RSS-подписка Вконтакте Вконтакте
» » Мәсет – ауылға бәрәкәт

21.09.2016 Мәсет – ауылға бәрәкәт

Мәсет – ауылға бәрәкәт Америкала йәшәүсе башҡорт егете Илсур Ғиниәтуллин атаһы иҫтәлегенә мәсет һалды

Һәр кешенең хыялы була. Хыялһыҙ кеше – ҡанатһыҙ ҡош, тип юҡҡа ғына әйтмәйҙәр, хыял барыбыҙға ла йәшәргә, ауырлыҡтарҙы еңеп сығырға көс өҫтәй. Берәүҙәр матди байлыҡ тураһында янһа, икенселәр күңелендә изге хыял йөрөтә.

Салауат райо­нының Әлкә ауылы уҙаманы Фуат Ғи­ниәтуллиндың хыялы яҡты, ниәттәре изге була. Ул тыуған ауылында мәсет һалырға ниәтләй. Ҡыҙға­ныс­ҡа ҡар­шы, уйҙарын тормош­ҡа ашырырға на­сип булмай. Ҡаты сир уны беҙҙең арабыҙҙан алып китте. Әммә үҙе булмаһа ла, уның тураһындағы яҡты иҫтәлек халыҡ араһында йәшәй, Фуат Хәлил улының эшен дауам итеүселәр бар. Ҡа­тыны Луиза Вә­ли ҡыҙы, Америка­ла йәшәүсе улы Илсур һәм ҡыҙы Светлана, яҡындарының хыялын тормошҡа ашырып, мәсет төҙөнө.
Илсур Ғиниәтуллин төп бағыусы булһа, Өфө ҡалаһынан Рифмир Йоносов үҙ бригадаһы менән "Фуат Хәлил улы" мәсетен дүрт айҙа һалды. Төҙөүселәрҙе ашатыу, төҙөлөштә кәрәк булған материалдарҙы алыу, килтереү һәм башҡа мөһим эштәрҙе Луиза Вәли ҡыҙы һәм Светлана Фуат ҡыҙы уңышлы атҡарып сыҡты. Әлкә ауыл биләмәһе хакимиәте башлығы Руслан Низамов, "Янғантау" шифаханаһы директоры урынбаҫары Айрат Нурмөхәмәтов бағыу­сылыҡ ярҙамы күрһәтһә, Франгил Вәлиуллин, Илнар Әхмәтйәнов, Ришат Зиннуров, Вил Сиражев, Илдар Ибраһимов, Айҙар Басиров, Булат Миңләхмәтов, Рифат Ғүмәров, Дамир Йәғәфәров, Ирек Йоносов төҙөлөш эшенә ҙур өлөш индерҙе.
Мәсетте асыу тантанаһы ҙур байрамға әүерелеп, изге сараға район етәкселәре, Өфө ҡунаҡтары, Әлкә һәм күрше ауылдар халҡы йыйылғайны. Район хакимиәте башлығы Ғәли Хәйретдинов, Салауат районы имам-мөхтәсибе Мөҙәрис Фәрхиев, Әлкә ауыл биләмәһе хакимиәте башлығы Руслан Низамов, ауыл биләмәһенең ҡатын-ҡыҙҙар советы рәйесе Ләлә Кәримова иң изге теләктәрен еткереп, барыһын да байрам менән ҡотланы. Илсур Ғиниәтуллин сығыш яһап, был изге эштә ҡатнашыусылар­ҙың барыһына ла рәхмәтен белдерҙе. Луиза Вәли ҡыҙы мәсетте һалыу тураһында һөйләп үткәс, 1-се класс уҡыу­сыларына бүләктәр бирҙе. Светлана Фуат ҡыҙы төҙөлөш эшендә әүҙем ҡатнашыусыларға Маҡтау грамоталары тапшырҙы. Мәсеттә тәүге тапҡыр намаҙ уҡылғас, сараға килгәндәр Айгиз Байрамғолов, Франгил Вәлиуллин, Рида һәм Луиза Ғиниәтуллиналар, Динә Йәғәфәрова биргән һарыҡ итенән бешерелгән ашты ауыҙ итте. Был әһәмиәтле саранан Әлкә ауылы мәктәбе лә ситтә ҡалманы. Директор Әлфиә Садиҡованың ярҙамы менән йөҙҙән ашыу кеше былау һәм башҡа тәмлекәстәр менән һыйланды. Халыҡ билдәле ҡурайсы Ишморат Илбәковтың моңдарын, Башҡортостан юлдаш телевидениеһында "Әл-фатиха" тапшырыуын алып барыусы Морат Лоҡмановтың диндең әһәмиәте тураһында һөйләгәнен ҙур иғтибар менән тыңланы.
Ниһайәт, Әлкә ауылында ла иман нуры балҡыны. Ике айлы мөһабәт Аллаһы Тәғәлә йортоноң бынан ары көн һайын да ишеге асыҡ буласаҡ. Мәсеттә йома намаҙҙарын уҡыу, дини байрамдар үткәреү, исем ҡушыу, никах теркәү һәм башҡа изге саралар үткәреләсәк.
Мәсет – ауылға бәрәкәт, тиҙәр. Алла йорто төҙөлөү менән унда йәшәгән халыҡ та иман нурҙары менән байыһын, яҡшылыҡ сәскә атһын, эскелек кәмеһен, кешеләр бер-береһенә яҡшы мөнәсәбәттә булып, мәсеткә йөрөһөн ине.

Лиана ВӘЛИУЛЛИНА.
Салауат районы.










Оҡшаш яңылыҡтар



Төш һөйләү гонаһмы?

18.10.2019 - Иман Төш һөйләү гонаһмы?


Ауырып киткәндә уҡыла

Доға ҡабул булһын өсөн хәләл ризыҡ ашағыҙ

Ҡайғы-хәсрәттәргә сабыр итеп доға ҡылыу

Намаҙ уҡыуҙың әжере

13.09.2019 - Иман Намаҙ уҡыуҙың әжере


Бойоҡҡанда һәм борсолғанда уҡыла торған доға

Иҫерткес эсемлек эскәндең  доғаһы 40 көн буйына ҡабул булмаҫ

100 һумлыҡ сәфәр

30.08.2019 - Иман 100 һумлыҡ сәфәр


Фәһемле төштәр хаҡында

Изгелекте күберәк эшлә, Хоҙай сауабын бирер

Ҡорбан салыу – шәфҡәтлелек, мәрхәмәтлелек, рәхимлелек билдәһе

Мөғжизәле йомортҡа

09.08.2019 - Иман Мөғжизәле йомортҡа


Күҙ тейгәндә уҡыла торған доғалар

Кешене изге ғәмәлдәре ҡотҡара

Зөлхизә айында намаҙ ваҡыты

Көнсөлдәрҙән Хоҙайға һыйынығыҙ

Саҙаҡа бәләнән һаҡлар

Йөрәк бәйләнеше

19.07.2019 - Иман Йөрәк бәйләнеше


Зөлҡәғиҙә айында намаҙ ваҡыты

Күҙ тейгәндә уҡыла торған доғалар

Ураҙа тотоу – изге ғәмәл...

Өйрәнәйек доғалар!

04.06.2019 - Иман Өйрәнәйек доғалар!


Хоҙай ураҙаларыбыҙҙы ҡабул итһен!

Ғәйет намаҙы нисек уҡыла?