НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » » Артистарҙы халыҡ аяҠ үрә баҫып алҡышланы

Артистарҙы халыҡ аяҠ үрә баҫып алҡышланы


Башҡорт дәүләт филармонияһы 16 майҙа тамашасыларға күңелдәрҙе елкендергес моң байрамы бүләк итте. Концерт сираттағы 74-се ижад миҙгелен ябыу тантанаһына арналғайны. Тамашасыларҙы Ҙур залдың фойеһында Олег Касимов етәкселегендәге эстрада-джаз оркестры һәм партнерыбыҙ − “Конфаель” компанияһы “шоколад фонтаны” менән ҡаршы алды.
Тамашаны Башҡортостан Республикаһының халыҡ ҡоралдары милли оркестры А. Кукубаевтың “Концерт вальсы” менән асып ебәрҙе. Артабан Рөстәм Шаһыбалов Башҡортостан Республикаһының академик хор капеллаһы менән бергә сығыш яһаны. Нәзифә Ҡадирова “Мандолина” йыры менән залды дәртле моңға күмде. Марсель Ҡотоевтың билдәле итальян йыры “O sole mio”ны башҡарыуын халыҡ йотлоғоп тыңланы. “Молитва о России” һәм “Не любите, девки, Гришку” кеүек рус халыҡ йырҙары менән йәш йырсы Валентина берсә һағышландырҙы, берсә көлдөрҙө. Башҡорт эстрадаһының сағыу “йондоҙҙар”ы Римма Амангилдина, Радик Вәлмөхәмәтов, Әлфиә Юлсурина, Азамат Тимеров, Фәдис Ғәниев, Лилиә Биктимерова, Лилиә Ишемйәроваларҙың сығышын халыҡ ҡайнар алҡыштарға күмде. “Сәхнә һандуғастары” тамашасыны БР халыҡ ҡоралдары милли оркестрына ҡушылып сихри моң даръяһында тибрәлтте.
Дирижерҙар, Рәсәйҙең атҡаҙанған, Башҡортос­тандың халыҡ артисы, БР халыҡ ҡоралдары милли оркестры етәксеһе Рәмил Ғәйзуллин, БР-ҙың атҡаҙан­ған мәҙәниәт хеҙмәткәре Рөстәм Әхмәтйәнов, халыҡ-ара конкурстар лауреаты Ленар Дәүләтбаев ҡулдарының бер хәрәкәте менән мөғжизәле тере музыка тыуҙырҙы. Йыр-моң тантанаһы бер тында үтеп тә китте. Тамашасы илһамланып, көс-дәрт алып таралды.
Барлыҡ йыр-моң һөйөүсе дуҫтарыбыҙға йәмле йәйҙәр теләп, киләһе 75-се ижад миҙгелендә көтөп ҡалабыҙ!

Наҙлыгөл АҘНАБАЕВА.

Сығыу ваҡыты 28-05-2013, 12:09 | Ҡаранылар: 1146
|
  • “Йондоҙло сәйәхәт”
  • Тылсым таяғына эйә дирижер
  • Ришат Рәхимов дуҫтарын йыя
  • 74-се концерт миҙгеле ябыласаҡ
  • Мөхәббәткә мәҙхиә йырланасаҡ
  • Информация

    Комментировать статьи на сайте возможно только в течении 4 дней со дня публикации.


  • Егерме йыллыҡ хыял
  • Үәт, ҡыҙыҡ! (22.09.2017)
  • “Минең дә улым булыр ине...”
  • Беҙҙең өсөн уңайлы Указды дөрөҫ файҙаланайыҡ
  • Йондоҙнамә (25 сентябрь – 1 октябрь)
  • Еҙем-Ҡарандарға оят!
  • "Йәшлек" гәзите яңылыҡтарын "Телеграм" аша алығыҙ!
  • Ҡөрьән ашы тәртиптәре
  • Ҡырау төшөүе ихтимал
  • “Умырзая”, “Рамаҙан”, “Дәүер”, “Әкиәт” – барыһы ла Учалыныҡы!



  • Радио Юлдаш FM