НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Выборы 2018 Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

«Салауат Юлаев» – алтынсы
Новости / Спорт // 12-11-2018, 10:10


«Салауат Юлаев» – алтынсы
«Салауат Юлаев» командаһы өс уйын рәттән еңелгәндән һуң, ниһайәт, ике мәрәйле булды.
Ул сираттағы турҙа «Нефтехимик» хоккейсыларын көскә 3:2 иҫәбенә еңде. Хәҙер беҙҙең команда, 26 уйындан һуң 33 мәрәй яулап, Көнсығыш конференцияһында алтынсы.
Киләһе уйынын беҙҙекеләр 16 ноябрҙә «Адмирал» клубы менән уҙғарасаҡ....

Сәкәнһеҙ еңеү...
Новости / Спорт // 26-10-2018, 14:47


Сәкәнһеҙ еңеү...
йәки «Салауат Юлаев» командаһы баш менән гол индереп еңеү яулай

Ситтәге уңышһыҙ сәфәренән һуң «Салауат Юлаев» хоккейсылары үҙендәге осрашыуын Көнсығыш конференцияһы лидеры – «Авангард» командаһы менән уҙғар­ғайны.
Ике яҡ команда ла 60 минут буйы ҡапҡаға юл эҙләп, уны тик өҫтәмә ваҡытта ғына тапты. Уға ҡунаҡтар иреште. Шулай ҙа беренсе булып Омск өлкәһе клубы ҡапҡаһына юлды хужалар таба. Тик хөкөм итеүселәр голдың дөрөҫ инмәүен иҫбатлап, уңышты юҡҡа сығара.
Ике көндән өфөләрҙе һынарға СКА уйынсылары килде. Улар ҙа элек-электән КХЛ-дың «иң-иң»дәренән һанала. Быға тиклем юлаевсылар улар менән бер осрашыу үткәреп, Нева яры уйынсыларын 4:1 иҫәбенә отоп ҡайтҡайны. Был юлы Питер клубы, үс итеп, хужаларҙы пыран-заран килтерер тип уйлаһаҡ, юҡ, килеп сыҡманы. Иҫәп 1:1 булып, еңеүсе төп ваҡытта асыҡланмаҫ тиһәк, Теему Хартикайнен, футболдағыса, баш менән булһа ла өфөләргә еңеү килтерә. Линус Умарктың ҡапҡа яғына сойорғотҡан шайбаһы тегеләрҙең ҡапҡасыһынан ҡаҡлығып, фин легионерының башына һуғыла һәм ҡапҡаға инеп оялай... Шулай итеп, «Салауат Юлаев» командаһы СКА-ны икенсегә еңеп, абруйын арттыра төштө. Хәҙер улар 28 мәрәйе менән Көнсығышта өсөнсө килгән «Аҡ барс»тан ике генә мәрәйгә ҡалыша.
Бөгөн беҙҙекеләр «Витязь» уйынсыларын ҡабул итә....

«Себер» – антирекорд, СКА рекорд ҡуя
Новости / Спорт // 3-10-2018, 07:00


«Себер» – антирекорд, СКА рекорд ҡуя
«Себер» хоккейсылары 11 осрашыу рәттән еңелеп, КХЛ беренселегендә антирекорд ҡуйҙы. Быға тиклем «Витязь» клубы бер йыл ошо уҡ хәлгә ҡалһа ла, тик улар өҫтәмә йә буллит серияһында еңелеп мәрәйле булғайны.
Новосибирск уйынсылары миҙгел барышында баш тренерын алмаштырып та, ҡумтаһына һаман бер мәрәй ҙә һала алмай йонсой. Ә бына СКА командаһы ҡапҡаһын 297 минут 37 секунд «ҡоро» килеш ҡалдырып, КХЛ рекордын яңырта. Уҙған миҙгелдә ЦСКА ҡапҡасылары 280 минутҡа тиклем ҡапҡаһына гол үткәртмәгәйне. Шулай ҙа ул йәһәттән «Лада»ға етеүселәр юҡ әле. Улар КХЛ-ға тиклем Рәсәй чемпионатының 2003/04 миҙгелендә ҡапҡаһын 306 минут буйы «ҡоро» тота. «Салауат Юлаев» командаһы ла быйылғы миҙгелдә бер уйында ҡапҡаһы артын ҡыҙыл утһыҙ уҙғарҙы. Улар Силәбелә «Трактор»ҙы 5:0 иҫәбенә отто. Унан һуң «Динамо» (Минск) клубын да 3:1 иҫәбенә еңеп, ситтәге осрашыуҙарын уңышлы башланы. Бөгөн улар «Витязь» командаһына һынау тота.
Әлегә юлаевсылар, 17 мәрәй яулап, Көнсығыш конференцияһында өсөнсө. Юғарыла – һаман да еңелеү белмәҫ «Автомобилист» (20 мәрәй). «Авангард» (18 мәрәй) – өсөнсө. Көнбайышта СКА менән «Йокерит» алдынғылыҡты бирмәй. Уларҙың иҫәбендә 16-ар мәрәй.
...

«Себер»ҙе «Салауат Юлаев» та йәлләмәне...
Новости / Спорт // 24-09-2018, 14:33


«Себер»ҙе «Салауат Юлаев»  та йәлләмәне...
«Салауат Юлаев» командаһы үҙ майҙанындағы өсөнсө осрашыуын «Себер» уйынсылары менән уҙ­ғарҙы.
Новосибирск клубы өфөләр менән осрашыу алдынан ете уйындан бер мәрәй ҙә яулай алмай, КХЛ-да мәрәйһеҙ берҙән-бер команда булып ҡалыуын дауам итә ине. Һәм был юлы ла көйәрмәндәрен ҡыуандыра алманы. Юлаев­сылар ике уйын рәттән дәғүәселәренә бирелгәндән һуң әлегеһен 3:1 иҫәбенә алдыр­ҙы....

«Салауат Юлаев» еңеүҙән башланы
Новости / Спорт // 19-09-2018, 06:30


«Салауат Юлаев» еңеүҙән башланы
«Салауат Юлаев» хоккейсылары ситтәге дүрт осрашыуҙа өс еңеү яулап, ҡәҙимге генә уңышҡа өлгәште.
Бигерәк тә һүңғы уйында Кубокка йыл да төп фаворит булып һаналған СКА командаһын 4:1 иҫәбенә отоп, үҙәк белгестәр әйтеүенсә, сенсация яһаны. Бәлки шулайҙыр ҙа, сөнки Питер клубы үҙ майҙанында бик һирәк бирелә. Беҙҙең юлаевсылар ҙа улар менән булған быға тиклем һуңғы дүрт бәйгелә дүрт тапҡыр ҙур иҫәп менән еңелә. Уларҙың 2007 йылдан алып үҙ-ара уйнаған 20 осрашыу һөҙөмтәһенә туҡталғанда, 11-ндә еңеү өфөләр яғында була. Ә бына үҙ майҙанында СКА «Салауат Юлаев» командаһына 2013 йылдан алып отолғаны булмай.
Юлаевсылар Ярославлдә лә уңышлы старт ала. Беренсе осорҙа «Локомотив»ты 2:0 иҫәбенә алдыра килеп, һуңғы ике осорҙа ҡапҡаһына дүрт яуапһыҙ шайба үткәртеп хужалар­ға бирелә....

Ҡурҡынысһыҙ ҡурҡыныс команда...
Новости / Спорт // 7-09-2018, 10:29


Ҡурҡынысһыҙ ҡурҡыныс команда...
йәки «Салауат Юлаев» хоккейсылары миҙгел һайын тиерлек үҙенең тотороҡһоҙ сығышы менән күптәрҙе һағайта

Быйылдан КХЛ беренселегендә мәрәй иҫәпләү ҡағиҙәһе үҙгәреп, еңеүсе команда төп ваҡытта, өҫтәмә һәм буллит серияһында булһынмы – ике мәрәйле булһа, отолоу­сыға элеккесә бер мәрәй иҫәпләнәсәк. Был, әлбиттә, турнир таблицаһындағы көсөргәнешлекте арттырасаҡ. Сөнки элек өс мәрәй яулаусылар алға китеп, арттағыларға ҡыуып етеү өсөн ҡыйынлыҡтар тыуҙыра ине. әле үк турнир таблицаһына күҙ һалһаң, үҙгәреш күҙгә ташлана....

Исемдең баһаһы төшмәнеме икән?..
Новости / Спорт // 4-08-2018, 06:30


Исемдең баһаһы төшмәнеме икән?..
Яңыраҡ Рәсәй йыйылма командаһы футболсыларына донъя чемпионатында уңышлы сығыштары өсөн дәүләт наградалары тапшырылды.
Мундиалдә һигеҙенсе урын алыу уңайынан уларҙың һәр береһенә «Атҡаҙанған спорт мастеры» исеме бирелде. Ә бит һигеҙ уйынсы беренселек буйына бер ҙә яланға сыҡмай, башҡалар рәтендә исемгә лайыҡ булды. Ошоға бәйле, күптәр үҙ фекерен белдереп, бының менән килешмәне. Йәнәһе, һигеҙенсе урын яулағандарҙы бер ҡасан да бындай юғары награда менән баһалағандары булмай. Сөнки был исем менән Олимпия уйындарында, донъя һәм Европа чемпионаттарында үрҙәр яулаған һәм ҡайһы бер айырым батырлыҡ күрһәткән спортсылар билдәләнә. Ә улар, үрҙә яҙылғанса, был критерийға бөтөнләй тура килмәй. Волейбол буйынса Олимпия уйындары призеры, ике тапҡыр донъя чемпионы Екатерина Гамова, футболсыларҙы тәнҡитләп, уларҙы ошолай баһалау исемдең бәҫен төшөрөүгә тиң, тине. Уның менән килешеп, башҡалар ҙа үҙ фекерен белдерҙе. Олимпия уйындары чемпионы, волейболсы Дмитрий Мусэрский ҙа, юғары исемдең бер ниндәй ҙә әһәмиәте ҡалманы, тине. Гамованы яҡлап, биатлон буйынса дүрт тапҡыр Олимпия уйындары чемпионы Александр Тихонов, конькиҙа фигуралы шыуыу буйынса данлыҡлы тренер Татьяна Тарасова, ике тапҡыр Олимпия уйындары чемпионы Максим Траньков, билдәле футболсы Олег Мостовой, Андрей Канчельскис, Евгений Алдонин һәм башҡалар сыҡты.
Әлбиттә, уларҙы аңларға була. Сөнки спортсыларҙың барыһы ла хуплауға лайыҡ. Тик футбол буйынса беҙ күптән бындай уңышты күргәнебеҙ булманы. Күрербеҙ, тип тә уйламаныҡ. Һәм шуның өсөн дә улар ҙур батырлыҡ күрһәткәндәй тойолдо. Ә улар, ысынлап та, сенсация яһаны, шуға ла Хөкүмәт ошо исем менән баһаларға булғандыр. Тик бына ҡатнашмағандарҙы бүләкләмәһәләр ҙә булыр ине, сөнки юғары исемгә лайыҡ булмауын үҙҙәре лә аңлар ине, моғайын…
...

Мундиаль ашнаҡсыһы Нариман
Новости / Спорт // 2-08-2018, 07:00


Мундиаль ашнаҡсыһы Нариман
Башҡорт дәүләт аграр университеты студенты Нариман Хөснуллин футбол буйынса донъя чемпионатында ашнаҡсы булып эшләгән

Рәсәйҙә тәү тапҡыр уҙғарылған футбол буйынса донъя чемпионаты илебеҙҙәге иң төп спорт байрамдарының береһе булып тарихҡа инде. Был сара көйәрмәндәр өсөн сирек финалға тиклем етеү, ә ҡайһы берәүҙәр өсөн онотолмаҫлыҡ хеҙмәт практикаһы булып иҫтә ҡаласаҡ....

Һынатманы беҙҙең егеттәр!
Новости / Спорт // 24-07-2018, 07:00


Һынатманы беҙҙең егеттәр!
9-сы Бөтә Рәсәй ауыл уйындарында Башҡортостандан алты көрәшсе чемпион исемен яуланы

Ҡурған өлкәһенең Әлмән ауылында үткән был сарала 30 меңгә яҡын кеше ҡатнашты. Байрамға шулай уҡ Татарстан Президенты Рөстәм Миңлеханов менән Ҡурған өлкәһе губернаторы Андрей Кокорин, БР Дәүләт Йыйылышы – Ҡоролтай Рәйесе урынбаҫары Йомабикә Ильясова ла килгәйне.
Ат сабышы, бағанаға үрмәләү, йүгереү, тоҡ менән һуғышыу, һикереү, таш ырғытыу, ҡул көрәше кеүек спорт ярыштары, Башҡортостан һәм Татарстан артистары ҡатнашлығында ҙур концерт, милли үҙенсәлектәрҙе, халыҡ йәшәйешен сағылдырған тирмәләр ҡаласығы – быларҙың барыһы ла тамашасы­лар­ҙың күңелен күтәрҙе. Байрам яҡшы кәйефтә, йәнле аралашыу менән үтте....

Ҙур футбол килә беҙгә, ҙур футбол...
Новости / Спорт // 13-06-2018, 14:42


Ҙур футбол килә беҙгә, ҙур футбол...
йәки Рәсәй үҙ тарихында тәүге тапҡыр бер ай буйы футбол «йондоҙ»ҙары менән йәшәйәсәк

Һәр спорт төрө матур һәм үҙәнсәлекле. Тағы килеп йылдан-йыл уларҙың иҫәбе лә артҡандан-арта. Көйәрмәндәре лә бихисап. Тик футбол уйыны элек-электән донъяла «иң-иң»дәрҙән һаналды, һанала һәм һаналасаҡ. Шуға ла донъяла хәҙер 250 миллионға яҡын кеше футбол уйнай. Шуларҙың 20 миллионы – ҡатын-ҡыҙ. Профессиональ кимәлгә килгәндә, донъяла 300 меңдән ашыу клуб беренселектә ҡатнаша. Шуныһы ҡыҙыҡ: Рәсәй профессиональ футболсылар иҫәбе буйынса Европала, немецтарҙан ҡала, икенсе урынды биләй. Беҙҙә ике миллиондан ашыу футболсы бар. Ул ғына ла түгел, футбол клубтары иҫәбе буйынса илебеҙ Европала иң алдынғы булып иҫәпләнә. Икенсе урында – Германия. Статистикаға ышанғанда, беҙ донъяла алдынғылар иҫәбендә булырға тейеш тә, тик әлегә уртансылар рәтендә лә түгелбеҙ шул...
...


Борьба с коррупцией

[/aviable]

  • Логотибы яман, шыр хаталы булһа ла «Башҡортостан гүзәле-2018» матурлыҡ конкурсы тамамланды
  • Мең дә бер кисәнән кәм түгел (Булған хәл)
  • Ҡолаҡ һал! Дарыу урынына – һуттар
  • Әлиә БАТРАЕВА, 19 йәш,
  • «Киндер - сюрприз» һораған Рамаҙанға — конструктор
  • Яңы йыл тамашаһына иң яҡшы сценарийҙы кем яҙыр?
  • Кәүсәриә
  • Ял итергә барһағыҙ
  • «Ғүмер буйы иремә рәнйеп йәшәйем»
  • Йондоҙнамә (22-28 октябрь)



  • Радио Юлдаш FM