RSS-подписка Вконтакте Вконтакте
» » Алла – тәрбиәсе һәм уҡытыусы

20.07.2018 Алла – тәрбиәсе һәм уҡытыусы

Алла – тәрбиәсе һәм уҡытыусы
Аллаһы Раббыбыҙ – тәрбиәсе һәм уҡытыусы. Беҙ барыбыҙ ҙа Унан дәрес алыусылар. Ул үҙенең хикмәте менән һәр көн ҡолдарына дәрес бирә. Беҙ, донъяға яратылған бәндәләр, тормош һабаҡтарынан ниғмәт алып, үҙебеҙҙең хаталарыбыҙҙы төҙәтеп, саф-пак хәлдә ҡабат Алла хозурына ҡайтырға тейешбеҙ. Бер кем дә, баймы, ярлымы ул, йәнен үҙе теләгән тиклем тота алмай, ҡасандыр Уға ҡайтырға тейеш. Шуға ла йәнебеҙҙе, күңелебеҙҙе паклар өсөн беҙгә ислам дине бирелде.

Бөгөн дин тоторға, дини белем алырға мөмкинлектәр күп. Әммә беҙ һаман да гонаһ ҡылыуҙан туҡтамайбыҙ. Бәйғәм­бәребеҙ: «Хәрәм юл менән ингән бер һум аҡсанан баш тартыу мең һум саҙаҡа биреүҙән хәйерлерәк», – тигән. Бөгөн күбебеҙ, ниндәй юл менән килеүен аңламайынса, мал йыйыу менән мәшғүл. Ә күп осраҡта байлыҡ һәм дәрәжә кешенең нәфсеһе аҙыуына сәбәпсе була. Мөхәммәт бәйғәмбәр ҙә: «Йәннәткә иң һуңынан байҙар инер», – тигән. Икенсе бер хәҙисендә: «Бер сәғәт ауырыу-сырхауға, бер аҙ мәшәҡәткә сабыр итеү – бер йыл нәфел ғибәҙәтенән артыҡ», – тип белдергән.
Алла үҙенең ниғмәттәрен сикләп тә, беҙҙе уйланырға мәжбүр итә, дәрес бирә, дөрөҫ йәшәмәүебеҙҙе иҫебеҙгә төшөрә. Шуның өсөн, ниндәй генә борсоу-мәшәҡәт, зыян, ауырыу килһә лә, хаталарыбыҙҙы эҙләргә һәм тәүбә ҡылырға кәрәк. Алланың рәхмәте шул ҡәҙәр киң – Ул бер ҡасан да тәүбә ишеген япмай. Ҡөрьән Кәримдең «Фуркан» сүрәһендә лә: «Берәү гонаһтарынан тәүбә ҡылып, Алла ризалығы өсөн ғәмәлдәр ҡылһа, Ул уның әүәлге гонаһтарын изгелеккә алмаштырыр», – тиелә. Бәйғәмбәребеҙ ҙә: «Берәү тәүбә ҡылһа, Алла ризығын киң ҡылыр», – тигән. Ҙур гонаһтарҙан да яманыраҡ гонаһ – тәүбәне кисектереү. Тиҙерәк тәүбәгә кил, иман менән донъянан үтеүҙе кәсеп итә башла, һуңға ҡалыуың бар. Боҙоҡ эштәрҙән ҡалҡан итеп беҙгә намаҙ ғибәҙәте бирелде. Бөгөн намаҙҙы өйрәнергә бөтә мөмкинлектәр бар. Ниндәй генә ҡаза килһә лә, Хоҙайға тәҡүә ҡылырға һәм шөкөр итергә кәрәк.
Алла бирер әле, тип ҡыбырламай ятыу ҙа дөрөҫ түгел. Биргән ниғмәттәргә шөкөр итергә лә кәрәк. Ҡөрьән Кәримдең «Ибраһим» сүрәһендә: «Әгәр ниғмәттәремә шөкөр итһәгеҙ, ниғмәттәрегеҙҙе арттырырмын», – тип иҫкәртелә. Ризыҡты күбәйтә торған тағы бер ғәмәл – туғандар, дин ҡәрҙәштәр менән аралашыу, изге ғәмәлдәр ҡылыу. Хатта бит Мөхәммәт бәйғәмбәр ҙә: «Күршең ас булһа, мул табын артында ултырыуың дөрөҫ түгел», – тигән.
Иҫән-һаубыҙ, сәләмәтлек бар икән, тағы нимә кәрәк? Хоҙайға инанып, Ул ҡушҡанса йәшәргә тырышайыҡ. Гонаһтарға тәүбә ҡылһаҡ, намаҙға баҫһаҡ, дин ҡушҡандарҙы үтәһәк, булғанына шөкөр итһәк, иншалла, Раббыбыҙ ризығыбыҙҙы киңәйтер. Изге эштәребеҙҙә бер-беребеҙгә ярҙамсы булып, ислам динендә йәшәргә, донъяла «Ләәә иләәһә илләллааһү мүхәммәҙәррәсүлүллаааһ», – тип иман менән үтергә һәм йәннәттә осрашырға насип булһын.










Оҡшаш яңылыҡтар



Төш һөйләү гонаһмы?

18.10.2019 - Иман Төш һөйләү гонаһмы?


Ауырып киткәндә уҡыла

Доға ҡабул булһын өсөн хәләл ризыҡ ашағыҙ

Ҡайғы-хәсрәттәргә сабыр итеп доға ҡылыу

Намаҙ уҡыуҙың әжере

13.09.2019 - Иман Намаҙ уҡыуҙың әжере


Бойоҡҡанда һәм борсолғанда уҡыла торған доға

Иҫерткес эсемлек эскәндең  доғаһы 40 көн буйына ҡабул булмаҫ

100 һумлыҡ сәфәр

30.08.2019 - Иман 100 һумлыҡ сәфәр


Фәһемле төштәр хаҡында

Изгелекте күберәк эшлә, Хоҙай сауабын бирер

Ҡорбан салыу – шәфҡәтлелек, мәрхәмәтлелек, рәхимлелек билдәһе

Мөғжизәле йомортҡа

09.08.2019 - Иман Мөғжизәле йомортҡа


Күҙ тейгәндә уҡыла торған доғалар

Кешене изге ғәмәлдәре ҡотҡара

Зөлхизә айында намаҙ ваҡыты

Көнсөлдәрҙән Хоҙайға һыйынығыҙ

Саҙаҡа бәләнән һаҡлар

Йөрәк бәйләнеше

19.07.2019 - Иман Йөрәк бәйләнеше


Зөлҡәғиҙә айында намаҙ ваҡыты

Күҙ тейгәндә уҡыла торған доғалар

Ураҙа тотоу – изге ғәмәл...

Өйрәнәйек доғалар!

04.06.2019 - Иман Өйрәнәйек доғалар!


Хоҙай ураҙаларыбыҙҙы ҡабул итһен!

Ғәйет намаҙы нисек уҡыла?