НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Выборы 2018 Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Тәүге мөхәббәтте нисек оноторға?
Новости / Һаулыҡ һаҡлау // 14-09-2018, 06:30


Тәүге мөхәббәтте нисек  оноторға?
Үҫмер саҡтың иң сихри, татлы, ғазаплы, наҙлы, илерткес бер мәле булып кеше күңелендә тәүге мөхәббәт һаҡлана. Йылдар үтһә лә, яҙмыштар төрлөсә боролоп, әллә нисәмә кеше менән осраштырып-ҡауыштырған хәлдә лә, хәтерҙән юйылмай ошо хистәр. Йырҙа ла: Онотолмай беренсе саф мөхәббәт”, – тип моңланабыҙ бит. Был йырҙа мин һеҙҙең иғтибарығыҙҙы тап “саф” һүҙенә йүнәлтеүегеҙҙе һорар инем. Тап ошо тәүге саф хистәр беҙгә донъяны башҡа төрлө асып бирә: һин үҙеңдән дә ҡәҙерлерәк, кәрәгерәк башҡа кеше барлығын аңлай һәм тоя башлайһың, бөтөнләй ҙә сит кешене юҡһыныу, һағыныу; осрашыуҙан, тәүге ҡосаҡлашыу-наҙланыуҙан баштар әйләнеүе... Кешенең күңеле йыр-моңға, илаһи шатлыҡҡа тула. Кемдер шиғыр яҙа башлай, кемдеңдер башҡа ниндәйҙер шөғөлө асыла – бына ниндәй көскә эйә ул тәүге һөйөү! Беренсе иң көслө, ялҡынлы хистәр – улар күңелдән бер ҡасан да юйылмаясаҡ. Нормала үҫешеп һәм йомғаҡланған мөнәсәбәттәр киләсәктә кешенең йөрәгендә бер илаһи, илерткес, әкиәткә оҡшаш матур мәл булып һаҡлана. Әммә тәүге “мөхәббәттән” мәңге уңалмаҫлыҡ яра алғандар барлығын да оноторға ярамай. Йәш саҡта ни тиклем хистәрҙең ярһыу булыуын иҫәпкә алғанда, был кешеләрҙе лә аңларға булалыр. Тик ошо мәлдә мин былай тип әйтер инем: “Кешем, үткәндәрҙе онотоп булмаһа ла, һис юғында уларға рәхмәт әйтергә онотмайыҡсы... Сөнки, бер нигә ҡарамай, тап ошо хистәр аша ғына беҙгә тормош үҙенең иң беренсе йәшәйеш дәресен бирҙе, үткәрҙе. Беҙ “белемле” булдыҡ: башҡа енес менән аралашырға, уларҙы аңларға, ҡәҙерләргә һәм яратырға, бер шикһеҙ ышанырға; ҡайһылыр мәлдә уларҙан алыҫыраҡ һәм һаҡ булырға өйрәндек. Был хис беҙҙең рухты, күңелде нығытты. Үҙебеҙҙе аңларға ярҙам итте. Рәхмәт!”.
Үткәндәргә рәхмәтле булайыҡсы, дуҫтарым.

Психолог Әлмира ИСХАҠОВА әҙерләне....

Көс өҫтәүсе эсемлектәр
Новости / Һаулыҡ һаҡлау // 10-09-2018, 06:00


Көс өҫтәүсе эсемлектәр
Кәстрүлгә өс өрөк, биш ҡара емеш, өс инжир, бер ҡалаҡ йөҙөм, ике алма, ике лимон киҫәге һалып, өҫтөнә сыҡҡансы һыу ҡойорға һәм 5 – 10 минут ҡайнатырға. Иртәнге аш урынына эсергә мөмкин.

- Бер үк күләмдә бойҙай, һоло, арпа ярмаһы алып, он хәленә килгәнсе иҙергә һәм бер ҡалаҡ онға бер стакан һыу иҫәбенән йылы (ҡайнап һыуына башлаған) һыу ҡойор­ға. Ике сәғәт төнәткәндән һуң, һөҙөп алып, бал ҡушып эсергә. Аҙ ҡанлылыҡтан һәм хәлһеҙлектән ярҙам итә.

- Бер лимонды ҡайнар һыуға һалып, бер-ике минут тоторға һәм ҡабығы менән бергә ит турағыс аша үткәрергә. Бер аҙ аҡ май, бер-ике ҡалаҡ бал ҡушып болғатырға һәм сәйгә ҡушып эсергә.

- 150 г ҡырғыстан үткәрелгән алмаға ярты әфлисун һуты ҡушып бутарға һәм ун таҙартылған сәтләүек ҡушырға. Был бер кешегә бер көн ашарға етә. Баш мейеһен туҡландырыу өсөн файҙаһы ҙур.

- Бер стакан һолоға биш стакан һыу ҡойоп, ҡуйырғансы ҡайнатырға. Һуңынан һөҙөп алып, шул уҡ күләмдә ҡайнаған һөт өҫтәргә һәм һыуытыр­ға. Килеп сыҡҡан массаға 4 – 5 ҡалаҡ бал ҡушып, көнөнә яртышар стакан эсергә....

Компьютер алдында нисек дөрөҫ ултырырға?
Новости / Һаулыҡ һаҡлау // 8-09-2018, 07:00


Компьютер алдында нисек дөрөҫ ултырырға?
Монитор менән күҙ араһы 50 – 70 сантиметрҙан кәм булырға тейеш түгел.
Ике компьютер араһындағы ара 2 м 20 сантиметрҙан кәм булмаһын.
Һәр 10 – 15 минут һайын ҡарашты экрандан алып, тәҙрәнән алыҫ нөктәгә ҡарарға кәрәк.
Юғары синыф уҡыусыларының компьютер алдында ултырған ваҡыты – 2,5 сәғәттән, ә 11 – 13 йәштәгеләр өсөн – 1,5 сәғәт, 8 – 10 йәшлектәр өсөн бер сәғәттән дә артмаһын. Ә 7 – 8 йәштәгеләрҙе компьютер менән таныштырырға ла кәрәкмәй. Уларҙың күреү органдары һәм нервы системаһы әлегә компьютер менән «аралашыуға» әҙер түгел.

Күҙ өсөн махсус
күнегеүҙәр

Тәҙрә аша алыҫтағы бер нөктәгә бер минут дауамында ҡарап торорға, шунан ошо уҡ ваҡытҡа күҙҙе йоморға һәм диаметры 5 мм булған ҡара түңәрәккә ҡарап торорға. Был күнегеүҙе бер нисә тапҡыр ҡабатларға.
...

Ҡайғыны дөрөҫ күтәрә белегеҙ
Новости / Һаулыҡ һаҡлау // 5-09-2018, 07:00


Ҡайғыны дөрөҫ күтәрә белегеҙ
“Таң менән тороп, улымдың йоҡлаған урынына киләм. Юрғанын, яҫтығын һыйпайым – тән йылыһын тойғандай булам. Үҙен тупылдатып тороп һөйгөм килә... Өҫтәл артына ултырғанда ла уның һауыт-һабаһын ҡуям, ҡапыл ғына, сәстәрен елберләтеп, маңлайындағы бөрсөк кенә тирен ялтыратып, йылмайып килеп инер ҙә: “Әсәәәәәәәй, нимә бар ашарға, асыҡтым”, – тиер төҫлө... Уйҙарға уйылып китеп, әҙерләгән ризығымды ла ҡаба алмай, өҫтәл артынан тороп киткән мәлдәрем сикһеҙ күп... Нимәне генә тотһам да, ҡайҙа ғына ҡараһам да – УЛЫМ күренә: тәүге йылмайыуы, көлөүе, ҡолауы, илауы, йылы ҡосағы... Баламды әрләгән саҡтарым иҫкә төшһә, йәнем нисек үртәлгәнен һеҙ белмәйһегеҙ... Бер йылдан ашыу ваҡыт үтте бер бөртөк кенә улымдың был донъянан китеүенә... Мәктәпкә лә барып өлгөрмәне – алған кейемдәре шкафында шул килеш тора. Үҙәгем өҙөлөп, балаҡайымды һағын­ған мәлемдә һеҙгә яҙып ултырам, шул тиклем әсе икән ул бала ҡайғыһы! Күңелемде бер нәмә тынысландыра – ул да булһа доғалар. Ныҡ ғазаплана башлаһам, доғалар уҡыйым, яттан белгәнен ятлайым, белмәгәнен – китаптан уҡыйым. Тыныслыҡты шунда ғына табам. Тәүге осор­ҙағы йән әсенеүе баҫыла төштө. Тик... бер генә секундҡа, бер генә мәлгә генә балаҡайымдың йылы, йомшаҡ сикәләрен һыйпап, үпкем килгән мәлдәремдәге өҙгөләнеүҙәрем.... Йә Хоҙай... Кемдәр күрмәгән – күрһәтмәһен, Аллаһы Тәғәлә һаҡлаһын һеҙҙе бындай ҙа ауыр ғазаптарҙан. Ҡайғыларҙы һәр кем үҙенсә кисерә, үткәрә, аңлайым мин. Тик, йөрәгем берәй ҡасан тынғы табырмы? Әлфинур”....

Йөрәк менән шаярыу – ут менән уйнау
Новости / Һаулыҡ һаҡлау // 2-09-2018, 07:00


Йөрәк менән шаярыу –  ут менән уйнау
Йәйгеһен йөрәк-ҡан тамырҙары системаһы ауырыуҙары менән сирләгән кешеләрҙең күбеһе үҙҙәренең һаулығын ҡайғыртыуҙан туҡтай. Баҡсала эшләп, саф һауала йөрөйөм, шул еткән, тип һанап, кәрәкле дарыуҙарын да ашарға онота, сәғәттәр буйына ҡояш аҫтында ла ҡыҙына. Ә был бик хәүефле. Йөрәк сирлеләр, ҡан баҫымы юғары булған кешеләр табиптар тәғәйенләгән дарыуҙарын көн дә ашарға, эҫенән һаҡланырға тейеш.

- Йөрәк-ҡан тамырҙары системаһы менән проблемалар булғанда йыл әйләнәһенә йәшелсә, еләк-емеш, диңгеҙ продукттары өҫтәлдән өҙөлмәһен.
- Әгәр ҙә диңгеҙ балығы яратҡан аҙыҡтар исемлегенә инмәй икән, D витаминын (Омега-3, капсулалағы балыҡ майы) менюға индерергә кәрәк.
- Көнөнә бер бүлкәт һарымһаҡ йәки бер киҫәк ҡара шоколад ашау ҙа йөрәк өсөн бик файҙалы.
- Сәтләүектәр (айырыуса баҙам) насар холестеринды кәметә.
- Рационда һары майҙы, сырҙы, туңдырманы сикләргә кәңәш ителә.
...

«Виагра» урынына
Новости / Һаулыҡ һаҡлау // 26-08-2018, 07:00


«Виагра» урынына
Техас еләк-емеш һәм йәшелсәләрҙе өйрәнеү үҙәге ғалимдары ҡыҙыҡлы асыш яһаған: баҡтиһәң, ҡарбуз йомшағындағы цитруллин тигән матдә метаболизм процесында аргининға әйләнә лә, ҡан тамырҙарын киңәйтә. Ошо йәһәттән ҡарбуз хатта киң рекламаланған «Виагра» препаратына ҡарағанда ла яҡшыраҡ булып сыҡҡан....

Асуташ-әсеүташ
Новости / Һаулыҡ һаҡлау // 22-08-2018, 06:00


Асуташ-әсеүташ
Тешкә коронка ҡуйҙырғайным, шуның әллә нимәһе килешмәне. Коронка аҫтындағы теш ҡаҙнаһы елһенеп, шешеп китте, эренләгәндәй ҙә кеүек. Ҡалаға барғанда дарыу­хананан метрогил дента һатып алдым. Инде сығыр саҡта витриналағы “Квасцы жженые” тигән яҙыулы ҡап күҙемә эләкте. Фармацевҡа, был препарат таныш кеүек тойоласы, тигәйнем, һуң, элекке, беҙ бала саҡтағы асуташ бит, ти. Һатып алдым шуны ҡыҙыҡ күреп. Элек ни помада кеүек формала ине, әле онтаҡ рәүешле, ҡаптың тышына, тирләүгә ҡаршы ҡулланыла, тип яҙылған.
Ҡайтҡас, теш ҡаҙнаһына гель һөртәм-һөртәм, ярҙамы теймәй. Көндөҙ артыҡ беленмәй, ятһам, һулҡылдап һыҙлай. Аптырағандың көнөнән бер төн уртаһында шул асуташ (әсеүташ) онтағын ауыртҡан ергә ышҡыным. Бермә-бер килеште лә ҡуйҙы, һыҙлауы баҫылып, тынысланып йоҡлап киттем. Ике көндә теш ҡаҙнаһының шешен ҡайтарҙы. Дауаһы ныҡ килеште.
Бынан башҡа ла асуташтың ярҙамы тейҙе. Улымдың арҡаһына һыт­ҡы­лар сығып ҡаңғыртҡайны. Асуташ онтағын сылатып шул һытҡыларға һөртә торғас, баламдың арҡаһы таҙарып ҡалды. Стоматитты ла асуташ менән бөтөрҙөк. Баҡсала бу­лыш­ҡанда быяла ярсығына бармаҡты ҡырҡҡайным, йәһәт кенә яраны йыуып, асуташ онтағы һиптем – бик тиҙ төҙәлде. Тура тәғәйенләнешендә лә файҙаланабыҙ: ҡултыҡ аҫтын, табанды онтаҡ менән ыуалағанда, артыҡ тирләп йонсомайһың. Бәлки, минең кәңәш берәйһенә ярар, асуташ тағы кемгәлер килешер. Хаҡы ҡиммәт түгел, ә файҙаһы бик ҙур.

Гөлназ БАЙСАРИНА.
Учалы районы.

...

Организм нимә хаҡында иҫкәртә?
Новости / Һаулыҡ һаҡлау // 20-08-2018, 13:00


Организм нимә хаҡында иҫкәртә?
Табиптар, организмдағы үҙгәрештәр юҡтан ғына булмай, тип бара. Тимәк, һаулыҡ менән ниндәйҙер проблема бар. Әйтеп тораһы ла түгел, арабыҙҙа даими рәүештә медицина тикшереүе үтеп тороу­сылар бармаҡ менән генә һанарлыҡ. Исмаһам, организм ебәргән сигналдарға ҡолаҡ һалырға өйрәнәйек. Улар беҙҙе теге йәки был органдың сәләмәтлеге ҡаҡшауы хаҡында иҫкәртә....

Атлау көсө
Новости / Һаулыҡ һаҡлау // 17-08-2018, 06:30


Атлау көсө
Тол ҡалғас, төшөнкөлөккә бирелдем. Балалар үҫеп таралышҡайны, яңғыҙлыҡ үҙәккә үтте, ҡулға эш барманы. Ҡайғы артынса сирҙәр ҙә оҙаҡ көттөрмәне. Хәлһеҙлек, йоҡоһоҙлоҡ йонсотто, аяҡтар ҡалтырап, баш әйләнеп ыҙаландым. Укол алған булам да, уныһының файҙаһы оҙаҡҡа етмәй. Бер көн оло йәштәге уҡытыусыларҙың кис һайын саңғы таяҡтары тотоп атлап йөрөүенә иғтибар иттем. Ҡыҙығып, күрше ҡатындарға, әйҙә, беҙ ҙә шулай йөрөйөк, тигәйнем, риза булдылар. Өсәүләп шулай көн һайын йөрөргә сыға башланыҡ. Таяҡһыҙ ғына булһа ла. Бер-ике аҙнанан ике күрше лә йөрөүҙе ташланы: береһе мәшәҡәттәр­ҙең күплегенә зарланды, икенсеһе, барыбер файҙаһы юҡ, тине. Ә мин, бер нәмәгә ҡарамаҫтан, кис һайын йөрөнөм дә йөрөнөм. Шәп-шәп атлап сығып китәм дә, яй атлауға күсәм, шунан тағы шәбәйгән булам. Файҙаһы бер ай тигәндә беленде: йоҡом рәтләнде, аяҡтарым нығынды, баш ауыртыуы күпкә кәмене, кәйефем күтәрелде. Бынан тыш, хәҙер иртән торғас та ике сынаяҡ һыу эсәм. Бының да файҙаһы бар. Һаулыҡты өлкәнәйгәс тә нығытып була, үҙеңә тотоноу ғына көс икән.
Мәүлиә Р.
Әбйәлил районы....

Бәшмәк йыйыу осоро етә Нисек ағыуланмаҫҡа?
Новости / Һаулыҡ һаҡлау // 15-08-2018, 07:00


Бәшмәк йыйыу осоро етә Нисек ағыуланмаҫҡа?
Йәй аҙағы-көҙ башы – бәшмәк йыйыу осоро. Арабыҙҙа тәжрибәле бәшмәкселәр күп. Улар һәр эшләпәле аҙыҡты үҙенең биш бармағындай яҡшы белә. Ләкин уҫаҡ бәшмәген ағыулы бәшмәктән айырмаусылар ҙа бар бит әле. Шулай уҡ үҙҙәрен тәжрибәле бәшмәксе һанаусылар ҙа яңылыштан ағыуланып ҡуйыуы ихтимал.
Бәшмәк – ит, май, еләк-емеш хатта дарыу­ҙы ла алмаштыра алған берҙән-бер тәбиғи аҙыҡ. Был фәнни раҫланған.
Тикшеренеүҙәр күрһәтеүенсә, бәшмәк ашарға яратҡан кешеләрҙең ғүмере оҙоная һәм төрлө ауырыуҙарға – диабетҡа, аллергияға, ревматизмға, яман шешкә лә ҡаршы тороу көсө арта....


Борьба с коррупцией

[/aviable]

  • Аҡ күлдәк (Хикәйә)
  • Үәт, ҡыҙыҡ! (21.09.2018)
  • Министром молодежной политики и спорта Республики Башкортостан назначен Руслан Хабибов
  • Радий Хәбиров бөгөн Башҡортостандың беренсе Президенты Мортаза Рәхимов менән осрашты
  • Үәт, ҡыҙыҡ! (28.09.2018)
  • Тормош – ҡуласа, әйләндереп бер баҫа
  • Үткәндәрҙе ебәрергә өйрәнегеҙ
  • Совет Башҡортостанына бағышланған значок: "Башкирия"
  • Ылау (Хикәйә)
  • Ралина БУРАНҒОЛОВА



  • Радио Юлдаш FM