НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » » Дауалауҙа яңы алымдар

Дауалауҙа яңы алымдар


Башҡортостан медиктары юғары технологиялы медицинаның яңы төрҙәрен уңышлы үҙләштерә. Ошо көндәрҙә генә Рәсәй Медик-биологик агентлығы оториноларингология ғилми-клиник үҙәгенең Өфө филиалында юғары технологиялы медицина ярҙамы талап ителгән пациентҡа үҙенсәлекле операция яһалды. Операция Мәскәүҙән килгән белгестәр етәкселегендә Ҡыуатов исемендәге республика клиник дауаханаһында эшләнде.
Рәсәй медик-биологик агентлығы ғилми-клиник үҙәгенең Өфө филиалы табиптары операцияны биш миллион һумдан ашыу торған СО2 технологияһы нигеҙендә эшләнгән лазер ҡорамалы ярҙамында башҡарҙы. Ул иң заманса һәм иң һөҙөмтәле ҡорамалдарҙың береһе һанала. Ҡорамалдың төп үҙенсәлеге шул: операция көпшә аша индерелгән лазер нуры ярҙамында эшләнгәнгә күрә ауырыу ике аҙнала тулыһынса һауығып, аяҡҡа баҫа. Мәскәү белгестәре билдәләүенсә, беҙҙә ошондай юғары технологиялы медицина ярҙамы талап ителгән операциялар яһай алырлыҡ белгестәр етерлек. Филиалдың Өфөлә урынлашыуы ла Башҡортостанда ныҡлы база булыуға бәйле.
Әлеге операцияның хаҡы 90 мең һум. Әммә ул федераль бюджет иҫәбенә бушлай башҡарыла. Тимәк, ҡурылдай стенозы, тауыш ярылары фалижы һәм ҡурылдай шеше кеүек патологик сирҙәрҙән интегеүселәр бынан ары, Мәскәү, Санкт-Петербург юлын онотоп, үҙебеҙҙә дауаланасаҡ. Белгестәр билдәләүенсә, республикабыҙҙа ярҙам­ға мохтаждар байтаҡ. Быйыл, мәҫәлән, юғары технологиялы медицина ярҙамы күрһәтеүгә бөтәһе 369 квота бүленгән, шуның һигеҙ тиҫтәһе республикабыҙ халҡы өсөн тәғәйенләнгән. Әйткәндәй, әлеге филиал базаһында хеҙмәткәрҙәрҙең белемен камиллаштырыу, ғилми эш алып барыу ҙа мөмкин буласаҡ. ЛОР-клиника белгестәре кохлеар имплантация буйынса Рәсәй клиникаларында һәм Австрия, Германия, Дания илдәрендә стажировка үтә.

Сығыу ваҡыты 1-02-2011, 11:05 | Ҡаранылар: 1841
|
  • Бушлай күренергә мөмкин
  • Ҡоймаҡтан ауыҙ ит һәм баланы ҡотҡар!
  • Табиптар яҡшыға өмөтләнә
  • Милиция һаулыҡ һағында
  • Бәхет осҡондары ҡабынды!
  • Информация

    Комментировать статьи на сайте возможно только в течении 4 дней со дня публикации.


  • Егерме йыллыҡ хыял
  • Үәт, ҡыҙыҡ! (22.09.2017)
  • “Минең дә улым булыр ине...”
  • Беҙҙең өсөн уңайлы Указды дөрөҫ файҙаланайыҡ
  • Йондоҙнамә (25 сентябрь – 1 октябрь)
  • Еҙем-Ҡарандарға оят!
  • "Йәшлек" гәзите яңылыҡтарын "Телеграм" аша алығыҙ!
  • Ҡөрьән ашы тәртиптәре
  • Маринадланған кәбеҫтә
  • “Умырзая”, “Рамаҙан”, “Дәүер”, “Әкиәт” – барыһы ла Учалыныҡы!



  • Радио Юлдаш FM