RSS-подписка Вконтакте Вконтакте
» » Өскөл хаттар тупланмаһы – оло хеҙмәт

20.09.2011 Өскөл хаттар тупланмаһы – оло хеҙмәт

Бөйөк Ватан һуғышына арнап сығарылған «Аҡ аманат − һалдат хаттары» китабын ҡабат-ҡабат уҡып сыҡтым. Йыйынтыҡ үлемесле яу батырҙарынан ҡалған меңәрләгән өскөл фронт хаты нигеҙендә нәшер ителгән. Уның тормошта рухи-патриотик, тәрбиәүи әһәмиәте оло баһаға лайыҡ.
Күренекле журналист Фәрит Назар улы Вахитовтың бай тарихи сығанаҡтар тупланмаһынан торған китабын уҡып сыҡҡан һәр кем авторҙың ниндәйерәк дәрәжәле әһәмиәткә эйә, батырлыҡҡа тиң, һоҡланғыс эш башҡарыуын тойор.
Йыйынтыҡта бәйән ителгәнсә, фронт хаттарының һәр юлында, һәр һүҙендә теге йәки был яугирҙың тыуған илен өҙөлөп яратыуы тасуирлана, йөрәк түренән әйткән изге ғорур һүҙҙәре ишетелгәндәй була. Нәҡ ошо яғы менән күңелде арбай бөгөнгәсә һаҡланып ҡалған, тарихи хәтергә әүерелгән хат юлдары.
Хаттар, хаттар… Бер фронтовик хатынан өҙөк килтерәйек. «Был хатымды окопта прикладҡа һалып яҙам. Шыбырлап ямғыр яуа, ҡағыҙым еүешләнеп бара. Үҙем яҙам, күҙҙәремдән әсе йәштәр тама...» Бына тағы ла нимә ти китап авторы: «Алдымда тау-тау фронт хаттары ята. Өскөл хаттар… ҡайнар тир һәм дары еҫе һеңгән хаттар. ҡағыҙы таушалып, яҙыуы танымаҫлыҡ хәлгә килгән хаттар. Атакаға күтәрелер алдынан яҙылып, яугирҙың кеҫәһендә ҡанға батҡан хаттар…»
Утлы йылдар шаңдауы һеңешкән өскөл фронт хаттарының байтағының ҡала, мәктәп, дан музейҙарында һаҡланыуы мәғлүм. Улар ысын тарих, онотолғоһоҙ мәхшәр, хәл-ваҡиғалар дәүерен кәүҙәләндергән тарихи документ. Ғөмүмән, фронт хаттарын йыйыуы, уларҙы бергә туплап, халыҡ хөкөмөнә сығарыу − оло хеҙмәт. Ил яҙмышын хәл иткән дәүерҙе сағылдырған тарихи сығанаҡ та улар. Китап авторы бәйән иткәнсә, бөгөн дә Үҙәк хәрби дан музейына өсмөйөшлө хаттарҙың күсермәләренең айырым ғаиләләр архивынан килгеләп тороуы бер ҙә юҡҡа түгелдер.
Матбуғатта Бөйөк Ватан һуғышы хаҡында күп яҙыла, күп һөйләнелә. Киләсәктә лә яңынан-яңы хәл-ваҡиғалар, иҫтәлекле мемуарҙар гәзит-журнал биттәрендә урын алыр, тигән теләктә ҡалабыҙ. Сөнки, нимә генә тимә, шанлы йылдар ҡалдырған ауыр эҙемтәләр әленән-әле үҙен белдереп тора. Шуныһын да әйтмәй булмай, беҙҙең кеүек фронтовик балаларын да һуғыш афәте урап үтмәне, күп нәмәнән мәхрүм булып, күп ауырлыҡ күреп үҫтек. Шунан сығып, «Аҡ аманат − һалдат хаттары»ның дауамы ла донъя күрһен ине, тип теләйем.

Зәкирйән ИТБАЕВ.

Хәйбулла районы,
Иҫәнгилде ауылы.










Оҡшаш яңылыҡтар



Дымдан һаҡлау өсөн

08.12.2017 - Яңылыҡтар архивы Дымдан һаҡлау өсөн


Ҡалған ризыҡты нимә эшләтергә?

30.10.2017 - Яңылыҡтар архивы Ҡалған ризыҡты нимә эшләтергә?


Сәскәләр ҙә өшөй инде…

15.10.2017 - Яңылыҡтар архивы Сәскәләр ҙә өшөй инде…


Үҙең эшләгән арзаныраҡ та, файҙалыраҡ та

Улар – ауылымдың ғорурлығы

22.05.2015 - Яңылыҡтар архивы Улар – ауылымдың ғорурлығы


"Йәшлек" йондоҙнамәһе

09.01.2015 - Яңылыҡтар архивы "Йәшлек" йондоҙнамәһе


Йылҡы йылын оҙатып

27.12.2014 - Яңылыҡтар архивы Йылҡы йылын оҙатып


Декабрь айы

21.11.2014 - Яңылыҡтар архивы Декабрь айы


Үҙ шөғөлөн тапҡандар бәхетле

14.11.2014 - Яңылыҡтар архивы Үҙ шөғөлөн тапҡандар бәхетле


Еребеҙ даны, халҡыбыҙ ғорурлығы

14.11.2014 - Яңылыҡтар архивы Еребеҙ даны, халҡыбыҙ ғорурлығы


Ҡолас йәйә “Ҡуңыр буға”

14.11.2014 - Яңылыҡтар архивы Ҡолас йәйә “Ҡуңыр буға”


Хеҙмәте менән хөрмәт яулаған

07.11.2014 - Яңылыҡтар архивы Хеҙмәте менән хөрмәт яулаған


Сермәндә үҙенсәлекле завод бар

07.11.2014 - Яңылыҡтар архивы Сермәндә үҙенсәлекле завод бар


Бөгөнгө тормоштан ҡәнәғәтһегеҙме?

07.11.2014 - Яңылыҡтар архивы Бөгөнгө тормоштан ҡәнәғәтһегеҙме?


Халыҡҡа хеҙмәт итә

07.11.2014 - Яңылыҡтар архивы Халыҡҡа хеҙмәт итә


“Йәшлек”тәр боҙло һыуҙан ҡурҡманы

02.09.2014 - Яңылыҡтар таҫмаһы » Яңылыҡтар архивы “Йәшлек”тәр боҙло һыуҙан ҡурҡманы


Ә һин башыңа чип ҡуйҙыңмы?

30.05.2014 - Яңылыҡтар архивы Ә һин башыңа чип ҡуйҙыңмы?


ЙӘЙ БИК ҠОРО БУЛАСАҠ,  ТИҘӘР…

30.05.2014 - Яңылыҡтар архивы ЙӘЙ БИК ҠОРО БУЛАСАҠ, ТИҘӘР…


Халыҡ кәсептәре – байманлыҡ сере

30.05.2014 - Яңылыҡтар архивы Халыҡ кәсептәре – байманлыҡ сере


Июнь

30.05.2014 - Яңылыҡтар архивы Июнь


Алтын үҙебеҙгә лә ҡамасауламаҫ ине…

23.05.2014 - Яңылыҡтар архивы Алтын үҙебеҙгә лә ҡамасауламаҫ ине…


Эшләгән – тешләгән

02.05.2014 - Яңылыҡтар архивы Эшләгән – тешләгән


Май байрамдарында нисек ял итәһегеҙ?

02.05.2014 - Яңылыҡтар архивы Май байрамдарында нисек ял итәһегеҙ?


“Ныҡлы ғаилә нигеҙе – бер-береңде аңлауҙа”