НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » » “Ниһайәт, мин инженер!”

“Ниһайәт, мин инженер!”


Башҡорт дәүләт аграр университетын тамамлаусылар үҙҙәренең белемен эштә һынаясағына ышана.

“Ниһайәт, мин инженер!”Июнь – имтихандар, сығарылыш балдары мәле, мәктәп, студент йылдары менән хушлашыу айы. Был мәлдә күңел моңһоулыҡ менән дә, шатлыҡ менән дә тула.
21 июндә Башҡорт дәүләт аграр университетының аҙыҡ-түлек технологиялары факультетын тамамлаусыларға диплом тапшырыу тантанаһы үтте. Һәр йыл һайын был минуттар студенттар өсөн дә, уҡытыусылар өсөн дә берҙәй үк тулҡынландырғыс. Йола буйынса, сара университеттың байрамса биҙәлгән алтынсы корпусында уҙғарылды. Студенттарҙы ҡотларға уҡыу йортоноң белем биреү буйынса проректоры Р. Авзалов, аҙыҡ-түлек технологиялары факультеты деканы Н. Ғөбәйҙуллин, кафедра мөдирҙәре, уҡытыусылар һәм университеттың башҡа хеҙмәт­кәр­ҙәре килгәйне. Факультет деканы үҙ ҡотлауында диплом алғас та, тамам­лау­сы­лар­ҙы вузда тағы ла күп тапҡыр күрергә теләүен белдерҙе, ҡыҙыл диплом алыусыларҙы БДАУ-ҙа фәнни эшмәкәрлектәрен дауам итергә саҡыр­ҙы.

Диана АБДРАХМАНОВА:
– Бөгөн иң бәхетле көндәремдең береһе. Был байрамды биш йыл буйы көттөм. Ниһайәт, мин инженер һәм бының менән иҫ киткес ғорурланам. Ни бары университеттан китергә кәрәк булыуы ғына күңелемде төшөрә. Мотлаҡ үҙ һөнәрем буйынса эш табасаҡмын, сөнки бөгөн республиканың аҙыҡ-түлек һәм эшкәртеү предприятиелары йәш белгестәргә мохтажлыҡ кисерә. Тормошта үҙ урынымды тапҡым килә һәм быны барлыҡ курсташтарыма ла теләйем.

Артур ХӘБИБУЛЛИН:
– Хәҙер беҙҙең һәр кемебеҙҙең аҡсалы эшкә урынлашырға, үҙебеҙҙе күрһәтергә һәм яратҡан эшебеҙ менән шөғөлләнергә тигән хыялы һәм маҡсаты бар. Эш табыу менән ауырлыҡтар килеп сыҡмаҫ тип ышанам. Сөнки кешегә һәр ваҡыт, көн дә ашарға кәрәк, ә аҙыҡтың сифатына күптәр иғтибар итә. Вузыбыҙ уҡытыусыларына беҙгә һалған потенциал өсөн сикһеҙ рәхмәтлемен. Биш йыл тиҙ генә үтеп китте. Әммә алда беҙҙе тағы ла яңы һәм ҡыҙыҡлы эштәр көтә.

Эльвина БИКМӨХӘМӘТОВА:
– Университетта уҡыған йылдарым – ғүмеремдең иң сағыу миҙгеле. Туп­ланған белемдән тыш, унда яҡшы дуҫтар таба алыуым өсөн дә рәхмәтлемен.

Александр МИРОНОВ:
– Мин тап ошо өлкәне, һөнәрҙе һайлауыма бер тапҡыр ҙа үкенмәнем. Студенттарға уңыштар теләйем. Һеҙҙең дә вузда белем алыу йылдарығыҙ беҙҙеке кеүек үк сағыу хәтирәләргә бай булырлыҡ үтһен!
Дилә ҒӘЙФУЛЛИНА.

Сығыу ваҡыты 27-06-2014, 18:39 | Ҡаранылар: 1025
|
  • “Уҡытыусым һөнәр һайларға ярҙам итте” йәки Табип булырға теләгән ҡыҙ бөгөн мәктәптә эшләй
  • Мин – Аҡмулла университеты студенты
  • Күпме хистәр ергә күмеләләр, Бикләнелгән көйө йөрәктәрҙә
  • Ҡырымға гуманитар йөк китте
  • «Маҡсатыбыҙ – көслө кадрҙар әҙерләү»
  • Информация

    Комментировать статьи на сайте возможно только в течении 4 дней со дня публикации.


  • Егерме йыллыҡ хыял
  • Үәт, ҡыҙыҡ! (22.09.2017)
  • “Минең дә улым булыр ине...”
  • Беҙҙең өсөн уңайлы Указды дөрөҫ файҙаланайыҡ
  • Йондоҙнамә (25 сентябрь – 1 октябрь)
  • Еҙем-Ҡарандарға оят!
  • "Йәшлек" гәзите яңылыҡтарын "Телеграм" аша алығыҙ!
  • Ҡөрьән ашы тәртиптәре
  • Маринадланған кәбеҫтә
  • “Умырзая”, “Рамаҙан”, “Дәүер”, “Әкиәт” – барыһы ла Учалыныҡы!



  • Радио Юлдаш FM