НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » » Йәш экскурсоводтар мәктәптә тәрбиәләнә

Йәш экскурсоводтар мәктәптә тәрбиәләнә


Йәш экскурсоводтар мәктәптә тәрбиәләнәБай тарихлы, хозур тәбиғәте, арҙаҡлы шәхестәре менән бөтә республикаға данлыҡлы Салауат районына һәр ваҡыт ҡунаҡтар теләп килә. Салауат баҫҡан һуҡмаҡтарҙан йөрөп, милли геройыбыҙҙың музейын ҡарап, Рәми Ғарипов үҙ ҡулы менән яҙған шиғырҙарын уҡып, башҡа баһалап бөткөһөҙ ҡомартҡылар менән танышып, улар батыр еренән бөтмәҫ тәьҫораттар алып ҡайта. Ҡунаҡтарҙың сәфәре ҡыҙыҡлы һәм йөкмәткеле үтеүе күп осраҡта экскурсоводтан тора. Шуға ла районда уларҙы әҙерләүгә бик етди ҡарайҙар.

Салауат районында экскурсоводтарҙы бәләкәйҙән әҙерләй­ҙәр. Йыл һайын Салауат Юлаев музейы һәм мәғариф бүлеге вәкилдәре башҡа яҡтарҙа булмаған үҙенсәлекле экскурсоводтар конкурсы ойоштора. Бында төрлө эҙләнеү-тикшеренеү эштәре менән мәктәп балалары сығыш яһай.
Быйыл да был конкурс йола буйынса Салауат Юлаев музейында үтте. Бында 16 уҡыусы һынау тотто. Һәр уҡыусының сығышы ҡабатланмаҫ булды. Кемдер данлыҡлы яҡташыбыҙҙы сәсән телле шағир итеп танытты, уның шиғырҙарын тасуири ятлап, ҡыҫҡаса һәр береһенә күҙәтеү яһаны. Икенселәр батырҙың тормош һәм яу юлына иғтибарын йүнәлтһә, өсөнсөләр иһә жюри ағзаларын, бәйгеселәрҙе музей буйлап экскурсияға саҡырҙы. Экскурсия барышында уҡыусылар районды, музейҙы, Салауат Юлаевты төплө белеүен күрһәтте.

Иң яҡшы экскурсовод тип Лағыр урта мәктәбенең 7-се класс уҡыусыһы Алтынай Вә­лиева танылды. Зөһрә Ҡазы­ха­нова 1-се урынға сыҡты. Икен­се урынды үҙ-ара Дильдора Хужина менән Диана Бикбулатова бүлеш­һә, өсөнсө урынды Румия Абдуллина, Илнар Зарипов һәм Наталья Давыдова яуланы. Конкурста ҡатнашҡан һәр уҡыу­сыға Почет грамотаһы, китаптар тапшырылһа, еңеүселәрҙе әҙерләгән уҡытыусыларға ла Маҡтау ҡағыҙҙары бирелде.
Әйткәндәй, һәр район мәктәптәрендә тиерлек, республикабыҙҙың баш ҡалаһында күпләп музейҙар эшләй. Унда барған эҙләнеү-тикшеренеү, экспонаттар йыйыу эштәренә уҡыусылар­ҙы ла ылыҡтырыу мөһим. Сөнки шулай иткәндә балаларҙың телмәре генә түгел, ә эске донъяһы, рухы үҫә, камиллаша, уларҙа патриотизм тойғолары нығына һәм тыуған еренә һөйөү тәрбиәләнә.

Лиана ВӘЛИУЛЛИНА.

Сығыу ваҡыты 17-05-2014, 12:06 | Ҡаранылар: 629
|
  • Оҙон көйҙә башҡорт рухы сағыла
  • Шағир һүҙе мәртәбәле
  • Тарих менән киләсәкте бәйләүселәр
  • «Салауат Юлаев» командаһы ҡатнашлығында КХЛ беренселегенең 2012/2013 йыл миҙгеленең уйындар календары
  • Салауатыбыҙҙың рухы ҡыуанһын
  • Информация

    Комментировать статьи на сайте возможно только в течении 4 дней со дня публикации.


  • Егерме йыллыҡ хыял
  • Үәт, ҡыҙыҡ! (22.09.2017)
  • “Минең дә улым булыр ине...”
  • Беҙҙең өсөн уңайлы Указды дөрөҫ файҙаланайыҡ
  • Йондоҙнамә (25 сентябрь – 1 октябрь)
  • Еҙем-Ҡарандарға оят!
  • "Йәшлек" гәзите яңылыҡтарын "Телеграм" аша алығыҙ!
  • Ҡөрьән ашы тәртиптәре
  • Маринадланған кәбеҫтә
  • “Умырзая”, “Рамаҙан”, “Дәүер”, “Әкиәт” – барыһы ла Учалыныҡы!



  • Радио Юлдаш FM