RSS-подписка Вконтакте Вконтакте
» » Өфөлә үткән “Ҡала мөхите” фестивале һәйбәт башланғыстарҙы үҫтереүгә булышлыҡ итә

21.11.2014 Өфөлә үткән “Ҡала мөхите” фестивале һәйбәт башланғыстарҙы үҫтереүгә булышлыҡ итә

Өфөлә үткән “Ҡала мөхите” фестивале һәйбәт башланғыстарҙы үҫтереүгә булышлыҡ итә Өфөлә үткән “Ҡала мөхите” фестивале һәйбәт башланғыстарҙы үҫтереүгә булышлыҡ итә Өфөлә үткән “Ҡала мөхите” фестивале һәйбәт башланғыстарҙы үҫтереүгә булышлыҡ итә Өфөлә үткән “Ҡала мөхите” фестивале һәйбәт башланғыстарҙы үҫтереүгә булышлыҡ итә 14 ноябрҙә М. Кәрим исемендәге Милли йәштәр театрында “Ҡала мөхите” Х халыҡ-ара социаль реклама фестивалендә еңеүселәрҙе тәбрикләү тантанаһы үтте.

Быйыл сара үҙенең юбилейын билдәләне – уға ун йыл тулды. Шуныһы үҙенсәлекле – күргәҙмәлә 2015 йылда ШОС-БРИКС саммитында ҡатнашасаҡ илдәрҙән дә эштәр булды. Фестивалде Өфө ҡала хакимиәте, БР Матбуғат һәм киң мәғлүмәт саралары агентлығы, “Сигма” маркетинг коммуникациялары агентлығы ойошторҙо.

Тәү ҡарамаҡҡа ун йыл ваҡыт әҙ һымаҡ тойола. Ләкин ошо дәүерҙә фестиваль республикабыҙҙа һөнәри реклама берлеге булдырҙы. Конкурс эштәрен төрлө дәүләт ведомстволары үҙҙәренең социаль проекттарында йылдан-йыл киң файҙалана. Бында БР Хеҙмәт һәм халыҡты социаль яҡлау министрлығы, Наркотиктар әйләнешенә контроль итеү буйынса федераль хеҙмәттең БР буйынса идаралығы, Өфө ҡала хакимиәте һәм уның идаралыҡтарын әйтеү ҙә етә.
“Ҡала мөхите” фестивале ун йыл дауамында Башҡортостанда һәм ҡалала төрлө социаль башланғыстарҙы үҫтереүгә булышлыҡ итте. Бындай реклама өлкәһе белгестәре һаны ла артҡандан-арта бара.

Быйылғы фестивалдең баһалама ағзалары булып федераль кимәлдә танылыу яулаған эксперттар сығыш яһаны. Комиссияға “Со­циаль реклама лабораторияһы” АНО-һы етәксеһе, “Юғары иҡтисад мәктәбе” милли эҙләнеү университеты доценты, “Социальная реклама.Ру” порталы етәксеһе Гюзелла Нико­лай­швили рәйес булды. Мәскәүҙән һәм Түбәнге Новгородтан килгән эксперттар реклама һәм пиар өлкәһендәге темалар буйынса оҫталыҡ дәрестәре үткәрҙе.

Өфөлә үткән “Ҡала мөхите” фестивале һәйбәт башланғыстарҙы үҫтереүгә булышлыҡ итә Өфөлә үткән “Ҡала мөхите” фестивале һәйбәт башланғыстарҙы үҫтереүгә булышлыҡ итә Өфөлә үткән “Ҡала мөхите” фестивале һәйбәт башланғыстарҙы үҫтереүгә булышлыҡ итә Өфөлә үткән “Ҡала мөхите” фестивале һәйбәт башланғыстарҙы үҫтереүгә булышлыҡ итә Фестивалгә үҙҙәренең эштәрен Кали­нинград, Хабаровск, Харьков, Одесса, Минск, Алматы ҡалаларында йәшәгән автор­ҙар ҙа ебәргәйне. Бөтәһе 430 эш тәҡдим ителде. Улар араһында, йылдағыса, студенттар әүҙем сығыш яһаны – 233 проект. Социаль реклама өлкәһенә яңы аяҡ баҫыусылар 102 эш ебәрһә, һөнәри яҡтан нығынғандар 91 ижад емешен тәҡдим итте. Улар араһында аудио һәм видеороликтар, тышҡы социаль реклама эскиздары, полиграфия продукцияһы өлгөләре, интернет проекттары, акциялары сценарийҙары, фотоһүрәттәр, реклама текстары, слогандар, социаль өлкәгә реклама йәки PR-кампаниялар бар ине. Күргәҙмәлә, быйыл­ғы еңеүселәрҙең эштәре менән бер рәттән, үткән йылдарҙың иң яҡшы проекттары менән танышырға мөмкин булды.
Гюзелла Николайшвили әйтеүенсә, быйыл эштәр араһында бик ҡыҙыҡлы һәм көтөлмәгән проекттар осраған. Ул шулай уҡ мәҙәнилекте тергеҙеү һәм һаҡлау, интернет хәүеф­һеҙлеге өлкәһендәге проекттарҙы юғары баһаланы, студенттар эштәренең һөнәрмәндәрҙекенән бер ҙә ҡалышмауын билдәләне.

Өфөлә үткән “Ҡала мөхите” фестивале һәйбәт башланғыстарҙы үҫтереүгә булышлыҡ итә Өфөлә үткән “Ҡала мөхите” фестивале һәйбәт башланғыстарҙы үҫтереүгә булышлыҡ итә Фестивалдең гран-прийын “Законы сохранения детства” эше менән Нина Проселкова, Никита Зубарев (Омск) яуланы. 1-се урынға Павел Павлов (Хабаровск, “Не вешай ярлыки” видеоролигы), Елена Максимова (Харьков, “Используй по назначению” эштәр серияһы) лайыҡ булды. 2-се урынды – Степан Масычев (Өфө, “Захватывающая книга” видеоролигы), Антон Коченевский (Омск, “Дети в интернете”), өсөнсөнө Светлана Наумова (Өфө, “Культурный мусор”) алды.

“Социаль өлкәлә комплекслы реклама йәки PR-кампания” номинацияһында Светлана Наумова (Өфө), Владимир Куликов (Мәскәү, “Cloomba” проекты), Элина Лазарева (Өфө, “Детский телефон доверия”) билдәләнде. “Социаль акция, сара сценарийы”нда Айрат Ғилманов (Өфө, “Ломая барьеры” йәмәғәт проекты), Артем Аванесов (Армавир, “Весомый пассажир”) танылды. “Социаль интернет-реклама” номинацияһында 1-се урын Антон Коченевскийға (Омск) бирелде. “Социаль фотография” буйынса Өфө йәштәре Марина Демченко (“Честный человек”), Дмитрий Айсыуаҡов (“Праздник”) танылды. “Социаль йүнәлешле полиграфия продукцияһы” йүнәлешендә Нина Проселкова, Никита Зубарев (Омск, “Законы сохранения детства”), Илдар Вәлишин (Өфө, “Рабство – дело добровольное”) иң яҡшылар иҫәбендә. “Тышҡы реклама” номинацияһында – Анна Блохина, Аделина Миңлебаева (Өфө, “Не спорь с зеброй”), Елена Максимова (Харьков, “Используй по назначению”), “Социаль аудиоролик/аудиороликтар серияһы”нда – Антон Хохлов (Өфө, “Здоровый образ жизни” циклы). “Социаль видеоролик/ видеороликтар серияһы” номинацияһында Татьяна Ефимова (Мәскәү, “Женщины с ВИЧ”), Степан Масычев (Өфө, “Захватывающая книга”), Павел Павлов (Хабаровск, “Не вешай ярлыки”) тәүгеләр булды.

Айбулат ИШНАЗАРОВ.
Автор фотолары.

Фекерҙәр

Марат ҒӘЗИЗОВ, БР Матбуғат һәм киң мәғлүмәт саралары агентлығы етәксеһе урынбаҫары:
– “Ҡала мөхите” фестивале үҙенең талантын һәм күңелен мөһим социаль бурыстарҙы үтәргә теләгән талантлы кешеләрҙең статусын күтәреүгә булышлыҡ итә. Был сарала социаль реклама заказсылары – төрлө ведомстволар, министрлыҡтар, реклама етештереүселәр, дөрөҫ, һөнәри яҡтан тикшерелгән продукт етештерергә теләгән кешеләр осраша. Беҙ фестивалдең ошондай тотороҡло репутацияһы булып, ул нығынһа, тик ҡыуаныр ғына инек.

Камил ЮЛАЕВ, Өфө ҡала хакимиәтенең матбуғат хеҙмәте – мәғлүмәт-аналитика бүлеге начальнигы:
– “Ҡала мөхите” йәмғиәткә файҙалы идеяларҙы тормошҡа атҡарыусы һәм шуның менән йәмғиәткә ҡағылышлы һорауҙарҙы хәл итеүсе кешеләрҙең ижади лабораторияһы булып тора. Баш ҡала хакимиәте артабан да фестивалде үткәрергә ярҙам итәсәк, иң яҡшы эштәр­ҙе урынлаштырыу өсөн урамдарҙа реклама майҙандары бүләсәк.

Гюзелла НИКОЛАЙШВИЛИ, баһалама комиссияһы рәйесе:
– Рәсәйҙә социаль рекламаға арнал­ған фестивалдәр быға тиклем күп үткәрелде. Үкенескә күрә, һуңғы йылда ғына уларҙың һаны ҡырҡа кәмене. Шулай ҙа Өфө ҡалаһының был файҙалы инициативаны төбәк һәм ҡала кимәлендә һүрелтмәүе бик һөйөнөслө. Быйылғы фестиваль тағы ла юғарыраҡ талаптар ҡуйҙы. Киләһе йылдарҙа ҡатнашыусылар уларға тулыһынса яуап бирер, тип ышанайыҡ.










Оҡшаш яңылыҡтар



«Бер ваҡытта ла бер кемгә лә оҡшарға тырышманым»

«Төрлө сағым була минең дә...»

05.10.2019 - Мәҙәниәт һәм сәнғәт «Төрлө сағым була минең дә...»


Шағирә, продюсер Светлана ШӘРИПОВА: “Тормош дауам итә!”

«Ғәфү ит мине,  әсәй!»

21.09.2019 - Мәҙәниәт һәм сәнғәт «Ғәфү ит мине, әсәй!»


«Тамашасы  ихласлыҡты күрә белә»

19.09.2019 - Мәҙәниәт һәм сәнғәт «Тамашасы ихласлыҡты күрә белә»


Вайнер ҙа – туған тел һаҡсыһы!

05.09.2019 - Мәҙәниәт һәм сәнғәт Вайнер ҙа – туған тел һаҡсыһы!


Күктә балҡый уның йондоҙсоҡтары...

25.08.2019 - Мәҙәниәт һәм сәнғәт Күктә балҡый уның йондоҙсоҡтары...


Туйҙарҙа яралған мөхәббәт

24.08.2019 - Мәҙәниәт һәм сәнғәт Туйҙарҙа яралған мөхәббәт


“Ябай кеше булараҡ уңыш яулап ҡара...”

17.08.2019 - Мәҙәниәт һәм сәнғәт “Ябай кеше булараҡ уңыш яулап ҡара...”


Рәсәйҙең атҡаҙанған мәҙәниәт хеҙмәткәре Рәйес ИСМӘҒИЛЕВ: “Һуғыш суҡмары булдым”

Ни өсөн Эльмира Юлдашеваны “Лунатик” тигәндәр?

“Драматургия – әҙәбиәттең иң ҡатмарлы жанры”

«Урал батыр»ҙы яттан һөйләнеләр

20.06.2019 - Мәҙәниәт һәм сәнғәт «Урал батыр»ҙы яттан һөйләнеләр


«Мәҙәниәт  хеҙмәткәрҙәре өсөн  ял юҡ»

15.06.2019 - Мәҙәниәт һәм сәнғәт «Мәҙәниәт хеҙмәткәрҙәре өсөн ял юҡ»


"Тормошҡа ашмаҫ хыялдар ҡормайым"

27.05.2019 - Мәҙәниәт һәм сәнғәт "Тормошҡа ашмаҫ хыялдар ҡормайым"


Йырсы менән бейеүсе –  шул тиклем пар килгәнсе

«Талантың булмаһа, шоу яһау ярҙам итмәй»

16.05.2019 - Мәҙәниәт һәм сәнғәт «Талантың булмаһа, шоу яһау ярҙам итмәй»


Көтөүсе булырға теләмәһәң, бейеүсе булырға мөмкин

Башҡортостандың атҡаҙанған артисы Лилиә РӘСҮЛЕВА: «Күңелем  романтикаға тартыла»

“Тормошомда осраған  һәр кешегә рәхмәтлемен”

Театр ишеген асҡас...

30.03.2019 - Мәҙәниәт һәм сәнғәт Театр ишеген асҡас...


Аҡыл менән хистәр береккәндә

25.03.2019 - Мәҙәниәт һәм сәнғәт Аҡыл менән хистәр береккәндә


Йәштәр театры һөйөндөрә

23.03.2019 - Мәҙәниәт һәм сәнғәт Йәштәр театры һөйөндөрә


«Бирешмә!» беренсе үҫмерҙәр премияһы

15.03.2019 - Мәҙәниәт һәм сәнғәт «Бирешмә!» беренсе үҫмерҙәр премияһы