НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » » “Рәсәй – Башҡортостан” телеканалы яңы форматҡа күсә

“Рәсәй – Башҡортостан” телеканалы яңы форматҡа күсә



“Рәсәй – Башҡортостан” телеканалында милли тапшырыуҙарға аҙнаһына өс сәғәт бүленә, ошо ваҡытты нисек тә һөҙөмтәлерәк файҙаланыу, милли колоритты күберәк сағылдырыу, ҡыҙыҡлы тапшырыуҙар ойоштороу ниәте менән яна бында эшләүсе ижади коллектив. Бының өсөн бөтә мөмкинлектәр ҙә бар: матур итеп йыһазландырылған студия, юғары сифатлы яңы техник ҡорамалдар. Ғөмүмән, “Рәсәй” телеканалының Башҡортостандағы филиалы иң яҡшы йыһазландырылған филиалдарҙың береһе иҫәпләнә.

– Элекке яҡшы традицияларҙы тергеҙеп, бөтә нәмә лә матур булырға тейеш, тигән күҙлектән сығып эшләйбеҙ. Күптәр, көрсөк заманы тип, сығымдарҙы ҡыҫҡартырға тырышһа, беҙҙең бөтә маҡсатыбыҙ – телевизор ҡараусының ихтыяжын ҡәнәғәтләндерерлек лайыҡлы тапшырыу эшләү, – ти милли тапшырыуҙар бүлеге етәксеһе Уйылдан Ғәлин.
“Уңыш сере”, “Сәләмәтлек”, “Тәнәйҙәр”, “Ауаз”, “Ихлас күңелдән” рубрикалары һәм тапшырыуҙары телевизор ҡараусылар араһында үҙ тамашасыһын табыуына шик юҡ. Бүлектә 15-ләп кеше эшләй. Сәлимә Исламова, Ғәлимйән Ибәтуллин, Ләйсән Тимербулатова, Ғәзиз Лоҡманов, Рәлиә Сәхибгәрәеваларҙың исеме тапшырыуҙар аша күптәргә таныш.
“Ауаз” – иртәнге интерактив, тура эфир­ҙа эшләүсе тапшырыу. Унда бөгөнгө көнүҙәк һәм ҡыҙыҡлы мәсьәләләр тура­һында һөйләшеү алып барыла. Пробле­маларҙы уртаға һалып һөйләшеү һәм килгән ҡунаҡҡа теләгән һорау менән мөрәжәғәт итеү мөмкинлеге биреүе менән әһәмиәтле.
“Рәсәй – Башҡортостан” телеканалының милли бүлеге телевизор ҡараусыларға яңынан-яңы проекттар ҙа тәҡдим итеп тора. Шуларҙың береһе “Әйтер һүҙем бар” тип атала. Әҙәбиәт йылына арналған проектта билдәле шәхестәр үҙҙәренең уй-фекерҙәрен, борсолоуҙарын күңеленә оҡшаған шиғыр аша халыҡҡа еткерә. Проекттың авторы Наилә Сәфәрғәлиева һөйләүенсә, тәү ҡарашҡа ябай ғына күренгән проект халыҡта әле үк ҙур ҡыҙыҡһыныу уятҡан. Шәхестәр үҙҙәре үк унда ҡатнашырға теләк белдереп, редакцияға мөрәжәғәт итә икән. Ысынлап та, бында бик үҙенсәлекле һәм матур сығыштарҙы күҙәтергә мөмкин. Яңы проект халҡыбыҙҙың шиғри йәнле булыуын, күңелендә әҙәбиәткә оло һөйөү һаҡлауын тағы бер ҡат иҫбатлай. Тапшырыуҙың форматы ла үҙенсә­лек­ле: һүҙгә күберәк иғтибар йүнәлтеү өсөн ул аҡлы-ҡаралы төҫтә эфирға сыға.
2000 йылдарҙа күптәр яратып өлгөргән “Гәлсәр һандуғас” фестивале лә яңы һулыш кисерә. Яңы проект “Гәлсәр һандуғас” ҡанаты аҫтында” тип атала һәм уның маҡсаты – мөмкинлектәре сикләнгән балалар араһында яңы таланттарҙы асыҡлау һәм халыҡҡа танытыу. Әле Йылайыр, Хәйбулла райондарында уның тәүге сығарылыштары төшөрөлгән дә инде.
Милли тапшырыуҙар бүлегенең тағы бер һөйөнөслө яңылығы – улар яңы цифрлы форматҡа күсергә әҙерләнә. Тимәк, телевидение тапшырыуҙарын тағы ла сағыуыраҡ һәм яҡшыраҡ сифатта ҡарау мөмкинлеге барлыҡҡа килә, тигән һүҙ.
– Беҙҙе илебеҙҙең төрлө төбәктәрендә ҡарайҙар. Татарстандан, Силәбе, Ҡурған өлкәләренән шылтыратыуҙар күп. Себерҙә лә ҡарарға мөмкин. Телевизор ҡарау­сылар­ға бер үтенесебеҙ бар: ниндәйерәк тапшырыуҙар күрергә теләүҙәрен, нимәгә күберәк иғтибар йүнәлтергә кәрәклеген, тапшырыуҙарҙың сифатын күтәреү хаҡында тәҡдимдәрен дә еткерһәләр, бик шат булыр инек, – ти бүлек етәксеһе Уйылдан Ғәлин.

С. АМАНТАЕВА.
Ю. КӘРИМОВ фотоһы.

Сығыу ваҡыты 16-04-2015, 09:28 | Ҡаранылар: 618
|
  • Йәш "Юлдаш"тарыбыҙ күңеленә һалынған "Күпер"
  • Юлдаш телеканалы яңы миҙгелде башлай
  • Бәхетнәмә бәхет өләшә
  • «Евразия тауышы» яңғыраны
  • Балалар китап уҡыһын
  • Информация

    Комментировать статьи на сайте возможно только в течении 4 дней со дня публикации.


  • “Уның үлемен теләп йәшәнем...”
  • Еҙнәм инең (хикәйә)
  • “Кеше үлемендә минең дә ғәйебем бар...”
  • Мин һәр саҡ табип хатаһы ебәреүҙән ҡурҡа инем...
  • Үәт, ҡыҙыҡ! (10.11.2017)
  • Үәт, ҡыҙыҡ! (17.11.2017)
  • Ләйсән Ҡаразбаева хәбәр итә:
  • Татлы һөйөүҙән кем туйған?
  • ҺАБАҠ (хикәйә)
  • Үәт, ҡыҙыҡ! (24.11.2017)



  • Радио Юлдаш FM