22.11.2013 Яланда һуғышсы берәү ҙә була ала икән…

Киләһе йылда Брази­лияла үтәсәк футбол буйынса донъя чемпионатына барасаҡ командаларҙың бөтәһе лә билдәле булды. һуңғы булып урынды Мексика менән Уругвай командалары алды. Ә инде быға тиклем беҙҙең төркөмдә икенсе урын алған Португалия уйынсылары Роналду арҡаһында Шве­цияны ике уйында еңеп, Бразилияға барыу хоҡуғын алды. Һөҙөмтә: Порту­галия файҙаһына – 1:0, 3:2. Дүрт голдың да авторы – Роналду. Украина футболсылары ике тупҡа булған өҫтөнлөгөн Францияла юғалтып, чемпионатҡа барыу­ҙан мәхрүм ҡалды. Өсөнсө бәхет­һеҙ тупты украиндар үҙ ҡапҡаһына үҙе индерҙе. Шулай уҡ Хорватия менән Греция командалары ла чемпионатҡа барасаҡ.
Шулай итеп, Бразилияға путевканы Англия, Бельгия, Босния һәм Герце­говина, Германия, Греция, Голландия, Испания, Италия, Рәсәй, Хорватия, Швейцария, Португалия, Франция, Аргентина, Бразилия, Колумбия, Чили, Эквадор, Алжир, Уругвай, Гана, Камерун, Кот-Д'ивуар, Нигерия, Иран, Көньяҡ Корея, Япония, Австралия, АҠШ, Гондурас, Коста-Рика, Мексика командалары яуланы.
Төркөмдәргә бүлеү йәрәбәһе 6 де­кабрҙә үтәсәк. Рәсәй уйынсылары Голландия, Италия, Англия, Португалия, Греция, Босния һәм Герце­говина, Хорватия менән икенсе кәрзингә эләкте, тимәк, улар бер нисек тә үҙ-ара бер төркөмдә уйнамаясаҡ.