RSS-подписка Вконтакте Вконтакте
» » Гөрләп тора йыр-моң бишеге

30.01.2015 Гөрләп тора йыр-моң бишеге

Бына шаулап-гөрләп Мә­ҙәниәт йылы ла үтеп китте. Филармониябыҙ, ғөмүмән, артистарыбыҙ, ижади халыҡ өсөн ул көтөп алынған һәм әһәмиәтле, фәһемле йыл булды.

Иң ҡыуаныслыһы – артистарҙың эш хаҡы бермә-бер артты. Был ижад кешеләре өсөн мөһим мәсьә­ләләрҙең береһе.
Филармониябыҙҙың матди-техник базаһы ла күпкә нығынды. Сәхнәне яҡтыртыу, тауыш аппаратураһы, артистарға яңы сәхнә костюмдары һатып алынды.
Әйтергә кәрәк, беҙҙең гастролдәр географияһы ла киңәйә бара. Ижади коллективтарыбыҙ республикабыҙҙың ғына түгел, Рәсәйҙең дә төрлө төбәктәрендә йыш сығыш яһай. Быға беҙҙең мәҙәниәт уса­ғының күп милләтле коллективлы булыуы ла киң мөмкинлек бирәлер.
«У сэм» мари эстрада төркөмө – Мари Иленең йыш ҡунағы. «Түңгәүер» бейеү ансамбле концерттары менән Рәсәйҙе арҡыры-буйлы йөрөп сыҡты, тиһәң дә, хата булмаҫ. Улар бигерәк тә Себер яҡтарында, Ханты-Манси автономиялы округында, Силәбе, Ҡур­ған, Ырымбур өлкәләрендә һәм башҡа республикаларҙа йыш була.
Әйткәндәй, «Ҡәрҙәштәр» баш­ҡорт эстрада, «Ҡайтауаз» татар төркөмдәре лә республика төбәктәре менән генә хушһынмай. Улар­ҙы хәҙер илебеҙ ҡала-ауылдарында ла көтөп алалар.
Бик күп сараһы, тематик концерты, шоу-программаһы менән фи­лармониябыҙҙың әҙәби-музыкаль лекторийы иғлан ителгән йылдар­ҙы билдәләүгә ҙур өлөш индерә. Тап был коллектив милли шәхестәребеҙҙе пропагандалауҙа, исемдәрен мәңгеләштереүҙә мөһим роль уйнай, йәш быуынды республиканың һәм илдең рухи байлығы менән таныштырыуҙа етди ҡорал булып тора.
Әҙәбиәт йылын да Нефтекама дәүләт филармонияһы әүҙем башлап ебәрҙе. Әҙәби-музыкаль лекторий был йылға ҡарата махсус программалар әҙерләне лә инде. Уларҙың береһе – бөйөк рус яҙыу­сыһы Михаил Лермонтовтың тыуыуына 200 йыл тулыуға арнал­ған ҡыҙыҡлы һәм бай программа.
Ошо концерт программаһы менән мәҙәниәт усағыбыҙ республикала иғлан ителгән Әҙәбиәт йылын асыу сараһында ҡатнашты. Бының менән бер үк ваҡытта башҡа тамашалар ҙа үтәсәк.
Ә инде 7 февралдә Әҙәбиәт йы­лы һәм Бөйөк Еңеүҙең 70 йыллығына арналған ҙур концерт ме­нән Нефтекама ҡалаһында сығыш яһағандан һуң филармониябыҙ Көньяҡ Урал зонаһы райондарына гастролгә юлланасаҡ.
Уларҙы 8 февралдә – «Яҡтыкүл» санаторийы, 9-ында – Бело­рет, 10-ында – Асҡар, 11-ендә – Сибай, 12-һендә – Баймаҡ, 13-дә Яңы Собханғол тамашасылары көтә.

Зилә АҘНАБАЕВА,
Нефтекама дәүләт
филармонияһының әҙәби-эстрада бүлеге етәксеһе,
БР-ҙың атҡаҙанған мәҙәниәт
хеҙмәткәре.










Оҡшаш яңылыҡтар



«Бер ваҡытта ла бер кемгә лә оҡшарға тырышманым»

«Төрлө сағым була минең дә...»

05.10.2019 - Мәҙәниәт һәм сәнғәт «Төрлө сағым була минең дә...»


Шағирә, продюсер Светлана ШӘРИПОВА: “Тормош дауам итә!”

«Ғәфү ит мине,  әсәй!»

21.09.2019 - Мәҙәниәт һәм сәнғәт «Ғәфү ит мине, әсәй!»


«Тамашасы  ихласлыҡты күрә белә»

19.09.2019 - Мәҙәниәт һәм сәнғәт «Тамашасы ихласлыҡты күрә белә»


Вайнер ҙа – туған тел һаҡсыһы!

05.09.2019 - Мәҙәниәт һәм сәнғәт Вайнер ҙа – туған тел һаҡсыһы!


Күктә балҡый уның йондоҙсоҡтары...

25.08.2019 - Мәҙәниәт һәм сәнғәт Күктә балҡый уның йондоҙсоҡтары...


Туйҙарҙа яралған мөхәббәт

24.08.2019 - Мәҙәниәт һәм сәнғәт Туйҙарҙа яралған мөхәббәт


“Ябай кеше булараҡ уңыш яулап ҡара...”

17.08.2019 - Мәҙәниәт һәм сәнғәт “Ябай кеше булараҡ уңыш яулап ҡара...”


Рәсәйҙең атҡаҙанған мәҙәниәт хеҙмәткәре Рәйес ИСМӘҒИЛЕВ: “Һуғыш суҡмары булдым”

Ни өсөн Эльмира Юлдашеваны “Лунатик” тигәндәр?

“Драматургия – әҙәбиәттең иң ҡатмарлы жанры”

«Урал батыр»ҙы яттан һөйләнеләр

20.06.2019 - Мәҙәниәт һәм сәнғәт «Урал батыр»ҙы яттан һөйләнеләр


«Мәҙәниәт  хеҙмәткәрҙәре өсөн  ял юҡ»

15.06.2019 - Мәҙәниәт һәм сәнғәт «Мәҙәниәт хеҙмәткәрҙәре өсөн ял юҡ»


"Тормошҡа ашмаҫ хыялдар ҡормайым"

27.05.2019 - Мәҙәниәт һәм сәнғәт "Тормошҡа ашмаҫ хыялдар ҡормайым"


Йырсы менән бейеүсе –  шул тиклем пар килгәнсе

«Талантың булмаһа, шоу яһау ярҙам итмәй»

16.05.2019 - Мәҙәниәт һәм сәнғәт «Талантың булмаһа, шоу яһау ярҙам итмәй»


Көтөүсе булырға теләмәһәң, бейеүсе булырға мөмкин

Башҡортостандың атҡаҙанған артисы Лилиә РӘСҮЛЕВА: «Күңелем  романтикаға тартыла»

“Тормошомда осраған  һәр кешегә рәхмәтлемен”

Театр ишеген асҡас...

30.03.2019 - Мәҙәниәт һәм сәнғәт Театр ишеген асҡас...


Аҡыл менән хистәр береккәндә

25.03.2019 - Мәҙәниәт һәм сәнғәт Аҡыл менән хистәр береккәндә


Йәштәр театры һөйөндөрә

23.03.2019 - Мәҙәниәт һәм сәнғәт Йәштәр театры һөйөндөрә


«Бирешмә!» беренсе үҫмерҙәр премияһы

15.03.2019 - Мәҙәниәт һәм сәнғәт «Бирешмә!» беренсе үҫмерҙәр премияһы