НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » » Илсур Тайсин ни өсөн ҡатын-ҡыҙҙарҙы пародияламай?

Илсур Тайсин ни өсөн ҡатын-ҡыҙҙарҙы пародияламай?


Илсур Тайсин ни өсөн ҡатын-ҡыҙҙарҙы пародияламай?
Бөгөнгө һорауҙарыбыҙ − халыҡ-ара бәйгеләр лауреаты, билдәле йырсы, пародиясы, ҡурайсы Илсур Тайсинға.
1. Бала саҡта кем булыр­ға хыяллана инегеҙ?

– Бала саҡ хыялым осоу­сы булыу ине. Күктә самолеттар осҡанын күреп, үҙем дә һауала йөрөргә теләй торғайным.

2. Ниндәй йорт хайуан­дарын яратаһығыҙ?

– Барыһын да яратам. Улар бары тик тәртипле булһын. Бына бала сағымда Барбос тигән бик аҡыллы һәм яратҡан этем булды. Малайҙар менән үҙебеҙҙең ауылда гөр килеп сик һаҡлаусы уйынын уйнайбыҙ. Егеттәр туғайҙа йәшенә, һәм этем, еҫтәренән тойоп, ҡасып ятҡан урындарынан һә тигәнсе табып бирә ине. Ҡышҡыһын шул этте санаға ла егеп йөрөттөм. Бер ваҡыт үҙемдең “атым”да бер туған һылыуымды йөрөтөргә булдым. Ул санаға ултырып китеп барғанда Барбос алыҫта йөрөгән эттәр янына сабып сығып китте. Шул мәлдә һеңлем эттәр араһына барып инер, таланыр, тип ныҡ ҡурҡҡайным. Бәхеткә күрә, ҙур тиҙлек менән бара торғас, санаһынан ҡолап ҡалды.
Бөгөн йорт хайуандары тотмайым. Шулай ҙа киләсәктә, йортомдо төҙөп бөткәс, уларһыҙ йәшәп булмаҫ, тип уйлайым.

3. Кәйефегеҙҙе күтәрергә нимә ярҙам итә?

– Төшкән нәмәне күтәреүе ҡыйын инде ул (көлә). Кәйеф булмаһа, ҡурай уйнап, йыр йырлап, матур көйҙәр тыңлап алам.

4. Ҡатын-ҡыҙҙарҙың та­уы­­шына ҡоролған пародияларығыҙ бармы?

– Иң уңышлы пародиялар үҙенсәлекле, башҡаларҙан айырылып торған тембрлы тауышлы кешеләрҙе ҡабатлағанда тыуа. Мәҫәлән, шул уҡ Айҙар Ғәлимовты. Ҡатын-ҡыҙҙарҙы ла пародиялағаным бар. Тик улар уңышлы түгел. Ә ғөмүмән алғанда, бөгөн үҙенсәлекле тауыш эйәләрен осратыуы ҡыйын, шуға пародиясылар ҙа “икмәкһеҙ ҡала”.

5. Буш ваҡытығыҙҙа һунар­ға, йә балыҡ тоторға йөрөйһөгөҙмө?

– Балыҡ тотоуға ҡарағанда һунарға йөрөргә яратам. Беренсе ҡорҙо тотҡас, атайым миңә мылтығын алырға рөхсәт биргәйне. Шунан бирле дуҫым Илшат Батталов менән, эттәр эйәртеп, һунарға йыш сыға инек. Гел ҡор, ҡуян, сел алып ҡайттыҡ. Ә хәҙер ижад, тормош мәшәҡәттәре ваҡытты күп ала һәм, дуҫтарым йыш ҡына саҡырһа ла, һунарға йөрөгәнем юҡ.

Сығыу ваҡыты 20-04-2012, 15:25 | Ҡаранылар: 897
|
  • Илсур Тайсин ни өсөн «Йәшлек» гәзитен рекламалай?
  • Һунарсы
  • Шешлек, һунар һәм ҡармаҡ байрамы
  • Үәт, ҡыҙыҡ!
  • Үәт, ҡыҙыҡ!
  • Информация

    Комментировать статьи на сайте возможно только в течении 4 дней со дня публикации.


  • Исемең матур, кемдәр ҡушҡан, Һине күреп кем туйған…
  • Дилә ИШБАЕВА.
  • “Кеше үлемендә минең дә ғәйебем бар...”
  • “Уның үлемен теләп йәшәнем...”
  • Ҡалған ризыҡты нимә эшләтергә?
  • Үҙҙәре «һауын»ға әйләнеп бара...
  • Үәт, ҡыҙыҡ! (3.11.2017)
  • Үәт, ҡыҙыҡ! (10.11.2017)
  • Донъяһына күрә түрәһе
  • Ләйсән Ҡаразбаева хәбәр итә:



  • Радио Юлдаш FM