21.09.2012 50 миллион кешегә автотранспорт – ағыу
Рәсәй ҡалаларында 50 миллион самаһы кеше автомобиль транспортынан сыҡҡан тауыш һәм химик бысраҡлыҡ норманан үтә артыҡ булған урындарҙа йәшәй.
Йыл һайын тирә-яҡҡа авария һәм торбаларҙан сыҡҡан технологик бысраҡ арҡаһында 5 – 10 миллион тонна нефть продукттары эләгә. Ә Рәсәйҙә магистраль торба үткәргестәр селтәре генә 85 мең самаһы урында һыу ятҡылыҡтары аша уҙа.
Эксперттар һанауынса, экологияның бысраныуы арҡаһында илдә йылына 300 меңләп кеше үлә. Тап ошоға бәйле 25 – 30 йылдан Рәсәйҙә халыҡ һаны 100 миллионға ғына ҡалыуы ихтимал. Һуңғы тиҫтә йылда ғына автомобилдәрҙең нисек артыуын үҙ күҙҙәребеҙ менән күреп, “тығын”дарҙа йонсоған саҡта, был фаразға ышанмай ҙа хәл юҡ. Нимә, машинанан төшөп, атҡа ултырырғамы?
Ekonom-priroda.ru сайтынан Айсын АҡБУЛАТОВА әҙерләне.