28.06.2019 №26 (11229)

“Йәшлек” гәзитенең 26-сы һанына күҙәтеү

Гәзитебеҙҙең был һанында Бөтә донъя башҡорттары ҡоролтайҙары тарихына байҡау яһалған. Кемдәр дүрт ҡоролтайҙа делегат булған, бәлки, үҙҙәрен тарихи фотоларҙа күреп ҡалыр.

Һәр ваҡыттағыса, һуңғы яңылыҡтар, әһәмиәтле ваҡиғалар гәзит биттәрендә урын алған.

Үткән аҙнала Сибайҙа “Урал аръяғы” инвестиция форумы уҙғайны. Күп төбәктән бизнес вәкилдәре, буласаҡ инвесторҙар килде. Билдәле актер Стивен Сигал да беҙҙең ҡәҙерле ҡунаҡ булды. Был һанда ошо сара тураһында репортаж бирелә.

Гәзит уҡыусыларының көтөп алған рубрикаларының береһе “Тормош юлдары ҡатмарлы” был юлы ла беҙҙе фәһемле лә, ҡыҙғаныс та хәл менән таныштыра. Үкенесле, әммә яҙмыштан уҙмыш юҡ...

Фәнил һәм Фәриҙә исемдәрен йөрөтөүселәр бармы арағыҙҙа? Был исем нимәне аңлата? Холоҡ-фиғелегеҙгә тап килмәе? Ошо исемдәге билдәле кешеләр күпме? Даими рубрикабыҙҙы уҡып белерһегеҙ.

“Сәләмәтлек”, “Спорт”, ”Сәйәсәт кенә түгел” рубрикалары ла, хаттар, ауылдарҙан хәбәрҙәр ҙә ҙа көндәлек мөһим нәмәләр тураһында бәйән итә.