RSS-подписка Вконтакте Вконтакте
» » "Йәш "Карауан": их моңло ла егеттәр, ә үҙҙәре бик хәтәр!

21.03.2017 "Йәш "Карауан": их моңло ла егеттәр, ә үҙҙәре бик хәтәр!

"Йәш "Карауан": их моңло ла егеттәр, ә үҙҙәре бик хәтәр!Легендар “Каруанһарай” төркөмө тарҡалғас, 2007 йылда йырсы, музыкант Мәхмүт Нәҙершин Башҡорт дәүләт филармонияһында яңы эш башлаған йәш һәм өмөтлө йырсыларҙан яңы состав төҙөй. Ун йыл аралығында йәш “Карауан” бик күп ваҡиғаға осрай, меңдәрсә саҡрым юл үтә, ғаилә ҡора, иҫәпһеҙ-һанһыҙ йыр яҙҙыра, улдар һәм ҡыҙҙар тыуа. Состав та үҙгәрештәр кисерә: кемдер килә, кемдер, шул иҫәптән ойоштороусы Мәхмүт Нәсим улы ла китә. Шулай ҙа улар сәнғәт донъяһынан юғалмай.
4 мартта “Карауан” төркөмө үҙенең ун йыллыҡ юбилейын ҙур концерт программаһы менән билдәләргә йыйына. Бөгөн унда башҡорт йыр сәнғәтендә үҙ урынын тапҡан, киң билдәлелек яулаған йырсылар Марсель Ҡотоев, Эльмир Әбүбәкиров, Рөстәм Шаһыбалов һәм Тимур Рамаҙанов эшләй.

Егеттәрҙең һәр береһе яңғыҙ йырсы булараҡ танылыу яулаһа ла, уларға бергә эшләү нығыраҡ оҡшай. Концерттар үткәреү ҙә еңелгә тура килә, берҙәм сығыш сәхнәнән дә матур күренә. Араларында дан өсөн тартҡылашыу, үҙ-ара конкуренция бөтөнләй юҡ, ә эш араһында булған аңлашылмаусанлыҡтарҙы улар шаяртыуға бороп ҡына үткәреп ебәрергә күнеккән. “Концерт мәлендә кәйеф күтәрелә, дәрт арта. Бөтә донъяны ҡосаҡлап алырҙай булып күңел ҡанатланғанда, кире күренештәр, үпкә һүҙҙәре үҙенән-үҙе онотола”, – ти егеттәр. Әлбиттә, характерҙар ҙа, тормошҡа ҡараш та төрлө булғас, бер булып эшләү еңел түгел. Шулай ҙа “алтын урталыҡ” күптән табылған.
“Карауан” егеттәре – сәхнәлә, ижадта ғына түгел, тормошта ла яҡын дуҫтар. Бер үк йортта, бер үк подъезда йәшәйҙәр, бары тик фатир­ҙары ғына айырым. Ғаиләләре менән аралашалар, ҡунаҡҡа йөрөшәләр. Бер-беребеҙҙе күрмәй торһаҡ, нимәлер етмәгән кеүек тойола башлай, тиҙәр.
Йырсылар бер-береһе менән күптән таныш. Бала саҡтан уҡ улар “Сулпылар”, “Ирәндек моңдары” кеүек конкурстарҙа бер йылда ҡатнашҡан. Аҙаҡ Марсель менән Рөстәм – Өфө сәнғәт училищеһында, Эльмир менән Тимур Өфө дәүләт сәнғәт академияһының театр факультетында бергә уҡыған. Ә академияға тиклем Эльмир Әбүбә­киров сәнғәт училищеһының думбыра класын тамамлаған. Уларға киң танылыу алып килгән “Гәлсәр һандуғас” проектында ла егеттәр бер осорҙа ҡатнашҡан.
Ун йыл эсендә “Карауан” төркөмө республиканың 40-лап районында, сит өлкәләрҙә, Мәскәү кеүек ҙур ҡалаларҙа сығыш яһаған. Уларҙы тамашасылар һәр ваҡыт яратып ҡабул итә, айырыуса ситтә йәшәгән милләттәштәр һағынып көтөп ала. Юлда йөрөгәндә егеттәр менән бик күп ҡыҙыҡ хәл булып тора. Күптән түгел, Йылайыр районына барған саҡта, машиналары тауға менә алмағас, егеттәр ҡарағай ботаҡтарын һындырып, тәгәрмәс аҫтына ташыйҙар. Шул саҡта Эльмир тайып йығылып, ҡулын һындыра яҙа. Йырсылар арып, хәлдән тайып барып етә Һабыр ауылына. Мәлендә ауыр булһа ла, хәҙер ул көндө көлөшөп хәтергә алалар.
Шаян, йор һүҙле егеттәр бер-береһен шаяртып алырға ла күп һорамай. Эльмир ҡала егете булғас, уны аристократ тип йөрөтәләр. Йәнәһе, башҡалар ҡар көрәп, мал ҡарап, бесән сабып, “ҡара” эш менән тәрбиәләнгән.
Тимур дөрөҫ туҡланыуға ҙур иғтибар бүлә һәм күберәк йәшелсә-емеш, йәшел тәмләткес үләндәр ашай. Төркөм эсендәге ҡушаматы “эконом класс”. Сөнки башҡалар яратып ашаған бәлеш-ҡабартманы ул ауыҙына ла алмай.
Рөстәм, тәртип һәм таҙалыҡ ярат­ҡан кеше булараҡ, егеттәрҙән һәр нәмәнең үҙ урынында ятыуын талап итә. Шуға күрә уның менән ҡунаҡханала бергә эләгергә тырышмайҙар.
Ә Марсель бешеренергә ярата, ҡушаматы – “ашнаҡсы”. “Карауан” егеттәре һәр ваҡыт һыйлы һәм туҡ йөрөүҙәре менән уға рәхмәтле. Туҡталған ҡунаҡханаларҙа бешеренергә мөмкинлек булһа, йырсылар бөтөнләй кафеға йөрөмәй: Марсель уларҙы былау, ҡыҙҙырылған тауыҡ, быҡтырылған йәшелсәләр менән һыйлап ҡына тора.
Марселдең бешеренеүенә бәйле ҡыҙыҡ хәл дә булған. Былау бешергән саҡта, ул яңылыш лимон кислотаһы һалынған һыу ҡойоп ебәрә (кемдер сәйнүкте юшҡындан таҙартыр өсөн кислота һалып оҙаҡ ҡына итеп ҡайнатҡан да, һыуын түгергә онотҡан). Шулай итеп, егеттәр былауҙың яңы төрөнән дә ауыҙ итеп ҡараған. Асығып ҡайтҡас, ашамай әмәлең дә юҡ.
4 мартта үтәсәк концертта, башҡорт халыҡ һәм эстрада йырҙарынан тыш, “Карауан” егеттәре итальян, рус телендә лә йырлаясаҡ. Квартет, дуэт, яңғыҙ башҡарыуҙар, шулай уҡ “Каруанһарай” төркөмөнөң элекке составы һәм филармония солистары Екатерина Ямщи­кова, Заһир Иҫәнсурин менән бергә сығыш яһау көтөлә. Йыр-моңға, сәнғәткә битараф булмаған тамашасыларҙы талантлы йырсылар үҙ концертында көтөп ҡала!

"Йәш "Карауан": их моңло ла егеттәр, ә үҙҙәре бик хәтәр!
"Йәш "Карауан": их моңло ла егеттәр, ә үҙҙәре бик хәтәр!
"Йәш "Карауан": их моңло ла егеттәр, ә үҙҙәре бик хәтәр!
"Йәш "Карауан": их моңло ла егеттәр, ә үҙҙәре бик хәтәр!















Оҡшаш яңылыҡтар



«Бер ваҡытта ла бер кемгә лә оҡшарға тырышманым»

«Төрлө сағым була минең дә...»

05.10.2019 - Мәҙәниәт һәм сәнғәт «Төрлө сағым була минең дә...»


Шағирә, продюсер Светлана ШӘРИПОВА: “Тормош дауам итә!”

«Ғәфү ит мине,  әсәй!»

21.09.2019 - Мәҙәниәт һәм сәнғәт «Ғәфү ит мине, әсәй!»


«Тамашасы  ихласлыҡты күрә белә»

19.09.2019 - Мәҙәниәт һәм сәнғәт «Тамашасы ихласлыҡты күрә белә»


Вайнер ҙа – туған тел һаҡсыһы!

05.09.2019 - Мәҙәниәт һәм сәнғәт Вайнер ҙа – туған тел һаҡсыһы!


Күктә балҡый уның йондоҙсоҡтары...

25.08.2019 - Мәҙәниәт һәм сәнғәт Күктә балҡый уның йондоҙсоҡтары...


Туйҙарҙа яралған мөхәббәт

24.08.2019 - Мәҙәниәт һәм сәнғәт Туйҙарҙа яралған мөхәббәт


“Ябай кеше булараҡ уңыш яулап ҡара...”

17.08.2019 - Мәҙәниәт һәм сәнғәт “Ябай кеше булараҡ уңыш яулап ҡара...”


Рәсәйҙең атҡаҙанған мәҙәниәт хеҙмәткәре Рәйес ИСМӘҒИЛЕВ: “Һуғыш суҡмары булдым”

Ни өсөн Эльмира Юлдашеваны “Лунатик” тигәндәр?

“Драматургия – әҙәбиәттең иң ҡатмарлы жанры”

«Урал батыр»ҙы яттан һөйләнеләр

20.06.2019 - Мәҙәниәт һәм сәнғәт «Урал батыр»ҙы яттан һөйләнеләр


«Мәҙәниәт  хеҙмәткәрҙәре өсөн  ял юҡ»

15.06.2019 - Мәҙәниәт һәм сәнғәт «Мәҙәниәт хеҙмәткәрҙәре өсөн ял юҡ»


"Тормошҡа ашмаҫ хыялдар ҡормайым"

27.05.2019 - Мәҙәниәт һәм сәнғәт "Тормошҡа ашмаҫ хыялдар ҡормайым"


Йырсы менән бейеүсе –  шул тиклем пар килгәнсе

«Талантың булмаһа, шоу яһау ярҙам итмәй»

16.05.2019 - Мәҙәниәт һәм сәнғәт «Талантың булмаһа, шоу яһау ярҙам итмәй»


Көтөүсе булырға теләмәһәң, бейеүсе булырға мөмкин

Башҡортостандың атҡаҙанған артисы Лилиә РӘСҮЛЕВА: «Күңелем  романтикаға тартыла»

“Тормошомда осраған  һәр кешегә рәхмәтлемен”

Театр ишеген асҡас...

30.03.2019 - Мәҙәниәт һәм сәнғәт Театр ишеген асҡас...


Аҡыл менән хистәр береккәндә

25.03.2019 - Мәҙәниәт һәм сәнғәт Аҡыл менән хистәр береккәндә


Йәштәр театры һөйөндөрә

23.03.2019 - Мәҙәниәт һәм сәнғәт Йәштәр театры һөйөндөрә


«Бирешмә!» беренсе үҫмерҙәр премияһы

15.03.2019 - Мәҙәниәт һәм сәнғәт «Бирешмә!» беренсе үҫмерҙәр премияһы