НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

Йөҙйәшәр атайыбыҙ


Йөҙйәшәр атайыбыҙМин һеҙгә атай-әсәйебеҙ тура­һында яҙып, “Мөхәббәт ҡартаймай” тигән фотоконкурста ҡатнашырға булдым. Атайыбыҙ Әбделғәлим Ғибәҙәт улы Ғибәҙәтов 1914 йылда Әбйәлил районының Асҡар ауылында тыуған һәм бөгөн дә ошонда йәшәй. Әсәйебеҙ Нәзиға Хә­жиәкбәр ҡыҙы 1923 йылда Таш­тимер ауылында донъяға килгән. Икеһенең дә бала сағы ауыр хеҙмәттә үткән. Атайыбыҙ – Бөйөк Ватан һуғышы ветераны. Ул һуғыштың башынан аҙағына тиклем ут эсендә булған һәм орден-миҙалдар менән бүләкләнгән. Әсәйебеҙ ҙә колхоздың төрлө ауыр эштәрендә эшләгән, тыл ветераны. Һуғыш тамамланғас, 1946 йылдың октябрендә Әбделғәлим менән Нәзиға татыу ғаилә ҡорған. 67 йыл бергә татыу йәшәү дәүерендә өс ҡыҙға һәм биш малайға ғүмер биргәндәр. Беҙҙә, балаларында, бәләкәйҙән эшһөйәрлек, белемгә ынтылыш, тырышлыҡ, үҙаллылыҡ тәрбиәләнеләр. Хәҙер һәр беребеҙ үҙ аллы гөрләтеп донъя көтәбеҙ. Тик апайыбыҙ һәм ҡустыбыҙ ауыр сирҙән мәрхүм булып ҡалды. Әсәйебеҙ ошо ауыр ҡайғыны күтәрә алманы. 2013 йылдың майында баҡыйлыҡҡа күсте, ауыр тупрағы еңел булһын. Шулай ҙа уның рухы һәр саҡ яныбыҙҙа. Атай-әсәйебеҙ 21 ейән-ейәнсәргә, 24 бүлә-бүләсәргә ҡә­ҙерле олатай-өләсәй. Беҙ бала саҡтан даими рәүештә район, республика гәзит-журналдарына яҙыл­дылар. Ғаиләбеҙҙә һәр кем матбуғат менән дуҫ.
100 йәшкә етеп барһа ла атайыбыҙ гәзит уҡырға ярата, тик ҡолағы ғына ишетмәй. Әсәйебеҙ тәмле итеп буҙа ҡоя торғайны. Хәҙер ҙә туғандар, таныштар уның буҙаһын иҫкә алып һөйләй. Ҙур ғаиләнең оло тотҡаһы булып, һәр кешегә яҡтылыҡ, изгелек теләп, хөрмәт тойоп йәшәгән атай-әсәйебеҙ бары­быҙға ла өлгө һәм үрнәк булып тора.

Шәүрә ҒАТАУЛЛИНА.

Сығыу ваҡыты 14-03-2014, 06:10 | Ҡаранылар: 1047
|
  • «Беҙҙең мөхәббәтте һуғыш та, ауырлыҡтар ҙа еңә алманы»
  • Атайлы йорт – ныҡлы, әсәйле йорт – наҙлы
  • Беҙ әсәйгә мәңгелек бурыслыбыҙ
  • 35 йыл һаулыҡ һағында
  • Һин – беҙҙең ҡояшыбыҙ!
  • Информация

    Комментировать статьи на сайте возможно только в течении 4 дней со дня публикации.


  • “Уның үлемен теләп йәшәнем...”
  • Еҙнәм инең (хикәйә)
  • “Кеше үлемендә минең дә ғәйебем бар...”
  • Мин һәр саҡ табип хатаһы ебәреүҙән ҡурҡа инем...
  • Үәт, ҡыҙыҡ! (17.11.2017)
  • Үәт, ҡыҙыҡ! (24.11.2017)
  • Татлы һөйөүҙән кем туйған?
  • ҺАБАҠ (хикәйә)
  • Мәүлит байрамы мөбәрәк булһын!
  • Бүләктәр – өлөшлөләргә!



  • Радио Юлдаш FM