НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

«Йәшлегемә ҡайтам әле!»
Новости / Мәҙәниәт // 19-03-2011, 17:25


«Яҙ, яҙ, яҙ килә! Ергә мөхәббәт килә!» Яҙ еткән һайын Рөстәм Ғиззәтуллин башҡар­ған йырҙың һүҙҙәре иҫкә төшә һәм күңел шатлыҡҡа төрөнә. Рөстәм Ғиззәтуллин – республикабыҙҙа иң популяр йырсыларҙың береһе. Уның йыр­ҙары радио тулҡындары аша, дискотекаларҙа яңғырай. Концертта­рында иһә йәштәр түҙеп ултыра алмай, бейергә төшөп китә.
20 мартта Нефтселәр мәҙәниәт һарайында яратҡан йырсыбыҙ баш ҡала тамашасыларын тағы ла үҙенең дәртле йырҙары менән һөйөндөрмәксе. Тамашасылар яратып өлгөргән йырҙарынан тыш, унда өр-яңы йырҙар ҙа яңғыраясаҡ. Рөстәм Ғиззәтуллиндың репертуарындағы йырҙың һүҙҙәре менән «Йәшлегемә ҡайтам әле» тип атала концерт программаһы. Унда Айҙар Хәмзин, Салауат Әйүпов, Руслан Зөлҡәрнәев кеүек һәләтле йырсыларҙың да ҡатнашыуы көтөлә.
Рөстәм Ғиззәтуллиндың һәр тамашаһы – үҙе бер шоу. Был юлы ла тамашасыларҙы төрлө отоштар һәм бүләктәр көтә. Үҙенең концертына ул балалар йорто тәрбиәләнеүселәрен дә саҡырған. Ҡыҫҡаһы, күңелле, дәртле ял көтә һеҙҙе, дуҫтар.
С. НИЯЗОВА....

«Ҡыҙыл паша – Кәрим Хәкимов»
Новости / Мәҙәниәт // 19-03-2011, 14:33


Халыҡтың кешелек донъяһында тотҡан булмышын ошо милләттең шәхестәре яҙа. Беҙҙең халыҡта бөйөк шәхестәр бик күп, әммә күптәре ваҡытында танылыу тапмай яҡты донъя менән хушлашҡан. Билдәле дәүләт һәм йәмәғәт эшмәкәре, Көнсығыш илдәрендәге тәүге совет илсеһе Кәрим Хәкимов – шундай­ҙарҙың береһе.
Кәрим Хәкимовтың тыуыуына 120 йыл тулыу айҡанлы 25 мартта М. Ғафури исемендәге Башҡорт дәүләт академия драма театрында «Ҡыҙыл Паша – Кәрим Хәкимов» тип аталған ижад кисәһе үтәсәк. Программала бөйөк дипломатҡа арналған фильмдан өҙөктәр, Н. Асанбаевтың «Ҡыҙыл паша» пьесаһы буйынса ҡуйылған спектаклдән күренештәр, К. Хәкимовтың үҙенең яҙмаларынан һәм хаттарынан инсценировкалар, тарихи факттар һәм тантаналы концерт көтөлә....

«Төрки телле фестивалгә әйләнәсәк»
Новости / Мәҙәниәт // 19-03-2011, 14:32


25 – 26 мартта Нефтселәр мәҙәниәт һарайында ҙур фестиваль көтөлә. Уны быйыл тәүге тапҡыр «Туған тел» каналы БР Мәҙәниәт, Элемтә һәм киң коммуникациялар министрлыҡтары менән берлектә ойоштора. Фестивалдең маҡсаттары тураһында «Туған тел» каналының директоры Рәмил Ғәниевтың фекерен белештек.
– Был фестивалде ойоштороу ниәте беҙҙең телеканал эшләй башлаған көнгә барып тоташа. Шул саҡта тыуған идея быйыл, Милләт-ара татыулыҡты нығытыу йылында, тормошҡа ашасаҡ. Фестивалдә башҡорт-татар йырҙары башҡарыла. Конкурста «Иң яҡшы татар йырсыһы», «Иң яҡшы башҡорт йырсыһы», «Йыл асышы», «Иң яҡшы видеоклип» кеүек 11 номинация билдәләнә. Был байрам алдында байтаҡ бурыс тора – үҙ-ара дуҫлыҡты нығытыу, тәжрибә уртаҡлашыу менән бергә, яңы таланттар асыу, тамашасыларҙы яңы йырҙар, видеоклиптар менән таныштырыу, мәҙәниәтебеҙгә ҡарата ҡыҙыҡһыныу уятыу....

Мәҙәниәт министры үҙ блогын булдырҙы
Новости / Мәҙәниәт // 19-03-2011, 13:27


«Минең блогым мәҙәниәткә арнала», – тигән һүҙҙәр менән баш­лаған Башҡортостан Рес­публикаһының мәҙәниәт ми­нис­тры Асҡар Абдразаҡов тәү­ге яҙмаһын («Тере журнал» («Жи­вой журнал») биттәрендәге адресы: http://aabdrazakov.livejournal.com/).
«Блогта ошо тармаҡҡа бәйле көн үҙәгендә торған проблемалар хаҡында һөйләшкем килә. Әле интернет мәҙәниәткә арналған төрлө мәғлүмәт менән тулған, фекерҙәр, ҡа­раштар төрлөсә. Мәҫәлән, бе­рәүҙәр «массалы мәҙәниәт»те, йәғни уның коммерция өлөшөн үҫтереү яҡлы. Бындай мәҙәниәткә, ғәҙәттә, элитар мәҙәниәт ҡаршы ҡуйыла. Был юҫыҡта төрлө субкультуралар, бард, йәштәр хәрәкәттәренең ҡатнашыуын да әйтергә кәрәк. Академик Дмитрий Лихачев билдәләүенсә, мәҙәниәт – дәүләт шөғөлләнергә тейешле мө­һим нәмә», – тип яҙа министр....

Дуҫлыҡты нығыта фестиваль
Новости / Мәҙәниәт // 15-03-2011, 13:34


Башҡорт-татар йырҙарын башҡарыусыларҙы «Туған тел» каналы халыҡ-ара телевизион фестивалгә йыя. Фестиваль милли мәҙәниәтебеҙҙең берҙәм үҫешенә булышлыҡ итеү, милләт-ара татыулыҡты нығытыу ниәте менән ойошторола. Конкурс йыр-моң һөйөүсе татарҙарға ла, башҡорттарға ла ҙур байрам булмаҡсы. Унда, күптән танылған сәхнә «йондоҙ»ҙары Фидан Ғафаров, Фәрит Бикбулатов, Хәниә Фәрхи, Салауат Фәтхетдинов, Рәсүл Ҡарабулатов, Гөлсөм Бикбулатова, Ризуан Хәкимов, Рәүилә Мәсәлимова, Ғәзим Ильясов, Фәриҙә һәм Роберт Тимербаевтар, Динә һәм Рафаэль Латиповтар менән бер рәттән, йәш артистар ҙа сығыш яһаясаҡ. Тамаша 25 мартта – 19 сәғәттә, 26 мартта 18 сәғәттә Нефтселәр мәҙәниәт һарайында үтәсәк.
Р. РИНАТОВА....

«20 йыл һеҙҙең менән – йырҙарым, тамашасыларым!»
Новости / Мәҙәниәт // 15-03-2011, 13:34


17 мартта Башҡортостандың атҡаҙанған артисы, «Урал моңо», «Дуҫлыҡ йыры», «Яҙғы моңдар», «Ирәндек моңдары» кеүек абруйлы йыр конкурстары лауреаты, «Ихлас» эстрада төркөмөнөң художество етәксеһе Радик Вәлмөхәмәтов «20 йыл һеҙҙең менән – йырҙарым, тамашасыларым!» исемле юбилей концертына саҡыра (сценарий авторы һәм ҡуйыусы режиссер – Салауат Итбаев)....

Туйсиндар йыр туйына йыйҙы
Новости / Мәҙәниәт // 15-03-2011, 13:23


Туйсиндар йыр туйына йыйҙыБашҡорт сәнғәтенең тарихында һәм бөгөнгөһөндә баймаҡтар алтын фондты тәшкил итә. Был бәхәсһеҙ. Халҡыбыҙҙың мәшһүр йыр-бейеү өлгөләренең күпселегенең тап беҙҙең ерлектә тыуыуы һәм республика, ил күләмендә танылыу алған арҙаҡлы сәнғәт оҫталарының Баймаҡтан булыуы үҙе бер феномен һәм был ҙур ғорурлыҡ уята. Ана шундай йыр-моң әһелдәре араһында Сыңғыҙ ауылынан бер туған Туйсиндар лайыҡлы урын биләп тора....

Гөрләп торҙо ҡумыҙ байрамы
Новости / Мәҙәниәт // 12-03-2011, 14:54


Мәсетле районында үткән бәйгелә ағас ҡумыҙҙа ла уйнанылар
Гөрләп торҙо ҡумыҙ байрамыҠумыҙ – башҡорт халҡының быуындан-быуынға тапшырылып, яҡшы һаҡланып ҡалған һәм бөгөн дә үҙенең абруйын һис тә юғалтмаған милли уйын ҡоралы. Милли кейемдәге башҡорт һылыуының йәки егетенең ошо тылсымлы инструментты ҡулына алып күңелде иретерлек матур көйҙәр сығарыуы йәнгә рәхәтлек, күңел тыныслығы бирә. Шуға ла республикабыҙҙа ҡумыҙҙа уйнаусылар сәңғәтен үҫтереүгә, уны бар донъяға данлауға ҙур иғтибар бүленә....

Хуш килдегеҙ, мордва туғандар!
Новости / Мәҙәниәт // 12-03-2011, 11:51


Хуш килдегеҙ, мордва туғандар!Сараны уҙғарыу өсөн беҙгә Мордовиянан рәсми делегация килде. Уның составында Мордва Республикаһы Хөкү­мәте рәйесе урынбаҫары – мәҙәниәт министры Петр Тултаев, милли сәйәсәт министры Александр Лузгин, уның урынбаҫары Александр Карьгин, фин-уғыр халыҡтарының Волга буйы мәҙәни үҙәгенең башҡарыусы директоры Юрий Мишанин, Мордовия­ның берләштерелгән республика крайҙы өйрәнеү музейы директоры Павел Калигин һәм матбуғат баҫмалары етәкселәре бар ине. Рәсәй төбәктәрендә Мордовия көндәрен уҙғарыу былтыр, йәғни 2010 йылда башланған. Саранск делегациялары илдең 20 субъектында булған. Быйылғы сәфәрҙә милли төбәктәр араһынан Башҡортостан тәүгеһе.
Мордва Республикаһы көндәре сигендә Конгресс-холда «Мордва халҡының мәҙәниәте – күп милләтле Рәсәй ҡаҙанышы» темаһына «түңәрәк өҫтәл» ойошторолдо. Ошо уҡ бинала мордва оҫталарының ҡул эштәре, китаптар күргәҙмәһе эшләне....

ВӘҒӘҘӘЛӘР ҮТӘЛЕРМЕ?
Проблема / Мәҙәниәт // 12-03-2011, 11:50


йәки Халыҡтың фекере Башҡортостан юлдаш телевидениеһының абруйын күтәрергә булышлыҡ итһен
Халыҡтың һүҙе – хаҡлыҡтың күҙе. Нимә генә тимәйек, донъяла ниндәй генә ваҡиғалар бармаһын, сиктәрҙән ашҡан үҙгәрештәр эшләнмәһен, халыҡ уларға һис кенә лә битараф түгел. Яңы етәксе килеп, Башҡортостан юлдаш телевидениеһына яңылыҡтар индерә башлағас, телевизор ҡараусылыр уның яңы форматына ҡарата үҙҙәренең фекерҙәрен белдерергә ашыҡты. БР Президенты Рөстәм Хәмитов та телевидение хеҙмәткәрҙәре менән осрашыуында, республикалағы бер­ҙән-бер төп милли телеканалда башҡортса тапшырыуҙарҙың аҙайыуын билдәләп, етеш­һеҙлектәрҙе бөтөрөргә ҡушҡайны. «Йәшлек» гәзитендә лә БСТ-ны «утҡа тотҡан» бер нисә тәнҡит мәҡәләһе донъя күрҙе. Уның буйынса шаңдауҙар күп булды – гәзит уҡыу­сыларыбыҙҙан тиҫтәнән ашыу хат алдыҡ. Барыһының дәғүәләре бер үк тиерлек: тамашасылар башҡортса тапшырыуҙарҙың кәмеүенә, ҡыҙыҡлы милли программалар булмауына дәғүә белдерә. Шуныһы иғтибар­ға лайыҡ: БСТ-лағы үҙгәрештәргә ситтә йәшәүсе милләттәштәребеҙ ҙә битараф ҡала алмаған. Мәскәү ҡалаһында йәшәүсе бер төркөм башҡорт зыялыһы: «Милләт­тәштәре­беҙҙең тормош-көнкүреше, уй-кисерештәре, мәҙәниәт, сәнғәт яңылыҡтары тураһында ишетеп-уҡып ҡына түгел, телевизорҙан да ҡарап күрә инек, хәҙер ундағы яңылыҡтар хайран ҡалдыра. Юғары кимәлдәге төплө тапшырыуҙар, башҡорт халҡын, уның телен, әҙәбиәтен, мәҙәниәтен яҡшы белгән, ярайһы уҡ тормош тәжрибәһе туплаған журналистарҙың эшен күрге килә», – тип яҙа....


  • Ҡолаҡ һал!
  • Йондоҙнамә (9-15 июль)
  • Олатай иҫтәлеге
  • Бейей-бейей оҫтарған
  • Оҙаҡ йәшәүҙең туғыҙ сере
  • Тыңлауһыҙ ҡыҙ
  • "Йондоҙло табын" - Гөлмирә Исмәғилева
  • «Өнһөҙ һуғыш»ты оҙаҡҡа һуҙмағыҙ
  • Мәңге йәш булыу сере
  • Ғашиҡтар бер-береһен һүҙһеҙ ҙә аңлай



  • Радио Юлдаш FM