НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » » Күңел тыныслығы – иң мөһиме

Күңел тыныслығы – иң мөһиме


Бөтә ауырыуҙар – нервынан, тиҙәр. Быға берәү ҙә шикләнмәй. Әммә бөгөнгө тормош кешегә күп стресс, проблема, ығы-зығы килтерә. Улар йыйыла барып, кешене эстән кимерә, һөҙөмтәлә ул ҡаты ауырыу­ҙарға дусар була. Шуға күңел торошона ваҡытында иғтибар биреү мотлаҡ. Юҡ-барға көйәләнһәгеҙ, үҙ-үҙегеҙҙе ҡулға ала алмаһағыҙ, түбәндәге ысулдар­ҙы ҡулланығыҙ.

Ике-өс картуфты яҡшылап йыуығыҙ, ҡабығын әрсемәй генә бешерегеҙ. Шунан картуф бешкән һыуҙы һыуытығыҙ. Көнөнә өс тапҡыр ашар алдынан ярты стаканлап эсегеҙ. Был сара гипертониктарға ла килешә, йөрәккә лә яҡшы йоғонто яһай.

Йоҡоһоҙлоҡ, ҡурҡыу хисе булғанда тынысландырыусы сәйҙәр яҡшы ярҙам итә. Мәҫәлән, бер семтем кипкән боланут үләнен бер стакан ҡайнар һыуҙа ун биш минут төнәтергә, шунан бер балғалаҡ бал ҡушырға ла бәләкәй генә йотомдар менән эсергә.

Тағы ла бер рецепт бар – төнгөлөккә термоста тигеҙ миҡдарҙа ҡарағат япрағы, бесәй ҡойроғо үләне һәм гөлйемеш емешен төнәтергә. Бындай сәйҙе балаларға ла эсерергә мөмкин.

Хужабикәләргә яҡшы таныш булған лавр япрағы аш тәмләткесе генә түгел, тынысландырыусы ла. Ул көслө антидепрессант булараҡ билдәле. Йоҡо бүлмәһенә, баш өҫтөнә лавр ботағын элеп ҡуйығыҙ. Уның хуш еҫе тәрән йоҡоға талдырыр.

Әгәр ҙә бер сәбәпһеҙгә ҡурҡыу, борсолоу хисе солғап алһа, тын алыу гим­нас­тикаһы яҡшы яр­ҙам итә. Иң алда тәҙрәне асығыҙ, шунан иҙәнгә төрөксә ултырығыҙ. Күҙегеҙҙе йомоғоҙ. Танауығыҙҙың һул тишеген ҡаплағыҙ ҙа, тәрән итеп тын алығыҙ (эсегеҙгә һауа тулғанын тойоғоҙ). Эстән генә һигеҙгә тиклем һанағыҙ. Шунан уң танау тишеген ҡаплағыҙ ҙа, һул танау тишегенән һауаны сығарығыҙ. Ә хәҙер һул танау тишегенән тын алығыҙ, тағы ла һигеҙгә тиклем һанағыҙ һәм, һул танау тишеген ҡаплап, уң яғынан сығарығыҙ. Танау тишектәрен алмаш-тилмәш ҡаплап, күнегеүҙе 8 – 10 тапҡыр ҡабатларға.

Невроздан яфаланғандарға күберәк емеш-еләк, йәшелсә ашарға кәрәк. Майлы, әсе, тоҙло ризыҡтан, консерванттарҙан, һимеҙ иттән баш тартығыҙ. Көндәлек режимды үтәргә, тик яҡшы нәмәләр тураһында уйларға, саф һауала күберәк йөрөргә кәңәш ителә.

Сығыу ваҡыты 26-04-2013, 12:04 | Ҡаранылар: 572
|
  • Иммунитетты нығытыу өсөн
  • Ҡыҙҙырма ла, бәлеш тә
  • Йәшел һуған бәлеше
  • Халыҡ дауаһы
  • Киҙеүгә нисек бирешмәҫкә?
  • Информация

    Комментировать статьи на сайте возможно только в течении 4 дней со дня публикации.


  • Егерме йыллыҡ хыял
  • Үәт, ҡыҙыҡ! (22.09.2017)
  • “Минең дә улым булыр ине...”
  • Беҙҙең өсөн уңайлы Указды дөрөҫ файҙаланайыҡ
  • Йондоҙнамә (25 сентябрь – 1 октябрь)
  • Еҙем-Ҡарандарға оят!
  • "Йәшлек" гәзите яңылыҡтарын "Телеграм" аша алығыҙ!
  • Ҡөрьән ашы тәртиптәре
  • Маринадланған кәбеҫтә
  • “Умырзая”, “Рамаҙан”, “Дәүер”, “Әкиәт” – барыһы ла Учалыныҡы!



  • Радио Юлдаш FM