НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Выборы 2018 Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Тырнаҡ игәүе
Новости / Һаулыҡ һаҡлау // 8-08-2018, 07:00


Тырнаҡ игәүе
Йәйгеһен йыш ҡына үксәм ярыла торғайны, былтыр үҙемә яҡшы сара таптым: эре ташлы тырнаҡ игәүе менән үксәмде ҡоролай (!) яҡшылап игәп ышҡыйым. Шунан йылы һыуҙа аяҡтарҙы йыуып, үксәләремә баш бармаҡтай ғына аҡ май алып һөртәм дә, йоҡа ойоҡбаш кейеп йоҡлайым. Аҙнаһына бер тапҡыр шулай иткәндә, үксәләр ярылмаясаҡ.
Фәнүзә А.
Сибай ҡалаһы....

Үткәндәргә илаулап, бөгөнгөһөн юғалта күрмәгеҙ
Новости / Һаулыҡ һаҡлау // 7-08-2018, 06:00


Үткәндәргә илаулап, бөгөнгөһөн юғалта күрмәгеҙ
Студент сағымда бер егет менән йөрөп алып киттем. Сәскәләр, бүләктәр, кафелар – бөтәһе лә булды. Бер нисә айҙан ауырлы икәнемде әйткәс, яратам, өйләнәм, тип йөрөгән егетем юҡҡа сыҡты. Илауҙарым, ғәрләнеүемде яҙып та тормайым. Атайым менән әсәйемә әйтеү ҡайҙа был турала, эсемде күреп ҡалмаһындар, тип ауылға ла ҡайтманым хатта. Ни генә эшләһәм дә, бала төшмәне. Бөтә тормошҡа булған пландарымдың-маҡсаттарымдың емерелеүенә баланы ғәйепләп, күрә алмай инем уны! Үҙемде һәм атаһын! Шул ваҡытта уҡ баланы дауаханала ҡалдырырға ҡарар ҡабул иткәйнем инде. Акушерға ла был турала аңғарттым, табип та белде. Улар минең менән һөйләшергә теләп, яныма килһә, ҡаты ғына итеп кире борор инем. Баланы һыҙланып тапҡас та, йөрәгем иремәне. Ике көндән бала табыу йортона ҡыҙ баланы ҡалдырып сығып киттем. Алыҫҡа. Уҡыуымды шул ҡалала дауам иттем, бер кем менән аралашманым. Бала бер нисә тапҡыр төшөмә инде, имеш, ап-аҡ күлдәктә, үҙе лә аҡ ҡына тәнле икән, сәстәре бөҙрәләнеп, шат йылмайып миңә ҡарай ине. Илап уянаһың инде, онотолмаҫ үткәндәрҙе уйлап. 25-тә кейәүгә сыҡтым, ике балабыҙ бар. Уларҙы үҫтергәндә, гел генә эстән генә теге ҡыҙ менән сағыштырыр инем, быларҙың апаһы нисек: өҫтө бөтөн, тамағы туҡмы икән, тип һыҡрар ине күңелем. Иремдән ныҡ уңдым, ышаныслы кеше ул, шуға күрә лә бөтәһен дә һөйләп бирҙем. Аңланы, ғәфү итте, эҙләп табырға тәҡдим итте. Барҙыҡ. Опека органдарына ебәрҙеләр. Барҙыҡ. Бер нәмә лә әйтмәнеләр. Ул бала күптән ғаиләлә, борсомауығыҙҙы һорайбыҙ, тинеләр. Ни тиклем инәлһәм, ялбарһам, илаһам да – яуап “юҡ” булды. Имеш, улар закон тарафынан тыйылған мәғлүмәтте кемгәлер әйтә алмай. Кемгәлер? Мин бит әсәһе, тип ҡысҡырғым килде лә... Ирем мине саҡ алып ҡайтты, ни булһа ла. Ауырымаған ауырыуым ҡалманы, һыҙланмаған ерем юҡ. Йөрәк һыҙлауы шулай алйытамы икән? Йәшлегемдә ҡылған гонаһым өсөн ошолай ҙа әсе яуап тоторомдо белһәм икән... Тормошом тормош түгел, ашағаным аш түгел. Миңә нисек йәшәргә? Опека органдары мәғлүмәт бирергә тейеш түгелме ни?
Зәлиә.
...

Упҡынға тәгәрәүҙән ҡотолоу юлы – үҙегеҙҙә генә
Новости / Һаулыҡ һаҡлау // 1-08-2018, 07:00


Упҡынға тәгәрәүҙән ҡотолоу юлы – үҙегеҙҙә генә
34 йәшемдә ике бала менән тол ҡалдым. Береһен баҡсаға йөрөттөм, икенсеһен – мәктәпкә... Үҙем уҡыным да, эшләнем дә. Арып-талып, йоҡлай алмай, хатта илай ҙа алмай ятҡан төндәремде үҙем генә беләм. Бер нисә йылдан эшемдә үрләттеләр, шул уҡ йылда бөгөнгө эшемә алдылар. Эшем ныҡ яҡшы, абруйлы, аҡсалы. Балаларым үҙ аллы тормошта. Бөтә нәмәм бар. Һәм күп кенә матди яҡты (өй, дача, баҡса, машина, ике юғары белем, балаларға фатирҙар) үҙем таптым. Әйтергә кәрәк, миңә әле 54 йәш. Иремдән һуң берәү менән дә йәшәп (сожитель булып) ҡараманым, кейәүгә бер-ике мәртәбә саҡырҙылар, оҡшаманылар. Ни булһа ла, хатта оҙайлы итеп осрашып йөрөгән дә кешем юҡ. Балаларым, туғандарымдың ығы-зығыһы менән йәшәп тик ятам. Сөнки улар ғына белә: мин – эскесе. Ирем үлгәс, башланды аҫтыртын тормош: көндөҙ – эштә, балалар; төндә – шешәләр. Тәүҙә, һаулығым һәйбәт булғас, иҫем дә китмәне, йәнәһе лә, өс шешә һыра менән йөрәгемде дауалайым, арыуҙы баҫам. Бер нисә йылдан һуң балаларым да, туғандарым да күрҙе, белде. Мин инде был ваҡытта араҡыны иртәнсәк эшкә эсеп китер инем, сөнки “бахмур” синдромын башҡа төрлө дауалай ҙа белмәйем. Шулай итеп, һеңлем килеп, бер аҙна эргәмдә йәшәне лә, шапылдатып мине дауаханаға бикләп ҡуйҙы. Һеңлемдән башҡа яныма бер кем дә килмәне, үҙемдең дә берәүҙе лә күргем килмәй ине. Бер айҙан һуң башым тубалдай булып сыҡтым. Былай йәшәп булмағанын аңлап, алйып, ни эшләргә белмәй ҡыялдым. Кемгә һөйләйһең был турала? Эшемдә ҡәҙимге йөрөйөм, ҡайт­ҡас, ҡыйын булыр ине. Ҡалабыҙ ҙур, кеше бер-береһен артыҡ белмәй, ниндәй генә урын биләһәң дә. Аноним алкоголиктар­ҙы табып, шулар менән аралаша башланым. Шулар ярҙамы һәм шулар арҡаһында ғына 10 йыл ауыҙыма тамсы ла ҡапманым...

Ҡарбуз тәме – тел осонда!
Новости / Һаулыҡ һаҡлау // 31-07-2018, 07:00


Ҡарбуз тәме – тел осонда!
Ниһайәт, ҡарбуз да беште! Һәр хәлдә, тиҙҙән Ырымбурҙа ла ҡарбуз өлгөрәсәк, тип, халыҡ Ҡаҙағстандан килтерелгән тәмле дәү еләкте дәррәү алып ашай. Бер ҡараһаң, унда йүнле бер ни ҙә юҡ һымаҡ. Мәҫәлән, витаминдар бер бәс кенә. Минералдар ҙа саҡ-соҡ ҡына. Аҡһымдар тиһәң дә, “әү” тиер – 100 грамм ҡарбузда 0,7 грамм аҡһым буламы-юҡмы! Майҙың иһә бөтөнләй эҙе лә юҡ. Нимәһе ҡала һуң? Шәкәр. Ҡарбузда моносахаридтар һәм дисахаридтар хаттин ашҡан. Бынан тыш, һыуы күп (100 грамм ҡарбузда 89,5 грамм һыу)! Һәм ошо шыр һыуҙан торған шәкәрле еләктең нимәнелер дауалай алыуы шикләндерә әле ул. Ләкин, ҡарбуз дауа көсөнә эйә, тип раҫлаған табиптар бер аҙым да артҡа сигенергә уйламай, үҙ позицияһында ныҡ тора. Улар бармаҡтарын бөгә-бөгә дауалау сифаттарын һанай башлаһа, ҡарбуздың файҙаһына ышанмаҫ ереңдән ышанырһың – ысынлап та, байтаҡ проблеманан ҡотҡара икән буйлы еләк....

Ҡупшы һәм хәүефле, файҙалы ла!
Новости / Һаулыҡ һаҡлау // 28-07-2018, 07:30


Ҡупшы һәм хәүефле, файҙалы ла!
Һүҙ тырҡыш (мухомор) тураһында бара. Был ағыулы бәшмәкте бәләкәй балалар ҙа таный һәм урап үтә. Ә бит псориаз, экзема, һөйәк һәм быуын сире, табан һәм тырнаҡтарҙың бәшмәк ауырыуын, артрит, артроз, остеохондрозды дауалар өсөн унан файҙалы дарыу ҙа эшләргә мөмкин. Тик йыйғанда ағыулы икәнен иҫегеҙҙән сығармағыҙ!...

Бәпкә үләне (ҡош ҡымыҙлығы)
Новости / Һаулыҡ һаҡлау // 25-07-2018, 07:00


Бәпкә үләне  (ҡош ҡымыҙлығы)
Июлдә бик күп дарыу үләнен йыйып киптерәләр. Һәм шуларҙың береһе – бәпкә үләне йәки ҡош ҡымыҙлығы (спорыш, горец птичий). Ул ашҡаҙан-эсәк, бауыр һәм бөйөр ауырыуҙарын, туберкулезды дауалағанда ҡулланыла. Шеште ҡайтарырға ла, бөйөрҙән, үт ҡыуығынан ҡомдо сығарырға ла булышлыҡ итә. Бынан тыш, ауыр металдарҙың тоҙонан арындыра, артрит, артрозды, геморрой­ҙы, яраларҙы, тамаҡ ауыртыуҙы дауалай, ҡан тамырҙарын нығыта, ҡан баҫымын рәтләй, ҡан әйләнешен яҡшырта. Гинекологик сирҙәрҙе дауалағанда ла ул үҙен тик яҡшы яҡтан күрһәтеп өлгөрҙө....

«Ғүмер бер генә, һәр көндөң ҡәҙерен белегеҙ!»
Новости / Һаулыҡ һаҡлау // 22-07-2018, 06:00


«Ғүмер бер генә, һәр көндөң ҡәҙерен белегеҙ!»
Рәсми мәғлүмәттәргә күҙ һалһаң, Рәсәйҙә үлемесле осраҡтар буйынса инсульт икенсе, ә ғәриплек статусы бирелеүе буйынса тәүге урында тора. Йыл һайын яҡынса 450 мең кеше ошо сирҙе кисерә. Сибай үҙәк ҡала дауаханаһының неврология бүлеге мөдире, табип-невролог Наилә ҠОҘАШЕВА раҫлауынса, барыһы ла кешенең үҙ ҡулында. Әгәр ҙә һаулығыбыҙҙы ваҡытында ҡайғыртһаҡ, тыйыл­ғанынан тыйылһаҡ, был зәхмәт ҡағылмаясаҡ, тип ышандыра табип.
Наилә Наил ҡыҙы Хәйбулла районының Ивановка ауылында тыуып үҫкән. Ул ата-әсәһенең юлын һайлап, Башҡорт дәүләт медицина университетында белем ала. 2006 йылда Сибай үҙәк ҡала дауаханаһында хеҙмәт юлын башлай. 2014 йылдан эшенә мөкиббән киткән табип бүлек менән етәкселек итә.
– Наилә Наил ҡыҙы, һеҙҙең бүлеккә башлыса кемдәр килә?
– Беҙҙә инсульт менән ауырыусылар дауалана. Шуны билдәләп үтергә кәрәк, был сир йылдан-йыл йәшәрә, хатта 17 – 18 йәшлек пациенттар ҙа осрай. Шулай уҡ бүлектә эпилепсия, Паркинсон сире менән ауырыу­сыларға ярҙам күрһәтелә. Беҙҙең дауахана Сибай һәм Баймаҡ ҡалалары, Йылайыр, Хәйбулла, Баймаҡ райондары халҡын хеҙмәтләндерә....

Оҙаҡ йәшәүҙең туғыҙ сере
Новости / Һаулыҡ һаҡлау // 20-07-2018, 07:00


Оҙаҡ йәшәүҙең  туғыҙ сере
Ғүмер оҙайлығына килгәндә, уның 30 проценты нәҫелгә бәйле, ә бына ҡалған 70 проценты йәшәү рәүешенән, күнегелгән ғәҙәттәрҙән һәм башҡа тышҡы факторҙарҙан тора.

1. Кәүҙә ауырлығы нормаламы?
Тикшереүҙәр күрһәтеүенсә, янбаш тирәһендәге бер нисә артыҡ килограмдың әллә ни зыяны юҡ. Ә бына май ашҡаҙан тирәһендә туплана икән, йөрәк өйәнәге, гипертония һәм инсульт кеүек сирҙәр менән ауырыу хәүефе көсәйә. Һирәкләп кенә шоколад, бәлеш ашауҙың бер ниндәй ҡурҡынысы ла юҡ, тик сама белергә кәрәк. Шулай уҡ дөрөҫ туҡланмау ҙа – ғүмерҙең ҡыҫҡарыуына йоғонто яһаусы сәбәптәрҙең береһе....

Ниңә йоҡом туймай?
Новости / Һаулыҡ һаҡлау // 18-07-2018, 06:00


Ниңә йоҡом туймай?
«Уф, беләһегеҙме нисек ҡыйын икәнен? Миңә 31 йәш. Кейәүҙә түгелмен. Аптырайым үҙемә. Шул тиклем йоҡосомон. Эшкә аҙнаһына берҙе, хатта икене һуңлайым. Һуңлап килгән һайын етәксенән ғәфү үтенәм, аҙаҡтан кисен ҡалып, кеше ыңғайына эшләмәгән сәғәттәремде тултырам, тип ултырам. Башҡалар ҡайтып бөткәс, эшләге лә килмәй бит әле, етмәһә. Бына тағы аҙна башынан уҡ һуңланым. 30 минутҡа! Етәксем аңлатма яҙырға ҡушты. Яҙҙым инде, йоҡлап ҡалғанмын, тип. Ул миңә хәҙер асыҡ аңлатты: әгәр ҙә тағы бер һуңлаһам, эштән китергә тура киләсәк.
Ни эшләп шулай йоҡосомон икән?”...

Сабыйҙарға ғына түгел, ололарға ла тубыҡланып йөрөү кәрәк
Новости / Һаулыҡ һаҡлау // 17-07-2018, 07:00


Сабыйҙарға ғына түгел,  ололарға ла  тубыҡланып  йөрөү кәрәк
Тубыҡланып йөрөүҙең бер кемгә лә зыяны юҡ, шунлыҡтан уны һәр кемгә тәҡдим итәләр. Хатта тубыҡ быуындары ауыртҡан кешеләр ҙә был ҡытай техникаһын ҡулланып ҡарай ала. Баҡтиһәң, тубыҡтар арҡа, аяҡ, умыртҡа бағанаһы мускулдарының үҙгәреүенән, зәғифләнеүенән ауырта икән. Икенсе төрлө әйткәндә, ауыртыу аҙ хәрәкәтләнеүҙән барлыҡҡа килә.
Тубыҡланып йөрөүҙе ҡытай медицинаһы бик күп ауырыуҙан дауалау ысулы тип иҫәпләй. Ысынлап та, был ысулдың башҡа физик күнекмәләргә ҡарағанда өҫтөнлөгө күп. Уның бауыр һәм бөйөр ауырыуҙарынан да файҙаһы ҙур. Сөнки тубыҡта эске органдарҙың эшмәкәрлеген көйләүсе нөктәләр урынлашҡан.
Күнекмәгә көнөнә 15 – 20 минут ваҡыт бүлеү ҙә етә. Иҙәнгә йомшаҡ юрған түшәйһең дә, тубыҡтарға ғына таянып, ашыҡмай ғына йөрөй­һөң. Тубыҡҡа көс төшкәндә ауыртыу барлыҡҡа килә икән, иң беренсе карауатта йөрөргә мөмкин. Һуңынан аяҡтарҙың мускулдары нығынғас, иҙәнгә лә төшөргә була.
...


Борьба с коррупцией

[/aviable]

  • Аҡ күлдәк (Хикәйә)
  • Үәт, ҡыҙыҡ! (21.09.2018)
  • Министром молодежной политики и спорта Республики Башкортостан назначен Руслан Хабибов
  • Радий Хәбиров бөгөн Башҡортостандың беренсе Президенты Мортаза Рәхимов менән осрашты
  • Үәт, ҡыҙыҡ! (28.09.2018)
  • Тормош – ҡуласа, әйләндереп бер баҫа
  • Үткәндәрҙе ебәрергә өйрәнегеҙ
  • Совет Башҡортостанына бағышланған значок: "Башкирия"
  • Ылау (Хикәйә)
  • Ралина БУРАНҒОЛОВА



  • Радио Юлдаш FM