28.01.2019 Йондоҙнамә (28 ғинуар - 3 февраль)
Ылаҡ (22.12 – 20.01)
Был арала күпселек эшегеҙҙең барышы туҡтағандай тойолор. Ғөмүмән, бында һеҙҙең ғәйебегеҙ бөтөнләй юҡ кеүек. Артыҡ бошонмағыҙ, бер аҙ ғына көтөргә тура килер. Йомала етди һәм өмөтлө һөйләшеүгә әҙерләнегеҙ.
һыуғояр (21.01 – 19.02)
Аҙна барышында ниндәйҙер өр-яңы эш менән шөғөлләнерһегеҙ кеүек. Борсолоуҙар юҡҡа булыр, барыһын да йырып сығырһығыҙ. Эшегеҙҙең йомғаҡтары менән үҙегеҙ ҙә, башҡалар ҙа ҡәнәғәт ҡалыр.
Балыҡ (20.02 – 20.03)
Был арала күптәр йәмәғәт эштәре менән булышыр. Теләмәгәндәрҙе лә барыбер йәлеп итерҙәр. Шулай ҙа был йүнәлештә мотлаҡ уңырһығыҙ. Кеше араһында абруйығыҙ ҙа артыр.
Ҡуҙы (21.03 – 20.04)
Элекке дуҫ-иштәрегеҙ үҙҙәре хаҡында һәр саҡ белдереп торор. Ғөмүмән, улар менән аралашыу файҙалы булмаҡсы. Аҙна тыныс үтер. Кире ваҡиғалар бөтөнләй көтөлмәй.
Буға (21.04 – 21.05)
Яҡын киләсәккә ҡайһы бер маҡсаттарығыҙ тулыһынса асыҡланыр һымаҡ. Алған йүнәлешегеҙҙән тайпылмаһағыҙ, барыһы ла һәйбәт тамамланыр. Әгәр инде быны үтәмәһәгеҙ, үҙегеҙҙе генә ғәйепләгеҙ.
Игеҙәктәр (22.05 – 21.06)
Төрлө эш менән артыҡ мауығып, ял тураһында онота күрмәгеҙ. Нисек кенә тырышһағыҙ ҙа, барыбер рәхмәт һүҙен ишетмәҫһегеҙ. Шаршамбылағы уйламаған сығымдар кеҫәгеҙҙе арыу ғына бушатыр.
Ҡыҫала (22.06 – 23.07)
Аҙна һәйбәт башланып китер. Үҙегеҙҙе һәр саҡ ышаныслы тойорһоғоҙ. Тик шишәмбелә һеҙҙең тирәләге ваҡиғаларҙың уйламаған йүнәлеш алыуы ихтимал. Иң өмөтлө көндәрегеҙ – кесе йома һәм шәмбе.
Арыҫлан (24.07 – 23.08)
Осор барышында элегерәк башҡарған ниндәйҙер эшегеҙҙе ыңғай баһаларҙар. Маҡтау һүҙҙәре лә ишетерһегеҙ. Яҡын арала яңы, юғарыраҡ вазифа тәҡдим итеүҙәре бар. Бер ҙә икеләнмәгеҙ, һеҙ быға лайыҡлы.
Ҡыҙ (24.08 – 23.09)
Аҙна башындараҡ кемдер һеҙгә бик күптәнге бурысын ҡайтарыр. Уны тыныс, бер ҙә аптырамай ҡабул итегеҙ. Ошо арала ниндәйҙер эшегеҙҙе ваҡытлыса туҡтатып торорһоғоҙ. Кесе йомала ниндәйҙер бүләк бирерҙәр.
Үлсәү (24.09 – 23.10)
Төп эшегеҙҙә уяу булығыҙ. Дошмандарығыҙҙың йәнләнеп китеүе ихтимал. Уларға ҡаршы тороу, үҙ ҡарашығыҙҙы яҡлау күп көс-хәлегеҙҙе алыр. Шаршамбынан һуң ваҡиғалар ағышы бер аҙ яйланыр.
Саян (24.10 – 22.11)
Элекке ваҡиғалар шауҡымы һаман да һиҙелеп торор. Уларҙы онотоп, бөгөнгө көн менән йәшәргә кәрәктер. Шишәмбе-шаршамбыла ваҡ мәшәҡәттәр менән булышырһығыҙ. Шәмбелә насар уйҙарға бирелмәҫкә тырышығыҙ.
Уҡсы (23.11 – 21.12)
Тормошоғоҙҙа ниндәйҙер ыңғай үҙгәрештәр төҫмөрләнә башлар. Ҡайһы бер мәсьәләләргә ҡарата ҡарашығыҙҙы үҙгәртерһегеҙ. Әүҙемлегегеҙ ҙә көсәйер, бер ҙә уйламаған нәмәләргә ҡарата ҡыҙыҡһыныуығыҙ ҙа артыр. Яңы мөмкинлектәр ҙә асылыр.