НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » » Алтынсы «Гагарин»ға һунар ҡыҙыу булмаҡсы

Алтынсы «Гагарин»ға һунар ҡыҙыу булмаҡсы


Алтынсы «Гагарин»ға һунар ҡыҙыу булмаҡсыйәки КХЛ беренселегенең 16 көслө командаһы төп кубок өсөн плей-офф уйындарын башланы
Шулай итеп, хоккей буйынса КХЛ беренселегенең сираттағы алтынсы даими бәйгеһе тамамланды. Уның еңеүсеһе булып ике йыл рәттән Гагарин кубогын яулаусы Мәс­кәүҙең «Динамо» командаһы танылды.
Ғөмүмән, быйылғы чемпионат сюрприздарға ла бай булды. Уҙған миҙгелдәге төп бәйгенең финалсыһы – Силә­бенең «Трактор» командаһы быйыл хатта плей-оффҡа ла сыға алманы. Шулай уҡ миҙгел һайын Гагарин кубогы өсөн көрәшеүсе Омскиҙың «Авангард» клубы ла быйыл төп бәйгене ситтән күҙәтәсәк. «Нефтехимик», «Атлант», «Северсталь» кеүек көслө генә командалар ҙа үҙ маҡсатына ирешә алмай, күңелен өмөт кубогы бәйгеһендә йыуа­тасаҡ. Ә бына КХЛ дебютанты – Хорва­тияның «Медвешчак» һәм Владивос­токтың «Адмирал» уйынсылары тәүге миҙгелдән үк «тешләшмәксе». Екате­ринбургтың «Автомобилист» клубы ла, ниһайәт, үҙен көслөләр араһында һынаясаҡ. Ике конференцияның 8-әр көслө командаһы, үҙ-ара парҙарға бүленеп, Гагарин кубогына һунар башланы. Көнсығыш конференцияһында сығыш яһаған «Салауат Юлаев» хоккейсылары, һуңғы осрашыуҙа «Витязь» клубын 3:2 иҫәбенә еңеп, дүртенсе урынға сығыу­ға өлгәште. Был өфөләргә плей-оффтың тәүге уйынын үҙ майҙанында башлау мөмкинлеге бирҙе. Хәҙер юлаевсылар тәүге стадияла буласаҡ дәғүәсеһе – Түбәнге Новгородтың «Торпедо» уйынсылары менән тәүге ике осрашыуын 8, 9 мартта үҙ майҙанында үткәрәсәк. «Торпедо» тигәндән, әлегә КХЛ-да әллә ни уңыш ҡаҙанғаны юҡ. Бер мәл плей-оффтың сирекфиналына барып етһә лә, ары үтә алмай. Шулай итеп, ике Конференцияның парҙары ошолай бүленде:

Көнсығыш конференцияһы:

«Металлург» (Магнитогорск) – «Адмирал» (Владивосток)
«Барыҫ» (Астана) – «Автомобилист» (Екатеринбург)
«Аҡ барс» (Ҡазан) – «Себер» (Новосибирск)
«Салауат Юлаев» (Өфө) – «Торпедо» (Түбәнге Новгород)

Көнбайыш конференцияһы:

«Динамо» (Мәскәү) – «Локомотив» (Ярославль)
СКА (Санкт-Петербург) – ЦСКА (Мәскәү)
«Лев» (Прага) – «Медвешчак» (Загреб)
«Донбасс» (Донецк) – «Динамо» (Рига)

«Торос» менән «Толпар» плей-оффты уңышлы башланы

Ике миҙгел рәттән Братина кубогын яулаусы Нефтекаманың «Торос» хоккейсылары 1/8 финал бәйгеһен Красноярскиҙың «Сокол»ы менән башланы. Плей-оффтың тәүге ике уйынын «Торос» үҙендә үткәрҙе. Башта «Сокол» командаһын 4:0 иҫәбенә еңһә, икенсеһендә 3:2 иҫәбенә өҫтөнлөк итеп, алға сыҡты. Өсөнсө уйында ла «Торос», ҡунаҡта «Сокол»ды 2:0 иҫәбенә отто. Шулай уҡ Йәштәр лигаһында ла хәл иткес осрашыуҙар башланды. «Толпар» уйынсылары ла 1/16 финал уйындарын үҙ майҙанында уҙғарҙы. Улар Екате­ринбургтың «Авто» үҫмерҙәре менән сәкәләште. Тәүгеһендә хужалар тик өҫтәмә ваҡытта ҡунаҡтарҙы 7:6 иҫәбенә отһа, икенсеһендә 2:1 иҫәбенә еңде.

Сығыу ваҡыты 7-03-2014, 03:48 | Ҡаранылар: 675
|
  • «Барыҫ» Гагарин кубогына табан бер аҙым яһаны
  • батырыусылары эргәлә генә тора...
  • Мин – һиңә, һин – миңә...
  • ҙур спорт тирәләй
  • Хоккей буйынса КХЛ беренселегенең «Салауат Юлаев» командаһы ҡатнашлығында 2013/2014 миҙгел уйындары календары
  • Информация

    Комментировать статьи на сайте возможно только в течении 4 дней со дня публикации.


  • Исемең матур, кемдәр ҡушҡан, Һине күреп кем туйған…
  • Дилә ИШБАЕВА.
  • “Кеше үлемендә минең дә ғәйебем бар...”
  • Ҡалған ризыҡты нимә эшләтергә?
  • Үҙҙәре «һауын»ға әйләнеп бара...
  • Үәт, ҡыҙыҡ! (3.11.2017)
  • Донъяһына күрә түрәһе
  • Ләйсән Ҡаразбаева хәбәр итә:
  • Бала тәрбиәләүсе ғаиләләр өсөн ташламалар һәм пособиелар
  • Кешегә исем бүләк итәләр



  • Радио Юлдаш FM