RSS-подписка Вконтакте Вконтакте
» » Булмағанды бар итә белгән ғаилә

06.07.2012 Булмағанды бар итә белгән ғаилә

Булмағанды бар итә белгән ғаилә
Һуңғы тиҫтә йылда, ауыл ерендә эш юҡ, тип әйтергә күнегеп киттек. Эшһеҙлеккә һылтанып, эскегә бирелгән әзмәүерҙәй егеттәребеҙ ауыл күркен боҙоп йөрөһә, бына тигән йорт һалып, мал-тыуар үрсетеп, буш ятҡан баҫыуҙарҙы эшкәртеп, башҡаларға өлгө булырлыҡ йүнселдәр ҙә бар арабыҙҙа.
Ғафури районының ҙур булмаған ҡыҙылъяр ауылында йәшәүсе Сәғитовтарҙың татыу, тырыш ғаиләһе был фекерҙе тулыһынса иҫбатлай. Светлана Исмәғил ҡыҙы менән Ришат Рәшит улы ошо ауылда тыуып үҫкән. Ауылда эш урындары булмаһа ла, ғаилә юғалып ҡалмай, шәхси хужалыҡтарын киңәйтә. Булдыҡлы уңыр, булдыҡһыҙ туңыр, тигән боронғолар. Ныҡышмалылыҡтары булмаһа, 110 гектар ерҙе алып эшкәртергә баҙнат итерҙәр инеме һуң?
Сәғитовтар 2009 йылда буш ятҡан баҫыу­ҙарҙы ҡуртымға алып, үҙ көстәре менән техника һатып алып, бойҙай, арыш сәсеп ҡарай. Уңыш мул сыға. Тик 2010 йылғы ҡоролоҡ улар­ҙы хафаға һала, ғаилә килемһеҙ ҡала.
– ҡоролоҡтан һуң бик мандып булмай, тип артҡа сигенергә ярамай, эште башлағас, еренә еткерергә кәрәк, – ти Ришат Рәшит улы. – Быйыл 30 гектар бойҙай сәстек.
Хужалыҡта – биш һыйыр, ете башмаҡ, ә ҡош-ҡорттоң иҫәп-хисабы ла юҡ. Былтыр иһә уңған хужалар бер башмаҡтан ғына 50 мең һум килем алған. Ә бер баш малды ҡарауға күпме хеҙмәт, тир түгелә. ҡыҙыу ҡояш аҫтында 50 – 60 эҫкерт бесән әҙерләүе лә, ай-һай, еңел түгелдер.
– Элегерәк иткә хаҡ бигерәк арзан ине, һуңғы ике йылда хаҡтар күпкә артты. Был ҡыуаныслы күренеш, әлбиттә, – тип һүҙен дауам итте ғаилә башлығы.
Уларҙың унлап умартаһы бар. Бал һатып та аҡса эшләйҙәр икән.
– Балаларҙы мәктәпкә әҙерләгәндә бигерәк ярап ҡала, – ти Светлана Исмәғил ҡыҙы, йылмайып. Әйткәндәй, тырыш ғаиләлә ике бала үҫә. Әлиә Красноусол башҡорт гимназия-интернатынын 7-се синыфын, ә Илмир ауыл мәктәбенең 2-се синыфын тамамланы.
Атанан күргән – уҡ юнған, әсәнән күргән – тун бескән, тигәндәй, уҡыуҙа ла тырыш балалар күптән инде ата-әсәләренең ҡул араһына ингән. Әлиә әсәһенә йорт эштәрендә ярҙам итһә, Илмир – ата­һы­ның уң ҡу­лы. Һәр нәмәне ҡарап то­роп, отоп ҡалырға тырыша.
– Эшләгәндәре беҙҙең өсөн булһа, өйрәнгәндәре үҙҙәре өсөн, – ти ата-әсә бер һүҙҙән.
Тырышҡан – тапҡан. Ысынлап та, Сәғитовтар һәр нәмәнән килем эшләй, үҙ һатып алыусылары ла бар.
– Йәйен Еҙем буйы ял итеүселәрҙән өҙөлмәй. Йомортҡа, һөт, ҡаймаҡ, ит – барыһы ла үтемле. Көҙөн инде бал менән картуф һатып аласаҡтары хаҡында алдан хәбәр итеп ҡуялар, – ти хужалар.
Йәштәрҙең ата-әсәләре лә, бер ауылда йәшәгәс, балаларына һәр саҡ ярҙам итә. Оло терәк тә, кәңәшсе лә улар.
Уңған хужабикә бар ҡатын-ҡыҙҙарға хас булған бәйләү, тәмле аш-һыу әҙерләү, гөлдәр үҫтереү кеүек шөғөлдәргә эйә. Тәҙрә төптәрендәге күҙҙең яуын алырҙай шау сәскәгә күмелгән гөлдәрҙе күреп, бының дөрөҫлөгөнә тағы бер инанаһың.
Ғаилә бер-береңде аңлап, ярҙам итеп, ғүмер ағышында йәнәшә атлаған саҡта ғына ныҡлы була. Шундай ғаиләләрҙе тормоштоң ямғыр-бурандары ла, көслө елдәре лә һындырмай. Сәғитовтарҙың татыу ғаиләһе лә шундайҙар рәтендә.

Диана ХӘБИБУЛЛИНА.
АВТОР фотоһы.










Оҡшаш яңылыҡтар



Ҡыяр күп булһын тиһәң

17.03.2023 - Махсус биттәр Ҡыяр күп булһын тиһәң


Ҡарағатҡа иртә яҙҙан һыу һибегеҙ

17.03.2023 - Махсус биттәр Ҡарағатҡа иртә яҙҙан һыу һибегеҙ


Ағасығыҙ туңмағанмы?

17.03.2023 - Махсус биттәр Ағасығыҙ туңмағанмы?


Кибеттә нисек алдайҙар?

17.03.2023 - Махсус биттәр Кибеттә нисек алдайҙар?


Баҡсасыға –  ярҙамға

17.03.2023 - Махсус биттәр Баҡсасыға – ярҙамға


Күренештәр

17.03.2023 - Махсус биттәр Күренештәр


Кәбеҫтәне ҡара бөрсә  баҫһа, нимә эшләргә?

Ҡыяр ауырымаһын тиһәгеҙ…

17.03.2023 - Махсус биттәр Ҡыяр ауырымаһын тиһәгеҙ…


Ах, был ҡоротҡостар…

17.03.2023 - Махсус биттәр Ах, был ҡоротҡостар…


Витаминлы йәйғор – смузи

17.03.2023 - Махсус биттәр Витаминлы йәйғор – смузи


Сейәнең емештәре  ниңә ҡойола?

17.03.2023 - Махсус биттәр Сейәнең емештәре ниңә ҡойола?


Йәйҙең тәме – банкаларҙа

17.03.2023 - Махсус биттәр Йәйҙең тәме – банкаларҙа


Телеңде йоторлоҡ!

17.03.2023 - Махсус биттәр Телеңде йоторлоҡ!


Ҡарбузды ла белеп ашайыҡ

17.03.2023 - Махсус биттәр Ҡарбузды ла белеп ашайыҡ


Телеңде йоторлоҡ! Йәшелсәнән ашамлыҡтар

Ҡул сәғәте оҙаҡ йөрөһөн тиһәгеҙ…

17.03.2023 - Махсус биттәр Ҡул сәғәте оҙаҡ йөрөһөн тиһәгеҙ…


Телеңде йоторлоҡ! Тултырылған сөгөлдөр һәм чипсы

Алма ҡағы

17.03.2023 - Махсус биттәр Алма ҡағы


Ниндәй автомат кер йыуыу машинаһы алырға?

Хужабикәгә кәңәш: бәшмәк ризыҡтары

"Йондоҙло табын" - Светлана НАСИРОВА-СӨЛӘЙМӘНОВА

Телеңде йоторлоҡ! Борщ. Баклажанлы салат.

Йондоҙнамә (14-20 октябрь)

14.10.2019 - Махсус биттәр Йондоҙнамә (14-20 октябрь)


«Милкең һатылмаһын тиһәң, бурыстарыңдан ваҡытында ҡотол»