НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » » Хәйерле юл, ҡошсоҡтарым!

Хәйерле юл, ҡошсоҡтарым!


Быйыл Урмияҙҙағы "Йәйғор" балалар баҡсаһынан һигеҙ тәрбиәләнеүсе беренсе тапҡыр парта артына ултырасаҡ. Яңыраҡ унда "Һау бул, баҡсам!" тип аталған бик матур байрам үткәрҙек. Сараға балалар баҡсаһында эшләүселәр ҙә, ата-әсәләр ҙә, бигерәк тә сығарылыусыларыбыҙ ентекле әҙерләнде.

Хәйерле юл, ҡошсоҡтарым!Һәр бала – бөтмәҫ хазина. Талант­һыҙ бала булмай. Уларҙың уңыштарын күреп, ярҙам ҡулы һуҙып ебәрергә генә кәрәк. Шуға күрә тәрбиәләнеүселәрҙе залға номинациялар менән саҡырҙыҡ: Алһыу Абдуллина бейеүгә, уҡыу­ға һәләтле булһа, Инсаф Мәрүиев математиканы һыу кеүек эсә; Илсур Шәрипов ҡы­йыу, спортты яҡын күрә; Илнур Хәйретдинов яғымлылығы һәм мөләйемлеге менән яраттыра; Венер Гәрәев һәм Ришат Әҙиев шиғыр­ҙарҙы һәм әкиәттәрҙе тасуири итеп һөйләп, хайран ҡалдыра; Венер Әх­мәҙишин менән Азат Мансуров – ярҙамсыл һәм хеҙмәт яратыусан малайҙар.
Һәр тәрбиәләнеүсе баҡсаһында һуңғы тапҡыр үҙҙәренең һөнәрен оҫта итеп күрһәтте. Ата-әсәләр уларҙың сығыштарын ихлас күңелдән һоҡланып һәм ҡыуанып ҡарап ултырҙы. Иртә­нсәк ҡу­наҡҡа хәбәрсе Рәүизә Мулла­нур ҡы­ҙы килде. Ул балаларҙы фотоға тө­шөр­ҙө, малай-ҡыҙҙарҙан һәм ата-әсәләрҙән “интервью” алды. Байрам аҙағында редакцияға барып, стенгәзит “сығарып” алып килде.
Мәктәп менән тығыҙ эшләү сәбәпле, буласаҡ беренсе уҡы­тыу­сылары Нәсимә Нәбиулла ҡыҙы балаларҙы үҙе менән таныштырып, байрам менән ҡотланы.
Иң аҙаҡ мәктәпкә барасаҡ балалар үҙҙәрендәге сифаттарҙы: ялҡаулыҡты, насар ғәҙәттәрен шарҙары менән күккә осороп ебәр­ҙе.
Тәрбиәләнеүселәргә әйтер һү­ҙем шул: бөгөн һеҙҙе оло юлға оҙатыу көнө. Барығыҙға ла мәктәпкә барыр, белем тауына үрләр мәл етте. Тырыш булығыҙ, ауыр­лыҡ­тар­ға бирешмәгеҙ. Һеҙгә тик яҡты нурҙарға ғына сорналған бәхетле, сәләмәт, уңышлы, тыныс киләсәк теләйем!

Фәнисә ЙОСОПОВА,
“Йәйғор” балалар баҡсаһы
тәрбиәсеһе.
Асҡын районы,
Урмияҙ ауылы.

Сығыу ваҡыты 28-06-2013, 10:51 | Ҡаранылар: 1625
|
  • “Йөрәгемде балаларға бирәм”
  • Белем көнө менән!
  • Күңелдәрендә оҙаҡ һаҡланыр!
  • “Иң мөһиме – сәләмәт булығыҙ”
  • Балалар йортонда дуҫтар осрашыуы
  • Информация

    Комментировать статьи на сайте возможно только в течении 4 дней со дня публикации.


  • “Уның үлемен теләп йәшәнем...”
  • Еҙнәм инең (хикәйә)
  • “Кеше үлемендә минең дә ғәйебем бар...”
  • Мин һәр саҡ табип хатаһы ебәреүҙән ҡурҡа инем...
  • Үәт, ҡыҙыҡ! (17.11.2017)
  • Үәт, ҡыҙыҡ! (24.11.2017)
  • Татлы һөйөүҙән кем туйған?
  • ҺАБАҠ (хикәйә)
  • Мәүлит байрамы мөбәрәк булһын!
  • Бүләктәр – өлөшлөләргә!



  • Радио Юлдаш FM