22.03.2019 №12 (11215)

“Йәшлек”тең 22 март һанына күҙәтеү

Гәзиттең яңы һаны Башҡортостандың ойошторолоуына 100 йыл тулыуға ҡарата фотоколлаж һәм Ә.Үтәбайҙың илһөйәр шиғыры менән башланып китә.

Тәүге биттәрҙә республика, ил, донъя яңылыҡтары менән танышығыҙ. Бишенсе биттә сәйәсәт һәм уға ҡағылышлы мәҡәлә менән танышығыҙ.

"Бер мөхәббәт тарихы" рубрикаһында йырсылар Нәсимә һәм Азамат Тимеровтар тураһында уҡығыҙ. Күрше биттә ваҡытһыҙ мәрхүм булған олуғ ғалим Әхмәт Сөләймәновҡа арналған хәтер һәм ҡәҙер кисәһе нисек үткәне менән танышығыҙ.

10-сы биттә Таһир Күсимовтың тыуыуына 110 йыл тулыуға арналған кисә тураһында мәҡәләне уҡығыҙ.

12-13-се биттәрҙә балаларға бағышланған ҡыҙыҡлы уйындар, мәҡәләләләр урын алған.

"Иман" битен күптәр яратып уҡый. Был гәзиттә лә баҫылды.

"Сәләмәтлек" рубрикаһында файҙалы кәңәштәр, Өфөлә яңы поликлиника асылыуы, Көйөргәҙе районының Таймаҫ ауылы фельдшеры Фирүзә Юлаева тураһында яҙма, күҙгә күнегеүҙәр тураһында уҡығыҙ.

М.Кәрим исемендәге хикәйәләр конкурсына килгән "Көтәлер инде" тигән хикәйәнең аҙағын бирелгән. Тулы вариант гәзитебеҙ сайтында бар.

Яңауыл ҡалаһында йәшәгән Владислав Глухов исемле егет күреү һәләтен юғалтһа ла был донъяла үҙ урынын тапҡан. Гөлнур Ҡыуатованың мәғәләһен уҡығыҙ.

19-сы биттә хеҙмәттәшебеҙ Нур Ҡәҙербаев әҙерләгән спорт яңылыҡтары менән танышығыҙ.

Башватҡыстар яратыусылар яңы сканворд сисеп һөйөнөр. телевидение программаһы 21-22-се биттәрҙә бирелгән.

Гәзиттең иң аҙаҡҡы битендә көләмәстәр, иғландар, тыуған көндәрен билдәләүселәр, сираттағы "Йәшлек" гүзәле" менән танышырға мөмкин.