НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Выборы 2018 Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Ә беҙҙәң ауылда...


Ләйсән ҺӨЙӨНДӨКОВА, Ишембай районы:

– Ишембай районының Смаҡай ауылының йәмле Сағыл тауы битендә, ауылдың 300 йыллығына арнап, «Беҙ – Смаҡай ейәндәре» тип исемләнгән күркәм байрам үтте.
Ауылға ингән урында, тау битләүенә «Смаҡайға – 300 йыл» тип аҡ таштарҙан һалынған яҙыу үҙенә саҡырып торған төҫлө ине. Төп тирмә ҡоролған, ауылдың ҙур нәҫелдәре үҙҙәренең шәжәрәләрен эшләгәйне. Нә­ҫел ептәренең ҡәҙерләп һаҡланыуын Ғүмәровтар, Дусмөхәмәтовтар, Шәнгәрәевтар, Фәй­зуллиндар, Наси­ровтар, Ибәтуллиндар, Мифтаховтар, Шиһа­повтар, Хәми­ҙуллиндарҙың шәжәрәләрендә күреп бул­ды. Шунда уҡ ауылдың билдәле шәхестәре тура­һында мәғлүмәт, ҡул эштәре лә урын алған. Юбилей уңайынан «Беҙ – Смаҡай ейәндәре» тип исемләнгән китап та донъя күрҙе. Унда ауылдың үткәне лә, бөгөнгөһө лә яҡтыртыла, күренекле шәхестәр, ғаиләләр, һуғышта ҡатнашҡан яугирҙар тураһындағы материалдар ҙа тупланған.

Рушания ХӘМӘТҒӘЛИМОВА, Ҡырмыҫҡалы районы:

– Район велосипедсылары майҙың йәмле йәкшәмбе көнөн тәбиғәт ҡосағында уҙғарырға ҡарар итте. Йыйылыу урыны, ғәҙәттәгесә, Һалҡын инеш шишмәһе булды. Бының өсөн йәш велосипедсыларға Ҡырмыҫҡалы ауылынан 8 километр араны үтергә тура килде. Йәштәр яҡшы физик әҙерлекле булыуҙарын күрһәтте һәм дистанцияны ҡыҫҡа ваҡытта үтте. Төп колоннаға шулай уҡ Ҡабаҡ һәм Һәүә­ләй ауылдарынан М. Шайморатов исемендәге хәрби-патриотик клуб ағзалары ла ҡушылды.
Һуңынан дөйөм тырышлыҡ менән турист аш-һыуы әҙерләнде. Былау, йәйге турама, флотса макарон, бутерброд һәм сәй телеңде йоторлоҡ килеп сыҡты. Хәл йыйып алғандан һуң егет-ҡыҙҙар шишмә буйын йыйыштырырға тотондо. Ял итергә теләүселәрҙең яратҡан урыны булһа ла, сүп-сар әллә ни юҡ ине. Ә сара һуңында инде егет-ҡыҙҙар иң йылғыр, зирәк, иң ныҡыштарҙы асыҡланы.

Александр ДЕСЯТКИН, Кушнаренко район хакимиәтенең информация-аналитика бүлеге белгесе:

– Кушнаренко районында социаль әһәмиәттәге объекттарҙы төҙөү дауам итә. Быйыл район үҙәгендә 140 урынға иҫәпләнгән балалар баҡсаһын төҙөү тамамланһа, киләһе йылда физкультура-һауыҡтырыу комплексы сафҡа инәсәк.
Районыбыҙҙың спорт мәктәбе әлеге көндә тығыҙ график буйынса эшләй – күнекмәләр минутлап яҙыл­ған тиерлек. Спорт залы ҙур саралар уҙғарғанда бөтә ҡунаҡтарҙы ла һыйҙырып бөтә алмай. Шуға ла беҙгә физкультура-һауыҡтырыу комплексы бик кәрәк. Әле төҙөүселәр уның нигеҙе менән стеналарын күтәрҙе. Яңы комплекста спорт мәктәбе, ҙур бассейн буласаҡ. Төҙөлә башлаған бинанан алыҫ түгел хоккей майҙансығы, парк бар. ФОК сафҡа инһә, халыҡ ғаиләһе менән килеп ял итә аласаҡ. Төҙөлөш киләһе йылға мотлаҡ тамамланырға тейеш.

Был аҙнала төбәк яңылыҡтарын Ишембай, Ҡырмыҫҡалы, Кушнаренко райондарынан шылтыратып һөйләнеләр.
Дуҫтар, һеҙҙең яҡтарҙа ниндәй хәлдәр бар? Нимә борсой, нимә ҡыуандыра? Һөйләр һүҙҙәрегеҙ булһа, редакцияға шылтыратығыҙ. Дежур телефон һандары – 8-965-923-20-00.

Сығыу ваҡыты 23-05-2014, 08:00 | Ҡаранылар: 583
|
  • Ә беҙҙең ауылда... (9 сентябрь)
  • Ә беҙҙең ауылда... 29 апрель
  • Ә беҙҙең ауылда...
  • Ә беҙҙең ауылда...
  • Ә беҙҙең ауылда...
  • Информация

    Комментировать статьи на сайте возможно только в течении 4 дней со дня публикации.


    Борьба с коррупцией

    [/aviable]

  • Һуңлап килгән аҡыл
  • Ҡолаҡ һал!
  • Үәт, ҡыҙыҡ! (14.09.2018)
  • Таңым нуры инең
  • Тормош – ҡуласа, әйләндереп бер баҫа
  • Тәүге һөйөү шундай ҡыҫҡа булды
  • «Уҡыусың рәхмәтле булһын»
  • «Салауат Юлаев» - «Локомотив»! Кем-кемде?
  • Үәт, ҡыҙыҡ! (31.08.2018)
  • Ылау (Хикәйә)



  • Радио Юлдаш FM