RSS-подписка Вконтакте Вконтакте
» » Иманға килеү рухымды үҫтерә

28.02.2014 Иманға килеү рухымды үҫтерә

Иманға килеү рухымды үҫтерәМөхәммәт бәйғәмбәрҙең күркәм сифаттары, ғәмәлдәре тураһында туғыҙ йәштәр самаһы булғанда өләсәйемдән ишеткәйнем. Уның һөйләгәндәре күңелемә шул тиклем уйылып ҡалған. Йылдар үткәс, үҙем дә дин юлына баҫырға булдым. Иман йортонда мосолман үҙен нисек тоторға тейешлеге хаҡында һөйләүем ғибәҙәт ҡылған оло инәйҙәргә оҡшаманы. Улар мине ҡыуып сығарҙы. Атеистарҙың күплеге, бәлки, ҡайһы бер кешеләрҙең аңһыҙлығы, вайымһыҙлығы арҡаһындалыр, тип уйлап ҡуям.
Өфөлә уҡыған ваҡытымда Ҡөрьән китабы, намаҙлыҡ һатып алып, үҙемсә әҙерлек үтеп, мәсеткә ғәрәпсә уҡырға өйрәнеү курсына киттем. Бер намаҙға киткән ваҡытымда булған ғына аҡсамды урлағандар. Ул аҡса минең һуңғы һумдарым ине. Был хәлде белеп ҡалған имам үҙенең аҡсаһын сығарып тотторҙо. Ошо ваҡиға мине тағы өс йылға диндән алыҫлаштырҙы. Намыҫһыҙ әҙәмдәр менән бергә мәсеткә йөрөгөм килмәне. Ләкин төшөмдә йыш ҡына үҙемде хиджабта күрәм, йән тыныслығы кисерәм, өнөмдә лә шул тойғолар солғанышында йөрөй инем. Әммә күңелдә һис тыныслыҡ юҡ. Юҡ-барға ҡайғырам, күңел төшөнкөлөгөнә биреләм.
Шул йылда ҡапыл атайым вафат булды. Ғаиләбеҙ менән шаңҡып ҡалдыҡ. Минең менән ниҙер булды. Урамға сыҡһам, өҫтөмдә нимәлер етмәгән кеүек тойола. Дин ҡанундарын теүәл үтәйем, Аллаһы Тәғә­ләнән ауыр мәлдә ярҙам, ярлыҡау һорайым, хәйер бирәм. Күңелдә уға бурыслы булыу тойғоһо көсәйгәндән-көсәйҙе. Ошондай минуттарҙың береһендә, 1 майҙан яулыҡ ябынам һәм хиджаб кейәм, тип үҙ-үҙемә һүҙ бирҙем. Ниәтемде белеп ҡалған апайым бик матур ике хиджаб бүләк итеп, күңелемде үҫтереп ебәрҙе. Ниһайәт, балалыҡ хыялымды тормошҡа ашырып, хаҡ ислам динен ҡабул иттем. Хәҙер йәнем дә, тәнем дә тынысланды. Үҙемде Аллаһы Тәғәләнең яҡлауын, һаҡлауын тоям. Дин минең өсөн рухымды үҫтереү, нығытыу сараһы. Үҙемде ысын мосолман ҡыҙы тип һанау тәртипкә, сабыр, түҙем булырға өйрәтә. Көн дә насар ғәҙәттәр менән эске көрәш бара. Ислам – ул әҙәп- әхлаҡ тотҡаһы. Уға таянып, ныҡлы ғаилә ҡораһың, иманлы балалар үҫтерәһең. Ысынбарлыҡта тормош үҙ яйы менән аға – шул уҡ дуҫтар, туғандар, эш, ваҡ-төйәк мәшәҡәттәр…

Миңһылыу УСМАНОВА.

Сибай ҡалаһы.










Оҡшаш яңылыҡтар



Төш һөйләү гонаһмы?

18.10.2019 - Иман Төш һөйләү гонаһмы?


Ауырып киткәндә уҡыла

Доға ҡабул булһын өсөн хәләл ризыҡ ашағыҙ

Ҡайғы-хәсрәттәргә сабыр итеп доға ҡылыу

Намаҙ уҡыуҙың әжере

13.09.2019 - Иман Намаҙ уҡыуҙың әжере


Бойоҡҡанда һәм борсолғанда уҡыла торған доға

Иҫерткес эсемлек эскәндең  доғаһы 40 көн буйына ҡабул булмаҫ

100 һумлыҡ сәфәр

30.08.2019 - Иман 100 һумлыҡ сәфәр


Фәһемле төштәр хаҡында

Изгелекте күберәк эшлә, Хоҙай сауабын бирер

Ҡорбан салыу – шәфҡәтлелек, мәрхәмәтлелек, рәхимлелек билдәһе

Мөғжизәле йомортҡа

09.08.2019 - Иман Мөғжизәле йомортҡа


Күҙ тейгәндә уҡыла торған доғалар

Кешене изге ғәмәлдәре ҡотҡара

Зөлхизә айында намаҙ ваҡыты

Көнсөлдәрҙән Хоҙайға һыйынығыҙ

Саҙаҡа бәләнән һаҡлар

Йөрәк бәйләнеше

19.07.2019 - Иман Йөрәк бәйләнеше


Зөлҡәғиҙә айында намаҙ ваҡыты

Күҙ тейгәндә уҡыла торған доғалар

Ураҙа тотоу – изге ғәмәл...

Өйрәнәйек доғалар!

04.06.2019 - Иман Өйрәнәйек доғалар!


Хоҙай ураҙаларыбыҙҙы ҡабул итһен!

Ғәйет намаҙы нисек уҡыла?