар ҡалманы. Әле арзаныраҡ хаҡҡа ял итергә барырға була (мәҫәлән, 15 мең һумға − Төркиәгә, 20 мең һумға – Кипрға), әммә июль уртаһынан хәл үҙгәрер, йәғни путевкаларҙың хаҡы артыр, тип уйлайым.

Лилиә ФӘЙРҮШИНА, Өфө ҡалаһы хакимиәтенең мәғлүмәт-аналитика идаралығының баш белгесе:
− Отпускымдың яртыһын Башҡортоста­ныбыҙҙағы бер санаторийҙа үткәрҙем инде. Ҡалған яртыһын тыуған йортомда, әсәйем янында ял итәсәкмен. Бер ниндәй ҙә сит илгә барырға йыйынмайым. Йәй айҙарында республикабыҙ үҙе үк ожмах кеүек матур. Ял итергә лә, еләк йыйырға ла, һыу инергә лә мөмкинлектәр бар.

Айрат ТӨХВӘТУЛЛИН, инженер-төҙөүсе:
− Ҡатыным һәм ике йәшлек кенә ҡыҙым менән Кипрҙан ҡайтып ҡына торабыҙ. Ҡыҙым тәпәй баҫыу менән былтыр Төркиәлә ял итеп ҡайтҡайныҡ. Бәләкәй сабыйы булған кешеләр юл йөрөүҙән ҡурҡмаһын – балабыҙ саҡ ҡына ла мыжыманы. Ә инде пляжда беҙҙең ҡыҙҙан да бәхетлерәкте табып булмаҫтай ине – ярты көн самаһы ғына тулҡындарға ҡарап ҡурҡыңҡырап торҙо ла, тиҙ генә өйрәнеп тә китте. Декрет ялында ултырған ҡатыным да бик ҡәнәғәт. Юҡһа, бала тапҡандан һуң тормошом ныҡ ауырлашыр, бер ниндәй ҙә ял итеү булмаҫ, тип ҡаңғыра ине.
Һүҙ ҙә юҡ, Башҡортостаныбыҙ ҙа бик матур. Ләкин үҙебеҙҙә ял итә алмайым – ауылға ҡайтһаң, бесәне, баҡсаһы, тағы әллә күпме бөтмәҫ мәшәҡәт көтөп кенә тора. Ауылда бот күтәреп аҙна буйы йылға буйында ҡыҙынып ятып булмай бит инде – күңел дә сыҙамай, оло йәштәге атайым да әрләп ташлаясаҡ. Ә ял итке килә. Шуға ла “ете диңгеҙ аръяғына” ҡасып тигәндәй барып киләбеҙ.

Лилиә СИРАЕВА яҙып алды.

Сығыу ваҡыты 31-05-2013, 11:32 | Ҡаранылар: 708
|
  • Тауыҡ йомортҡаһы һәм төркиә ҡиммәт
  • БУРЫСЛЫ БУЛЫУ – ҠОЛЛОҠ
  • АУЫЛҒА НИМӘ ЕТМӘЙ?
  • Үтек кәрәкме, әллә һыуытҡысмы?
  • Йырсылар ҡайҙа ял итергә ярата?
  • Информация

    Комментировать статьи на сайте возможно только в течении 4 дней со дня публикации.


  • Егерме йыллыҡ хыял
  • Үәт, ҡыҙыҡ! (22.09.2017)
  • “Минең дә улым булыр ине...”
  • Беҙҙең өсөн уңайлы Указды дөрөҫ файҙаланайыҡ
  • Ау-у, марал!
  • Йондоҙнамә (25 сентябрь – 1 октябрь)
  • Маринадланған кәбеҫтә
  • "Йәшлек" гәзите яңылыҡтарын "Телеграм" аша алығыҙ!
  • Ҡөрьән ашы тәртиптәре
  • “Умырзая”, “Рамаҙан”, “Дәүер”, “Әкиәт” – барыһы ла Учалыныҡы!



  • Радио Юлдаш FM