21.06.2011 Һыу буйынДа һаҡ булығыҙ

Һыу инеү миҙгеле асылыу ме­нән республикабыҙҙың яр буйҙарында Ғәҙәт­тән тыш хәлдәр ми­нистрлығының БР буйынса баш идаралығы хеҙмәткәрҙәре тикшереү­ҙәр үт­кәргән. Бил­дәле бу­лыуынса, бөгөн тө­бәктә яр буйында бө­тәһе 67 ял итеү урыны бар. Шулар­ҙың Өфө­лә урын­лаш­ҡан 11-е техник яҡтан тикшерелгән.
Дим районында Карьер күлендә, Киров районындағы Ағиҙел йылғаһы буйында «ҡояшлы» пляждары асылған. Шулай уҡ һыу инеү урындары Прибельская, Бельская урамдары районында әҙер. Октябрь районында йәшәүселәргә ҡашҡаҙан күлендәге «Сипайлово», ҡариҙел йылғаһындағы «Сипай­лово Сочиһы», Ленин райо­нында «Затон» һәм «Сафронов пристаны» пляждарында ял итергә мөмкин. Йөҙөргә яратыусылар Калинин райо­нындағы Йылы күлендәге «ҡомло» («Песчаный») пляжында ла һыу инә ала.
Әммә пляждар әҙер булыуға ҡарамаҫтан, бәхетһеҙлектәр йыш осрай. Ошо йылдың башынан алып республика һыу ятҡылыҡтарында 18 кеше һәләк булған, шуларҙың бишәүһе – балалар. Бындай аяныс хәл һыу инер өсөн йыһазландырылмаған урындарҙа, иҫеректәрҙең йылғаға төшөүе арҡаһында килеп тыуа. Ә балалар ололар иғтибарынан ситтә ҡалыуы сәбәпле үлемгә дусар була.
– Махсус урындарҙа ғына һыу инегеҙ. Бәләкәй суд­нолар­ҙа махсус жилеттарһыҙ йөрөү, һыуға ҡапыл сумыу, судноларға яҡын йөрөү, өрөп тултырмалы матрас­тар­ҙа йәки камераларҙа ярҙан алыҫҡа китеү тыйыла. Ата-әсәләр яр буйында балаларын һәр саҡ иғтибарҙа тоторға тейеш, – тип кәңәш итә МЧС хеҙмәткәрҙәре.

Э. ИШЕМОВА,
БДУ студенткаһы.