17.09.2011 Икеһенә бер мәрәй
Футбол буйынса Чемпиондар лигаһы төркөмдәренең тәүге осрашыуҙары уҙҙы.
Унда Рәсәй клубтарынан «Зенит» менән ЦСКА командалары ҡатнаша. Тәүгеһе «G» төркөмөндә Кипрҙың АПОЭЛ футболсылары менән уның майҙанында уйнап, хужаларға 2:1 иҫәбенә отолдо. Шундай уҡ яҙмыш ЦСКА-ны ла көтә ине. Әммә осрашыу барышында Францияның «Лилль» командаһына 2 : 0 иҫәбенә еңелә килеп, улар уйынды төп ваҡыттың һуңғы минутында ҡотҡарып ҡалды. Иҫәп – 2:2. Голдарҙың икеһен дә ЦСКА легионеры Сейду Думбья индерҙе.
* * *
Европа лигаһында ҡатнашҡан «Локомотив» менән «Рубин», көйәрмәндәрен ҡыуандырып, дәғүәселәренән көслөрәк булып сыҡты. ҡаҙан футболсылары Ирландияла урындағы «Шэмрок Роверс» клубын 3:0 иҫәбенә еңеп, үҙ төркөмөндә беренсе урынға сыҡты. Шулай уҡ «Локомотив» та ҡунаҡта Австрияның «Штурм» командаһын 2:1 иҫәбенә отто. Ул да лидерҙар рәтендә.
Оҡшаш яңылыҡтар
