НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » » Белгес фекере

Белгес фекере


Салауат ҡалаһындағы 25-се башҡорт гимназияһының социаль пе­дагогы Динара КАМАЛОВА әйтеүенсә, ата-әсәләре тарафынан ҡыйырһытылған балалар – йәмғиәтебеҙҙең төп проблемаларының береһе.

Белгес фекере– Ғәҙәттә, бындай енәйәттәр эскән атай­ҙар йәки үгәй атайҙар тарафынан ҡылына. Шулай уҡ үҙ-үҙҙәрен яҡлай алмаған кесе йәштәге инвалид балаларға тән йәрәхәттәре һалыу осраҡтары ла бар. Ҡул күтәреү баланы тәрбиәләү рәүеше була алмай, ул баланың психик үҫешенә кире йоғонто яһай. Ҡаты мөғәмәлә хөкөм һөргән ғаиләлә үҫеүсе балалар үҙ-үҙенә бикләнә, уларҙың үҫеш кимәле тотҡарлана, бәғзеләре хоҡуҡ боҙоу юлына баҫа. РФ Ғаилә кодексының 63-сө статьяһына ярашлы, ата-әсәләр үҙ балаларының сәләмәтлеге, физик, психик, рухи һәм әхлаҡи үҫеше буйынса хәстәрлек күрергә бурыслы.

Минең практикала булған бер миҫал. Оҙаҡ йылдар бала таба алмаған ҡатын балалар йортонан ҡарауға малай ала. Бер нисә йылдан һуң ул икенсе иргә кейәүгә сыға һәм үҙе бала таба. Ҡатын тиктомалға тәүге улына йыш ҡына ҡул күтәрә башлай. Малайҙың көн һайын оҙон еңле, муйынлы кофта кейеп килеүе күптәр­ҙе һағайтты. Тик физкультура уҡытыусыһы ғына баланың тәне күгәргәнен күреп ҡала. Был хаҡта опека бүлегенә хәбәр иттек. Бала ла әсәһенең һәр ваҡыт ҡул күтәреүен дәлилләне. Һөҙөмтәлә был малай балалар йортона кире килеп эләкте. Ә бындай миҫалдар ил буйлап бик күп бит.

Салауатта ошо көндәрҙә булған тағы ла бер хәл бар халыҡты шаҡ ҡатырҙы. Салауат ҡалаһының эске эштәр бүлегенең тикшереү комитетынан хәбәр итеүҙәренсә, Ленинград урамында урынлашҡан йорттарҙың береһе янында сүп-сар контейнерында яңы тыуған сабый табыла. Баланың илауын ишетеп ҡалған кешеләр был хәл тураһында полицияға хәбәр итә. Бәхеткә күрә, малай иҫән. Был бәғерһеҙ әсә кеше ни йөрәге менән балаһын, ғәзизкәйен, ташлап киткән?!

Сығыу ваҡыты 10-10-2014, 16:30 | Ҡаранылар: 901
|
  • Бүре түгел, "әсәй" ҡурҡыныс
  • Әсәлек хисен нимә бөтөрә?
  • Изге күңелле сабый хаҡында
  • Ике бер туған малай батып үлде
  • һәр береһе ғаиләлә тәрбиәләнергә тейеш
  • Информация

    Комментировать статьи на сайте возможно только в течении 4 дней со дня публикации.


  • Егерме йыллыҡ хыял
  • Үәт, ҡыҙыҡ! (22.09.2017)
  • “Минең дә улым булыр ине...”
  • Беҙҙең өсөн уңайлы Указды дөрөҫ файҙаланайыҡ
  • Йондоҙнамә (25 сентябрь – 1 октябрь)
  • "Йәшлек" гәзите яңылыҡтарын "Телеграм" аша алығыҙ!
  • Ҡөрьән ашы тәртиптәре
  • Маринадланған кәбеҫтә
  • “Умырзая”, “Рамаҙан”, “Дәүер”, “Әкиәт” – барыһы ла Учалыныҡы!
  • Үәт, ҡыҙыҡ! (6.10.2017)



  • Радио Юлдаш FM