27.08.2011 Бөтә Рәсәй «Һөтлө ил – 2011» фестивале Өфөлә үтәсәк
Рәсәйҙәге был тәүге ҙур һөт байрамы Башҡортостанда 3 сентябрҙә асыла.
Фестивалде үткәреү урыны итеп Өфө осраҡлы ғына һайланмаған. БР Ауыл хужалығының матбуғат хеҙмәтенән хәбәр итеүҙәренсә, эре мал һаны һәм һөт етештереү буйынса бөгөн республикабыҙ Рәсәйҙә беренсе урында тора.
Сараны ойоштороусылар – «Берҙәм Рәсәй» Бөтә Рәсәй сәйәси партияһы, республика хөкүмәте һәм Рәсәй Федерацияһының Ауыл хужалығы министрлығы ярҙамында Милли һөт етештереүселәр союзы. Фестиваль РФ Ауыл хужалығы министрлығы тәҡдим иткән Бөтә Рәсәй һөт һәм һөт аҙыҡтарын ҡулланыуҙы дәртләндереү программаһына ярашлы уҙасаҡ.
Байрам ҡала советы алдындағы майҙанда ойоштороласаҡ. Фестиваль программаһы сараларға бай булмаҡсы. Байрамға килеүселәр төрлө конкурстарҙа ҡатнаша аласаҡ.
Оҡшаш яңылыҡтар
