НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Нилектән ауыҙ кибә?
Новости / Һаулыҡ һаҡлау // 19-08-2017, 14:00


Нилектән ауыҙ кибә?Миңә 40 йәш. Бер нисә йыл инде ауыҙым кибеп ыҙаланам. Айырыуса төндә ауыҙ ҡыуышлығы кибеүҙән телде ҡыбырлатып та булмай. Шәкәр ауырыуы менән сирләмәйем. Даими анализ биреп торам, ҡанымда шәкәр кимәле нормала. Нилектән шулай, аңламайым. Нисек унан ҡотолорға, бәлки, берәй кәңәш бирерһегеҙ.
Мәликә.
Өфө ҡалаһы.

Ауыҙ ҡыуышлығы кибеүе төрлө дарыу­ҙар ҡулланыуҙан да булыуы ихтимал. Мәҫәлән, ҡан баҫымын төшөрөүсе ҡайһы бер дарыуҙар быға булышлыҡ итә. Әгәр ҙә даими рәүештә ниндәйҙер дарыу эсәһегеҙ икән, аннотацияһын уҡып ҡарағыҙ, бәлки, сәбәбе тап шундалыр. Бынан тыш, ауыҙ кибеүенең иң йыш күҙәтелгән сәбәбе – бауыр ауырыуы. Табипҡа күренеп, бауырығыҙҙы тикшертергә кәрәк.
...

Файҙаһын күрегеҙ
Новости / Һаулыҡ һаҡлау // 18-08-2017, 12:33


Файҙаһын күрегеҙДауаланыу маҡсатында үлгән бал ҡорттарынан төнәтмә эшләп эскәндәр бар. Ул дарыу ниндәй сирҙәргә килешә икән?
Әкрәм ВӘЛИТОВ.
Салауат районы.

Ҡышҡыһын умартаның төбөнә төшөп үлгән бал ҡорттарын әрәм итмәй, дарыу эшләһәң, бына тигән шифа. Бының өсөн сеймалды 45 – 50 градус йылылыҡтағы мейестә киптерергә һәм эре иләктән үткәрергә кәрәк.
Төнәтмә яһау тәртибе: 0,5 л һауыттағы ҡортто 1,5 литрлы шешәгә һалып, өҫтөнә араҡы ҡоялар. Ике аҙна төнәткәс, һөҙәләр һәм тигеҙ нисбәттә һыу ҡушалар. Бал ҡорттарынан эшләнгән төнәтмә матдәләр алмашыныуын яҡшырта, цистит, пиелонефрит, аденома, гломерулонефрит, панкреатит, ашҡаҙан-эсәк тракты, диабет, катаракта, астма, полип, быуын сирҙәренән файҙалы. Имму­нитетты нығыта.
Үлгән бал ҡорттарын шул килеш тә файҙаланырға мөмкин. Мейес эсендә киптереп, ваҡлап, ашарға 30 – 40 минут ҡалғас, бер балғалаҡ ҡабул итәләр. Артынан һыу эсәләр.
Быуындар ауыртҡанда үҫемлек майына һалып яһалған “ҡорт майы” менән ыуыналар....

Ҡан баҫымы юғары булғанда файҙалы ризыҡтар
Новости / Һаулыҡ һаҡлау // 17-08-2017, 09:00


Ҡан баҫымы юғары булғанда файҙалы ризыҡтар
/Майһыҙландырылған эрем­­сек йөрәкте нығыта, ҡан тамырҙарын киңәйтеүгә бу­лышлыҡ итә, кальций, магний һәм калийға бай. Көн һайын 100 г эремсек ашарға кәрәк.

/Ҡыҙыл татлы борос С витаминына бай. Гипер­тониктарға уны мөмкинлек булған һайын ашарға кәңәш ителә. Көнөнә ике ҡыҙыл борос ашау организмдың С витаминына мохтажлығын ҡаплай.
/ Лосось – омега сығанағы, ҡан баҫымын бик яҡшы төшөрә. Уны аҙнаһына өс тапҡыр 100 – 150-шәр грамм ашау файҙалы....

Үт ҡыуығын үләндәр менән дауалау
Новости / Һаулыҡ һаҡлау // 16-08-2017, 09:00


Үт ҡыуығын үләндәр менән дауалауХалыҡ медицинаһында үт ҡыуығын үлән менән дауалау буйынса бик күп рецепт табырға мөмкин. Әммә медиктар уларҙы бик һаҡ ҡулланырға кәрәклеге хаҡында киҫәтә. Иң яҡшыһы – табип күҙәтеүе аҫтында. Сөнки үт ҡыуыу үҙенсәлегенә эйә үләндәр үт юлына таш тығылыуына булышлыҡ итеүе ихтимал.
Үт ҡыуығы менән проблема булғанда дарыу үләндәренең шифаһы ҙур. Улар үт бүленеп сығыуға булышлыҡ итә, елһенеүҙе бөтөрә, тынысландыра, ашҡаҙан аҫты биҙе менән ашҡаҙан эшмәкәрлеген көйләй, организмдан төрлө токсин һәм үт таптарының сығыуын тиҙләтә....

Теш таҙартыу дәресе
Новости / Һаулыҡ һаҡлау // 15-08-2017, 12:49


Теш таҙартыу дәресеИнде теш таҙартырға ғына өйрәтмәһәләр, тиер кемдер, мәҡәлә исемен күреп: “Беҙ быны бала саҡтан алып, көн дә өйрәтеүһеҙ ҙә эшләйбеҙ”. Ләкин Учалы ҡала поликлиникаһы стоматологы Наил Фәтҡуллин әйтеүенсә, күптәр тештәрен дөрөҫ таҙартмай, шул сәбәпле байтаҡ проблема тыуа: тештәрҙең һәм теш ҡаҙнаһының сирҙәре барлыҡҡа килә, ауыҙҙан һаҫыҡ еҫ сыға, теш эмале ҡарая. Шуға ла бөгөн Наил Рафаэль улы ошо юҫыҡта үҙ кәңәштәре менән бүлешә....

Ҡыҙыл көртмәле (брусника)
Новости / Һаулыҡ һаҡлау // 13-08-2017, 12:31


Ҡыҙыл көртмәле  (брусника)Ҡыҙыл көртмәле ҡарағай һәм ҡатнаш урмандарҙа, ҡороған торф ятҡылыҡтары булған ерҙә үҫә.
Дауалау өсөн ҡыҙыл көртмәленең емеше һәм япрағы ҡулланыла. Ҡыҙыл көртмәле еме­ше С витаминына бай булғанлыҡтан, уны ҡышҡы миҙгелдә, яҙҙың тәүге айҙарында зәңгенән һаҡланыу һәм дауаланыу маҡсатында ҡулланалар. Бынан тыш, емешен ҡулланыу ашҡаҙандың әселеге түбәнәйгәндә, подагра, ревматизм кеүек ауырыуҙар булғанда, ҡан баҫымы күтәрелгәндә, эс киткәндә файҙалы. Япраҡтары бөйөрҙә таш булғанда, бөйөр лаҡаны һәм бәүел ҡыуығы шешкәндә файҙалы. Ауыҙ эсе боҙолғанда, теш шешеп ҡанағанда төнәтмәһе менән ауыҙҙы сайҡайҙар.
...

Муйынға мөхәббәт
Новости / Һаулыҡ һаҡлау // 10-08-2017, 15:57


Муйынға мөхәббәт
Муйынды яратмайбыҙ шикелле беҙ. Яратһаҡ, уны ҡәҙерләр инек. Әлдә ҡатын-ҡыҙҙар онотҡанда бер булһа ла муйынына крем һөртә, ирҙәрҙең иһә уны һылап-һыйпап ултырғанын күргәнегеҙ бармы? Ай-һай, шикләнәм.

Беҙ яратмағас, муйын да беҙгә һалҡыная, ҡәнәғәтһеҙлеген белдерә: зарлы шағыр-шоғор килә башлай, башты борорға теләмәй шыҡырайып ҡата, иңбаш мускулдарына ауыртыуын төшөрә, башты сиргә батыра... Ни рәхәтләнеп телевизорҙан яратҡан сериалды ҡарап булмай, ни йүнләп компьютерға йәбешергә ирек юҡ, хатта йоҡоноң рәте китә. Бындай күңелһеҙлектәргә юлыҡмаҫ борон йәштән муйынға етерлек иғтибар бүлергә кәрәк икән. Муйын менән килешеп йәшәйем тиһәң, көнөнә бер күнекмә яһау ҙа етә, имеш.
Бына тап хәҙер, гәзиттән айырылмай ғына, ауыҙығыҙға ҡәләм ҡабығыҙ ҙа, һауала “А”-нан “Я”-ғаса хәрефтәрҙе яҙып сығығыҙ. Бер юлы алфавитты ла хәтерегеҙгә төшөрөрһөгөҙ. Умыртҡа һөйәгенең муйын бүлеге һеҙгә рәхмәтле булыр.
Башҡорт алфавитында хәрефтәр күп, ҡырҡ ике дана, тип ялҡауланып, рус алфавитын ғына “яҙырға” теләүселәргә шуны әйтер инем: әлдә ҡытай түгелбеҙ, тип
ҡыуанығыҙ – уларға кәмендә 10 мең иероглифты сыймаҡларға кәрәк. Уларын яҙам тип, муйынды һындырырғамы? Хәйер, һыныуын һынмаҫ, мускулдары нығынып, үгеҙҙеке кеүек еллегә әйләнер. Ә муйынға, бәлки, шул кәрәктер ҙә....

Ҡара көртмәле (черника)
Новости / Һаулыҡ һаҡлау // 8-08-2017, 12:28


Ҡара көртмәле (черника)Медицинала ҡара көртмәленең һабаҡтары менән емештәре ҡулланыла. Улар В, А, РР, С витаминдарына, бета-каротин, калий, фосфор, марганец, баҡыр, кальций һәм магний кеүек минераль матдәләргә, органик кислоталар­ға бай. Көртмәле япраҡтарында бөйөр сирҙәренә ҡаршы ҡулланыл­ған арбутин тип аталған матдә лә бар. Көртмәле айырыуса күҙҙәре насар күргәндәргә файҙалы, ул күҙ алмаһындағы ҡан әйләнешен яҡшырта. Ревматизм, подагра менән сирләгәндәргә организмдан артыҡ тоҙҙо, токсин­дар­ҙы сығарырға булышлыҡ итә. Ҡанды шыйығайта, эсте йомшарта. Диабет менән ауырығандарға ҡандағы шәкәр кимәлен көйләргә булышлыҡ итә.
Сикләнгән күләмдә бала имеҙгән ҡатындар өсөн дә файҙалы. Үҙегеҙ ҙә, сабыйығыҙ ҙа витаминдар аласаҡ. Был үҫемлектең емештәре аш эшкәртеү системаһы ағзаларының эшмәкәрлеген дә көйләй. Бөйөрҙә таш булғанда, геморрой күҙәтелгәндә ошо үләндең төнәтмәһен эсергә кәңәш ителә. Аяҡ-ҡулдарҙа экзема булғанда ла уны һөртөргә мөмкин.
...

Табип килгәнсе нимә эшләргә?
Новости / Һаулыҡ һаҡлау // 5-08-2017, 12:21


Табип килгәнсе  нимә эшләргә?
Температура күтәрелһә. Ғәҙәттә, тән температураһының күтәрелеүе теге йәки был ауырыуҙың билдәһе булып тора. Йыш ҡына уға йоғошло сирҙәр: грипп, һалҡын тейҙереү, ҡыҙамыҡ, энтероколит, гепатит, ревматизм һәм башҡа ауырыуҙар сәбәпсе. Температура юғары булғанда сирлене түшәккә ятҡырығыҙ. 38-ҙән юғары булһа, парацетамол эсерәләр. Сульфамид һәм антибиотиктар бирергә ярамай. Йәнә ауырыуға еләк-емеш һуты, сәй эсерәләр. Артыҡ юғары булмағанда йәшелсә ашы, бешкән алма, картуф ашатырға мөмкин....

Тамаҡ ауыртҡанда
Новости / Һаулыҡ һаҡлау // 4-08-2017, 14:16


Тамаҡ ауыртҡанда- Тамаҡты көн дауамында һәр сәғәт һайын 30 процентлы лимон кислотаһы иретмәһе менән сайҡатырға.
- Лимон һуты менән балды бер үк күләмдә алып, бергә ҡушып бутарға. Ошо ҡатнашма менән тамаҡты сайҡатырға. Ҡабығынан әрселгән 2 – 3 лимон киҫәген һура-һура ауыҙҙа тоторға. Про­це­дураны һәр сәғәт һайын ҡабатларға.
- Тамаҡты лимон һуты менән һөртөп торор­ға. Бының өсөн таяҡҡа уралған мамыҡ тампон ҡулланырға мөмкин. Һуңынан муйынды йылытыу өсөн компресс ҡуйырға....


  • Исемең матур, кемдәр ҡушҡан, Һине күреп кем туйған…
  • Дилә ИШБАЕВА.
  • “Кеше үлемендә минең дә ғәйебем бар...”
  • Үҙҙәре «һауын»ға әйләнеп бара...
  • Үәт, ҡыҙыҡ! (3.11.2017)
  • Донъяһына күрә түрәһе
  • Ләйсән Ҡаразбаева хәбәр итә:
  • Бала тәрбиәләүсе ғаиләләр өсөн ташламалар һәм пособиелар
  • Кешегә исем бүләк итәләр
  • Иҙел бит ул...



  • Радио Юлдаш FM