НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » Өс һөйләм менән

Өс һөйләм менән


Башҡортостан Президенты Рөстәм Хәмитов 2015 йылда буласаҡ Шанхай хеҙмәттәшлек ойошмаһы һәм БРИКС илдәре башлыҡтары саммитына ҡарата төҙөлгән объекттарҙа булып, эш барышы менән танышты. “Каруанһарай” һәм ”Конгресс-холл” янында ҡунаҡханалар төҙөлә, ”Конгресс-холл” менән ”Нефтсе” мәҙәниәт һарайына реконструкция яһала. Бөтә урында ла эштәр графиктан алдараҡ бара.

Президент Рөстәм Хәмитов башланғысы менән республика уҡыусыларын бал менән тәьмин итеү программаһы эшләнәсәк. Тәүҙә башланғыс кластарҙан башлау тәҡдим ителә. Бүленгән балдың күләме 20 грамм булыуы ихтимал.

БР Йәмәғәт палатаһына граждандарҙы дөйөм ятаҡтарҙан күсереү программаһын әҙерләргә ҡушылды. Дөйөм ятаҡтарҙа йәшәгән граждандар өсөн уңайлы йәшәү шарттары булдырырға мөмкинлек биргән ниндәйҙер программа кәрәк. Был – Башҡортостан Президенты тәҡдиме.

Өфөлә Эшҡыуарлыҡ йорто асыласаҡ. Әлегәсә республика эшҡыуарҙарына бергә йыйылып “түңәрәк өҫтәл”дәр, семинарҙар, эшлекле осрашыуҙар үткәрерлек айырым бина юҡ, уны башҡа ойошмаларҙан һорап торорға тура килә. Киләсәктә ошо мәсьәләне хәл итеү өсөн тәҡдимдәр әҙерләнә.

Республикала «Баланы спортҡа йәлеп ит» проекты эшләй башлай. Ул “Берҙәм Рәсәй”ҙең “Йәш Гвардияһы” Бөтә Рәсәй йәмәғәт ойошмаһының Башҡортостан төбәк бүлексәһе, Рәсәй дәүләт социаль университетының Өфө филиалы һәм Рима Баталованың “Милләт йәшлеге” төбәк йәмәғәт фонды ярҙамында БР Йәштәр сәйәсәте һәм спорт министрлығы башланғысы менән бойомға ашырыла. Төп маҡсаттары – спорт менән даими шөғөлләнеүгә йәлеп итеү, спорт төрөн һайлағанда балаға ғәмәли ярҙам күрһәтеү.

Башҡортостандың халыҡ ша­ғиры Мостай Кәримгә һәйкәлде монтажлау эштәре сентябрь урталарында тамамланасаҡ. Проф­союз­дар йорто алдындағы майҙанда сквер ҡалҡып сығасаҡ. Һәйкәл композицияһының дөйөм бейеклеге – алты, оҙонлоғо 15 метр.

А. ИШЕМҒОЛОВА әҙерләне.

Сығыу ваҡыты 16-08-2013, 15:03 | Ҡаранылар: 763
|
  • Баш ҡала ҡунаҡ ҡаршыларға әҙерләнә
  • Өс һөйләм менән
  • Яҡшы күрше туғандан ҡәҙерле
  • Ҡытай менән эштәр көйләнә
  • Өс һөйләм менән
  • Информация

    Комментировать статьи на сайте возможно только в течении 4 дней со дня публикации.


  • Исемең матур, кемдәр ҡушҡан, Һине күреп кем туйған…
  • Дилә ИШБАЕВА.
  • “Кеше үлемендә минең дә ғәйебем бар...”
  • Ҡалған ризыҡты нимә эшләтергә?
  • Үҙҙәре «һауын»ға әйләнеп бара...
  • Үәт, ҡыҙыҡ! (3.11.2017)
  • Донъяһына күрә түрәһе
  • Ләйсән Ҡаразбаева хәбәр итә:
  • Бала тәрбиәләүсе ғаиләләр өсөн ташламалар һәм пособиелар
  • Кешегә исем бүләк итәләр



  • Радио Юлдаш FM